金禾餐廳 沙田

金禾餐廳 評價 相片

一入到去 餐具有污跡 筷子有咖喱漬 問佢拎隻碗仔 又油林林 又有污跡服務態度又差 叫佢比過隻筷子 兩個員工聽到都唔應又唔拎但又唔係忙架喎 企喺度冇嘢做都見到扮見唔到 叫左一個紅湯 一個中湯 味道淡如水椒鹽鮮魷 比平時食開嘅深色 以為香脆啲啦 點知一咬落去 個皮軟林林 勁嘔心 好似浸過水咁 🤢🤮🤮叫個侍應埋嚟問佢 個椒鹽鮮魷個皮軟林林係咪正常架佢話：係正常架 係咁㗎😂😂 我即刻冇嘢好講到個蝦膏蒸腩仔 咸到阿媽都唔認得⋯永世難忘🤣🤣真係請都唔會再食

今晚又冇飯食，返到屋企樓下，諗住買外賣，但諗諗下都係入去食完先返屋企。

入到去，侍應推介了好多今日菜色，但都不感興趣，後來她就推介了一個鹽焗雞熏蹄飯，咁就要呢個啦。

飯就要等一陣先有，侍應就俾一碗例湯給我飲住先，碗湯有埋豬骨，雖然冇咩特別，但都叫做有下湯水飲下。

碟飯終於等到，鹽焗雞好香，食到一陣陣五香味，雞又滑，熏蹄有好幾舊，唔肥，又爽口，點埋醋就梗好味，碟頭又大，都幾抵食！有時候一個人食飯都有一個人好，起碼清靜啲同可以唔使理其他人。

今日好晏起身，擒晚有點肚痾，所以今朝晏了起身，差不多成一點多先起床，洗完臉擦完牙搞呢搞路又兩點了，有點肚餓，都係落去食個茶餐醫肚先！又黎到呢間茶餐廳，今次就食茶餐當下午飯，見佢茶餐除了有三文治果啲小食外，仲有炒飯麵添，我就叫了一個生炒雞絲飯加一杯熱檸水。

生炒雞絲飯來到，聞到炒到好香，入面有生菜，火腿，好多雞絲，蛋，其實佢唔係雞絲，係切得比較大件既雞件，冇骨，變相食落啖啖肉，炒得好乾身，唔油，料好足，雖然係下午茶餐，但碟頭唔細，男人食都會好飽肚，飯炒得好香，好有鑊氣，我都不其然咁食晒成碟飯。

加埋杯熱檸檬水，咁抵既價錢食到一餐咁豐富既下午茶餐，星期六就係一個好滿足既環境下開始了！

食物 : 西冷牛扒賣相 : 7/10，一般餐廳賣相，不過不失味道 : 7/10，牛扒質感不錯環境 :7.5/10，以屋村餐廳嚟講算係中上價錢 : hkd 80/ 1人性價比: 7/10，以屋村餐廳一個餐80蚊有啲貴，但因為係香港來說，其實可接受

今日屋企一家出了去飲，我因有事不能出席，是晚唯有一個人去一個屋苑樓下的茶餐廳食個飯，入面環境係一般茶餐廳格局，侍應都算幾有禮貎，今晚入面不是太多人，我選了一個卡位坐。

侍應行過黎告訴我今日只得是日晚餐，餐牌入面的食物全部都冇，因為有兩個師父放左假，所以只可點選晚餐。

我唯有點選一個是日晚餐，我見有一個係胡椒豬肚湯配白飯。

感覺幾吸引就叫了一個。

晚餐還跟一個餐飲，我只點選了一杯熱檸檬水。

胡椒豬肚湯上枱後，已經聞到一陣陣香味，我當然急不及待去飲個胡椒湯先，味道都幾濃，有點辣，只係有少少油了點。

我用胡椒湯撈落啲飯度，真係幾盞鬼。

豬肚都算幾乾淨，豬肚好入味，配以酸菜响湯入面，成個人都醒神晒！😀用檸檬水中和返啲胡椒辣味，真係就算一個人食飯都可以係樂事！呢間餐廳我都幫襯過不少，平時只係覺得一般，但今晚的胡椒豬肚湯又真係幾好味。

值得一讚！茶餐廳我鍾意佢夠地道，又唔使加一，又唔會太貴，又唔限時，有時候我都情願去茶餐廳多過去啲貴價食店。

金禾餐廳餐單提供港式, 燒臘等推介美食位於沙田區，餐廳座位數未知人均消費約$50以下，結賬可以用現金。

您對於沙田餐廳「金禾餐廳」有何 comment？

金禾餐廳餐廳詳細資料：

• 金禾餐廳地址:
  沙田穗禾苑商場地下
  金禾餐廳, G/ F, Shui Wo Court Commercial Complex, Sha Tin
• 金禾餐廳電話:  
• 金禾餐廳價錢: $50以下
• 分類: 港式, 燒臘
• 座位: 未知
• 付款: 現金
• FB專頁: 金禾餐廳 Facebook

更多金禾餐廳相關資料:

• 金禾餐廳分店
• Youtube
• Facebook
• Twitter
• Google