泰 深水埗

泰 評價 相片

話說近年搬到附近~ 都好鍾意去呢度食野~覺得又好味又抵食~沉晚再去, 非常之失望~話說七點幾去到, 預左要等位...都知道越尼越多人~ 等左差唔多二十分鐘...終於都有位~叫左次次都會食0既生蝦刺身, 柚子沙律, 咖哩炒大蜆同蒜茸包 加兩杯青檸梳打柚子沙律都係平時咁好味, 只係份量好似少左~生蝦刺身份量不變, 但好明顯差左...笠口0既...一D都唔爽~~ 咖哩炒大蜆 :咖哩無乜味道 (竟然?!)...大蜆仲有沙~ 好失望~食晒咁滯都未等到個蒜茸包~ 阿姐話整唔切喎~~再等...終於都尼~~但個包根本都唔熱...仲青青地色~好怪~兩杯野飲仲唔使講...得一片仔青檸...仲要無冰0既...一D都唔凍~ 唉...超級勁失望~~ 果然當一時鋪頭出左名多左人去之後...水準真係keep 唔到~仲要加價tim....唉....

相信有人同樣有此問題到底 Tum Yum Thai 怎樣讀呢？好像是 "冬陰泰" 。

入番正題先，今次與朋友三人行，並不是點得太多菜，分別有﹕泰式生蝦刺身，生菜包(豬肉)，泰式燒側魚，馬拉盞炒通菜，泰式炒金邊粉及"泰式燒大硯"(這個老闆推介好像在餐牌上是沒有的。

) 由於我也不知道是什麼時候開始的迷信，中國人不要"食七咁食"，所以如要再點菜必需多點兩款，但已經差不多飽了，所以沒有再加。

以下是每項菜分別的食評﹕泰式生蝦刺身﹕很大碟，有十四隻，很新鮮彈牙也不會因為泰式汁導致覆蓋了蝦的味道。

生菜包(豬肉)﹕我之前吃過的生菜包生菜包豬肉會有點辣味或過多鹽"喊"味，但這個豬肉沒有辣味或過多鹽味反而有種泰式的酸甜，第一次嘗到，好吃﹗泰式燒側魚﹕本來意為魚皮也可吃，但原來魚皮已被燒得很硬和"喊"最好不要吃，但打開魚皮後，魚肉的香味(及可見的香煙)不用點泰式汁已經可嘗到燒魚本身的味道，個人建議先來一個原味，再來個泰汁比較一下自己喜愛那種味道。

泰式燒大硯﹕大硯也是與魚一樣，可先嘗原味與點泰汁比較一下，很新鮮，在吃的同時把硯殼上的硯汁同一時間放進口腔，感覺很捧呢﹗﹗﹗以下兩款菜色反而平平無奇的馬拉盞炒通菜和泰式炒金邊粉同樣是"味道淡"但鑊氣十足。

整體來說算很不錯了。

地點比較偏遠，平常基本上是不會找得到的，所以有興趣試的朋友要先查清楚地點。

今日同朋友幫襯, 等左1 個小時20分鐘才有位, 不過都係無揀錯 。

我們二人選了 四樣餸: 串燒雞肉及牛肉 (豬肉無晒 ), 泰式燒蜆 (8大隻), 燒鰂魚(大大條), 蝦醬炒通菜 。

其中串燒雞肉夠嫩滑入味, 牛肉就 ok, 有一條比較韌, 沙爹汁接受 。

蜆分炒及燒, 我們鐘意原味燒, 帶有海水味及鮮甜, 無沙,。

燒鰂魚 好大條, 連鱗鹽燒, 去皮後裡好鮮甜內有香草配合, 絶無泥味。

通菜 油頗多, 味道唔係好適合我們, 但好多人叫 。

老闆用電爐燒魚, 一轉燒蜆, 絶無停手 。

現在只能在街邊食, 絶無入座, 食客同等客都很多, 等耐點都抵 ~ 食好嘢嘛 ! 5月底要搬啦, 搬去附近創x銀行對面, 地方應該會大一點 , 價錢自然會加, 實在太便宜, 外賣都做唔停 。

