明星海鮮舫 沙田
地址: 沙田大涌橋路55-57號
最後更新:
明星海鮮舫推介
建於小瀝源路與大涌橋路城門河岸旁邊的海鮮舫，主打粵菜、點心及海鮮菜式，二樓供應京滬點心，三樓有泰國及印度廚師供應異國風味菜式。
沙田明星海鮮舫
| 餐廳分店 | 明星海鮮舫 |
|---|---|
| 地區 | 沙田 |
| 電話訂位 | 沒有電話提供 |
| 餐單 Menu | 粵菜, 廣東, 點心, 中菜館, 酒樓 |
| 人氣指數 | 918 |
| 價錢幾錢 | $101-200 |
明星海鮮舫訂位位於沙田區，詳細地址是沙田大涌橋路55-57號，餐廳寬敞座位數目共有1440個。明星海鮮舫幾錢？價錢優惠後人均消費大約$101-200埋單，早餐午餐晚餐明星海鮮舫餐單包括有粵菜, 廣東, 點心, 中菜館, 酒樓等美食，付款方式有Visa,Master,現金,銀聯付款。
明星海鮮舫優惠
明星海鮮舫 評價 相片
大埔友各自用自己方式到達現場，難得有機會聚首一堂。
由我兒時起已好想親臨海鮮舫一睹風采，奈何一直無幾會。
十幾年後終於緣份到喇，多謝雲姐賜我盛宴。
多年來都以為位置遠離岸邊及後受周星馳食神影響，更深信不疑要駁艇才能到達。
到這刻如夢初醒，原來座落於馬路邊，心裡傳來巨大噓聲囉！步入大廳那麼的暗呢？怪怪的粉紅色霓虹光管，那裡的夜店？找到自己的餐桌靜靜座下，嘆幾啖鐵觀音跟朋友們寒暄問候一下，耐心等候開飯。
我最緊張都係今晚食咩餸，鴻運乳豬全體、上湯焗龍蝦伊麵底，唔洗連隻底字都印埋掛，好貼地喎，哈哈。
富貴花炒帶子雙蚌，何為富貴花？富貴竹我就知。
多子百花球、明星海中寶燉湯、清蒸珍珠躉、蠔皇金錢扣原隻鮑魚、明星極品燒雞、瑤柱珍珠雞、炸雷沙湯圓，炸湯圓，宮廷流沙飽？食完流沙就會飽？係咪真係飽架？永結同心、環球生果。
我真係堅鍾意睇菜牌，經常有意外收獲，富娛樂性又有學術性，笑死我！程序依舊新人進場，著韓式古裝禮服？果真獨特。
播片、演講、宣誓、切糕、錫錫、播音樂、乳豬進場，禮成！鴻運乳豬全體，都幾冰凍架喎，油膩感十足，皮脆一咬散碎，肉咸黏著厚厚肥膏，朋友們不太喜歡，又係我包底。
上湯焗龍蝦伊麵底，不太清楚是那裡龍蝦，不過一定不是澳龍，見背上斑點估計係巴西龍。
賣相好靚仔，龍蝦滿滿的疊得高高，見到已流晒口水，殺呀！搶住一大束伊麵連上湯芡啜入口，臉色凝重，味淡腍劈劈，失望透頂，給我豆瓣醬撈撈，求其處理掉。
幸運地龍蝦肉爽嫩鮮甜彈牙好味道，還有一絲安慰。
朋友們厭麻煩，頭頭尾尾要剝殼的都不用，最後都要我出手全部消滅。
富貴花炒帶子雙蚌，富貴花原來是西蘭花，第一次聽。
雖然只散發微弱暖意在室溫邊緣，不過西蘭花脆脆又有菜甜味，牽著軟滑帶子跟爽爽珊瑚蚌齊齊食，格外美味可口。
暗灰色的桂花蚌邊皮就強差人意，咸咸的腍腍的。
多子百花球，多子在那？係蝦球裡面？還是滿盤百花球叫多子呢？仲咩又熄燈呀？烏燈黑火點食野啫？突然有個男人走出黎獻唱，似乎有點酒意，自 high 又聲沙，不知什麼來頭，不知何方神聖，一於懶理繼續享用晚餐。
朋友們厭煎炸野熱氣又唔食，分多幾粒益晒我，多謝啊。
跟兒時超群即食炸百花球不相伯仲，外外內內連埋個甜酸汁都幾乎一樣。
皮脆肉實有蝦味，唔難食。
明星海中寶燉湯，其實我覺得人家大囍日子既菜名加入酒樓名唔係咁好囉，好刺耳！用返堆有意頭有祝福名字就開心舒服得多啦！我一個要頂三碗燉湯，唔想浪費，好好好。
有什麼海中寶啊？冬菇、竹笙係菌類喎，只得海蔘及瑤柱，湯汁清甜過得去。
