Bene Italian 沙田

Bene Italian 評價 相片

絕對良心食評! 本人成日去新城市， 但呢間嘢唔起眼， 所以經過好多次都冇入發現。

有次老公話間嘢响度甘耐都冇執， 應該ok. 但果次都係唔敢入去， 因為個店面真係同周圍果啲新興食店曾太遠啦。

終於有次真係唔知食咩好， 入左去。

結果， 一試難忘。

首先， 價錢相宜， 一個set dinner 只係百幾2百蚊， 第二， 味道好。

肉眼扒配黑松露汁， 咸味剛剛好。

蜜糖炸雞翼， 外脆內軟。

呢三個月， 去左3次。

甜品都做得好好， 試過意大利奶凍， 白珠古力開心果旦糕

一人晚餐在新城市，突然想食豪d，入左間意大利餐廳！環境幾relax , 估唔到撞到花曼，哈哈呢個雞春雞好好味，細細隻但骨也很細，所以啖啖肉，入口肉質鮮嫩不乾，烤得好香口，也很入味菠菜切好烤得林軟但保持嫩綠，薯仔略有點硬而冇味，不過不失

第1次經過既時候無簡到佢, 簡左隔離間餐廳第2次經過終於簡左佢😆叫左個set dinner, 簡左個蘑菇湯同羅馬薄餅配煙3文魚火箭菜...好長個名😅另外仲叫左炸薯條同香辣蟹肉扁意粉等既時候, 見到廚師煮野食著哂火, 好似好勁咁😮😮炸薯條配松露蛋黃醬其實我係見佢寫有芝士, 以為係淋d芝士係面個種先叫, 點知原來係芝士碎灑係薯條面😂炸得幾脆, 熱辣辣食真係幾正重點係個醬好好食👍🏻真係好有松露味羅馬薄餅配煙3文魚無乜特別香辣蟹肉扁意粉以為佢無乜蟹肉?其實佢暗藏左唔少係入面不過咸左少少, 但我都食左大半碟😂好食👍🏻佢d意粉都幾有咬口, 幾好

Dinner set叫左沙律，pizza同cappuccino(+$15)。

沙律不是太新鮮，見到有幾舊菜已經黃左🤔Pizza既牛肉份量超級多，係超級多，好香牛味，同時芝士味都好濃郁，蕃茄醬都好搶鏡。

因為每樣配料味道都好重反而令成個pizza既味道好矛盾，好似藝人大家都爭住出鏡咁，食左2舊已經覺得濟🙈另外叫左蜆肉意粉，小小辣，蜆肉係多到爆炸。

意粉整得好彈牙。

不過整體味道食落唔知點解有種中式既味道🤔雞翼已經開左邊，食起黎好方便。

小小辣再加上蜜糖仲要炸得岩岩好，外皮咬起黎脆脆地今餐最好味係哩個雞翼。

櫻花soda係藥水味

午餐時間嘅沙田都係人人人，於是就去咗無人等嘅Bene Italian。

入面都無乜人，可能因為午餐定價接近一百至百多元，有少少貴，不過勝在人少唔迫又清幽。

同朋友叫咗午餐，有得揀配餐湯或者沙律，我哋一份揀凱撒沙律配香脆煙肉，入面有羅馬生菜、煙肉碎、烘麵包粒同巴馬臣芝士粉，羅馬生菜無變質發紅，食落爽脆，而且份量唔少。

另一份就揀咗雜菜沙律，有車厘茄、青瓜、火箭菜同雜菜，佢係用油醋調味，都幾酸香開胃。

鮮蟹肉番紅花意大利飯配枝豆及巴馬臣芝士，意大利飯入面嘅醬汁較豐富濕潤，米粒煮得比較腍身，對朋友嚟講較易咀嚼，胃部負擔亦較少。

蟹肉唔多，但味道算鮮甜惹味，當中嘅枝豆可增強口感。

水牛芝士櫻桃番茄薄餅，配料係自選嘅，薄餅餅底薄脆帶韌性，口感比連鎖式薄餅店麵包般嘅質感更佳，上面鋪滿水牛芝士等等，且可拉出芝士絲，配埋櫻桃番茄同番茄醬一齊食，香而唔膩。

午餐嚟講真係唔平，但就較同商場嘅餐廳寧靜，食完無人趕，仲可以留晌度接近個半鐘有多添。

Bene Italian餐單提供意大利菜等推介美食位於沙田區，餐廳座位數114人均消費約$101-200，結賬可以用Visa,Master,現金,AE。

您對於沙田餐廳「Bene Italian」有何 comment？

Bene Italian餐廳詳細資料：

• Bene Italian地址:
  沙田沙田正街18號新城市廣場一期1樓103A舖
  Bene Italian, Shop103 A,1/ F, New Town Plaza Phase1,18 Sha Tin Centre Street, Sha Tin
• Bene Italian電話:  
• Bene Italian價錢: $101-200
• 分類: 意大利菜
• 座位: 114
• 付款: Visa,Master,現金,AE
• FB專頁: Bene Italian Facebook

更多Bene Italian相關資料:

• Bene Italian分店
• Youtube
• Facebook
• Twitter
• Google