份量都好大碟, 下次要揾多幾個朋友食飯先至得 。

如果大家未去過呢間野, 對個度又唔熟路既話, 要去就記住print張map出黎喇.....如果唔係出左MTR實有排兜....由MTR行去個度around 58mins 呢間野真係好多人, weekday去都要等十幾張檯, 不過都唔算等好耐, 等around 3045mins.....佢個舖位好細, 好似一間珍珠奶茶舖咁既size, 所以舖面係冇位比人食野, 佢將d位擺晒係隔離左右關左既舖既門口, d位擺到"U Turn"埋添~我地2個人食左4個餸, 埋單$180...上菜速度慢左d, 差唔多食完一碟, 另一碟先上到...員工都幾好禮貌, 唔會話忙得濟, 有人嗌都唔理人 or 黑晒口面~泰式生蝦 ~ $48/17隻...超抵食, 個汁香濃又夠辣, 可惜生蝦唔新鮮又唔彈牙, 佢又冇用冰鋪底, 入口冇左冰凍既感覺~泰式生菜包 ~ $40....好多肉好多生菜, 食完都飽左5成, 可惜肉炒得唔夠香, 生菜又唔新鮮爽口~炸蝦餅 ~ $40...又係好大既一碟, 炸得好香口, 蝦膠重料又打得好均勻, 可惜d油用得太多日, 炸到d蝦餅黑卒卒~青咖喱豬 ~ $40....附送一碗白飯, 咖喱有椰香得黎又有少少辣, 可惜豬肉料少左d~總結 : 價錢平又大大碟, 食得好飽但味道一般, 專程去食仲要排咁耐隊就唔好搞喇, 咁arm係個頭又唔駛排咁耐隊既就冇所謂

話說呢間野見過幾次, 次次都爆晒場咁, 仲有有人排隊, 咁就無得唔試啦, 難得一家四口齊人又無煮飯, 今日我請客!! 7點鍾去到已經有人排隊, 有部份鋪頭未關門, 所以未開到台比我地, 不過唔緊要, 打好野既話, 等係有價值.約15分鐘後就有位, 服務態度唔多講, 路邊鋪就唔重要, 不過都算唔錯.叫菜先, 上菜速度明顯地較慢, 鬼叫佢鋪頭細細咁多人食咩~~冬陰公 好似我唔食得辣既真係幾陰公, 不過我家人就話唔辣.飛天通菜 都唔錯!! 小食拼盤 有炸魚餅, 炸蝦餅, 春卷, 春卷真係脆, 大酒樓級數, 蝦餅就油左小小, 但係都係推介生蝦 $48 有成18隻, 有鮮味, 加上人多黎食一定有返咁上下新鮮, 必食青咖哩(豬肉) 跟一個白飯, 送飯一流流流!! 豬頸肉 唔夠肥, 不過不失, 唔洗特登叫, 但係係最早賣晒, 唔知係我果碟定我個口味唔岩生菜包 唔錯泰色炒飯 乾身, 好味, 不過太飽仲可以打包 4個人8碟送同一支可樂都係$310呢間野唔好睇佢細細間仲要坐街邊, 食野最緊要係抵食,好味, 深水步長沙灣最高quality 既泰國野, 香港內既都算高水準, 街坊必食, 非街坊又近近地可以黎試下!

泰餐單提供泰國菜等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 27088031 查詢。

您對於深水埗餐廳「泰」有何 comment？

泰餐廳詳細資料：

• 泰地址:
  深水埗營盤街159-161金德花園地下1號舖
  Tum Yum Thai, Shop1, G/ F, Goldtop Garden,159-161 Camp Street, Sham Shui Po
• 泰電話: 27088031
• 泰價錢: $50以下
• 分類: 泰國菜
• 座位: 未知
• 付款: 現金
• FB專頁: 泰 Facebook

更多泰相關資料:

• 泰分店
• Youtube
• Facebook
• Twitter
• Google