發生什麼事？燈光比剛才更黑，開著藍光燈加閃燈，連條魚都影唔到。
再播埋碰碰聲的 disco 歌，幾班後生食客走出去跳舞，咩料呀？比我靜少少食下野好嗎？我好攰喇！清蒸珍珠躉，分到少少脊肉食，結實微甜，話晒啖啖肉，免強合格。
蠔皇金錢扣原隻鮑魚，似乎依度菜十分高檔喎，原隻乾鮑讓我雙眼發晒光！鮑魚外形討好，豪邁地整粒啪，鮑汁四射，彈彈嚥韌，鮑味鮮濃不得了，搭埋大大厚身花菇滋味無窮。
明星極品燒雞，微暖的體溫，咸咸滑溜嫩肉，濕巢雞皮，麻麻地。
炸雷沙湯圓，煎堆跟雷沙湯丸合體，外面係香脆煎堆芝麻，裡面係綿綿湯丸豆沙餡，幾得意喎。
平日練跑見到呢坐海鮮舫。
最後一夜先識來吃飯。
點了個明星小炒皇。
碟菜有腰果，西芹及炒豆腐。
腰果好有咬勁。
西芹好爽口。
炒豆腐好易入口。
混入白飯非常好食。
杯香片好清香。
今晚個場坐無虛設。
埋單價$121。
第一次黎食晚飯，叫左個貴既龍蝦宴，一個字形容好鬼差，除左魚，其他食物都唔夠熱，未去到難食，但唔駛錢我先會黎食lor,侍應夠晒多但冇人會理你，最正係黎到第4碟菜佢竟然夠膽上甜品，O晒咀
記得以前細個去仍然是沙田畫坊，是海上的畫坊位置在沙田海，依稀記得坐在酒樓會有浮下浮下的感覺，但80年代結業了，跟著就有敦煌畫舫，是一座仿古設計石舫，不像從前是真船了。
很多年未再光顧，現已改名為明星海鮮坊了。
電話訂座時酒樓已提醒升降機維修暫停使用，酒樓有3層如要上樓要行樓梯，為了遷就老人家行動不便，所以11:30就先攞枱，可以分配到地下一層知道2樓大堂有一套仿製龍紋寶座佈置，專程到樓上參觀，天花板亦有一對龍鳳。
點心都很不錯，鴛鴦炒飯味道雖好但嫌飯太少汁太多，6個人食埋單$475，每人$80，好抵食。
花先生約左朋友lunch，想飲茶但又無訂位，咁就去明星海鮮舫啦，因為通常都有位。
依間餐廳飲過茶，晚飯都食過，坦白講，食物就一般般啦，未至於唔好食，但又唔係好食個啲囉，你明既⋯⋯今次想記底既唔係佢地既食物，而係環境同衛生！上到一樓，我地被安排坐近backdrop個邊啦。
去過既都知道餐廳裡面係好殘舊，個backdrop都有啲封塵，依個都不是重點！食食下，有個穿白色恤衫既男人（疑似經理）不斷搬我地周邊既凳，然後叫其他人掃地⋯⋯ what？我地食緊野，你係我隔離掃地？啲塵會唔會飛到周圍係呢？然後，阿經理就不斷推啲間房既板，砰砰嘭嘭！完全感覺到啲塵係充滿成個空間囉！最後佢係間左間房，而我地係唯一一枱客係依間「房」。
其實如果知道會間房，就唔應該安排客人坐個邊既位置！我地剛去到既時候係見到有其他吉枱架！完全無考慮過食客感受，衛生意識勁低！免得過都唔會再黎！我唔想食塵！
明星海鮮舫餐單提供粵菜, 廣東, 點心, 中菜館, 酒樓等推介美食位於沙田區，餐廳座位數1440人均消費約$101-200，結賬可以用Visa,Master,現金,銀聯。
您對於沙田餐廳「明星海鮮舫」有何 comment？
明星海鮮舫餐廳詳細資料：
- 明星海鮮舫地址: 沙田大涌橋路55-57號 Star Seafood Floating Restaurant, 55-57 Tai Chung Kiu Road, Sha Tin
- 明星海鮮舫電話:
- 明星海鮮舫價錢: $101-200
- 分類: 粵菜, 廣東, 點心, 中菜館, 酒樓
- 座位: 1440
- 付款: Visa,Master,現金,銀聯
- FB專頁: 明星海鮮舫 Facebook
更多明星海鮮舫相關資料:
香港餐廳2026推介8月