麵道 沙田

麵道 評價 相片

幫襯麵道其實已經有一段時間啦，每一次都唔會失望尼排冇得去日本旅行，真心掛住日本，就去麵道感受下日本氣氛😂黑松露蜆貝醬油湯拉麵好清香嘅海鮮湯加醬油味，又有好濃嘅黑松露味一如既往，佢哋嘅湯底都係咁正好濃好香，真係同喺日本食嘅有得揮😎on top嗌多個小食，啤酒炸雞來咁多次都係第一次食，估唔到又好好味❤熱辣辣炸起，出面少少脆，入面好juicy夜晚收工來食，真係好有喺日本去居酒屋嘅感覺佢哋唔單止野食好味，連環境都做到好似日本咁收工同朋友一齊來飲返杯可以輕鬆下又可以止一止日本癮😂

有次係石門做完嘢但又唔知食咩好就隨意入左呢間拉麵店試呢款雞湯拉麵好濃味 不過濃得嚟覺得偏鹹 唔太岩我口味 麵條既硬度適中 因為個人中意有口感的拉麵 太軟身就變左好似食台灣麵線咁有點抗拒🥺雞叉燒比平時食到既偏向大塊而且唔嚡係值得讚賞 整體嚟講小店的食物質素中規中矩 價錢算係平對比同類型拉麵店 但我唔會為呢間店特登入去石門再食 另外有一樣唔中意係拉麵面頭放得太多生洋蔥令到成碗拉麵味道太濃啦 可能中意重口味飲食的人會中意 如果有得選擇走洋蔥就好啦

今日嚟到石門食lunch男友話要食拉麵就同佢嚟咗呢度食了呢度食拉麵有得送汽水🙈🙈好似有可樂忌廉雪碧揀🤩叫咗個叉燒溏心蛋伊勢海老豚骨湯拉麵湯底好濃郁食完又唔口渴2塊叉燒肥瘦適中唔會話肥肉太多仲有兩粒細細的餃子好好吃呀個湯比我飲晒都得.呢款拉麵拉麵可以俾你選擇要唔要木耳䓤都可以揀要唔要當然面嘅軟硬度都俾你話事我要的是幼面個蛋係流心的另外叫多咗個天婦羅雞翼即叫即炸不過佢就冇乜味想重味啲 可以加啲七味粉餐桌上有的

近近地石門站一出就已經係呢一間拉麵店我選擇嘅係辣味叉燒拉麵完全唔覺得辣湯嘅味道都唔合乎自己口味丶麻麻地不過叉燒同麵嘅口感都ok同埋佢哋日本汽水幾好飲不過朋友食到黑曬面

經過時候正正已經係午飯過後,大大的玻璃窗算是先下只得三枱客人一前一後加上吧台,終於一個箭步走入店內除下口罩來一個速食的拉麵。

。

由於近期形勢一浪接一浪的患者增加,所以由平常的一星期三、四日出門，已至到一星期出門一次,在食物享受過程中我只有拿緊時間，最有可能的15分鐘內完成任務~特盛雞叉燒溏心蛋雞白汁湯拉麵HK$90.十分濃稠的湯底加上有輕微辛辣感覺，掛湯力非常強 雞肉本身肉質稔滑，但就略嫌味道偏淡不夠入味, 溏心蛋做出應有之水準，半流心之狀態視覺覺上感療癒， 麵條硬度選取於普通正常，亦符合個人要求~跟餐要上一個煎餃子Hk$25.自己就覺得不論外型與及內涵都很像是交來的包裝貨,不願置評~ 整體上個人覺得麵食不過不失,大前提我覺得沒有加一服務已經贏了一個馬鼻,在現今這個事勢之下,不過如果下次再嚐相信只會吃麵而不會再挑選餃子｡

麵道餐單提供日本菜, 拉麵等推介美食位於沙田區，餐廳座位數30人均消費約$51-100，結賬可以用Visa,Master,AlipayHK,支付寶,現金,八達通，Booking訂位可以電話致電 35635262 查詢。

您對於沙田餐廳「麵道」有何 comment？

麵道餐廳詳細資料：

• 麵道地址:
  沙田石門安群街3號京瑞廣場第一期地下G1號舖
  Ramen Dou, Shop G1, G/ F, Kings Wing Plaza1,3 On Kwan Street, Shek Mun, Sha Tin
• 麵道電話: 35635262
• 麵道價錢: $51-100
• 分類: 日本菜, 拉麵
• 座位: 30
• 付款: Visa,Master,AlipayHK,支付寶,現金,八達通
• FB專頁: 麵道 Facebook

更多麵道相關資料:

• 麵道分店
• Youtube
• Facebook
• Twitter
• Google