威斯餐廳 粉嶺

威斯餐廳 評價 相片

屋企人生日，近近哋揀咗去威斯餐廳慶祝，呢間餐廳開咗好多年，店舖裝修略為殘舊，但勝在價廉物美。

一行五人，每人叫咗一個套餐，先嚟濃郁嘅南瓜蓉忌廉湯和熱辣辣嘅餐包，非常好味。

主菜分別叫咗1.美國精選肉眼扒$109七成熟剛剛好，份量足。

2.威斯精選什扒$101 有雞扒/豬扒/牛仔骨及雞肉腸，肉質鮮嫩。

3.蘑菇粟米忌廉汁焗龍脷柳飯$68 賣相麻麻，但非常惹味。

4.鮮野菌烤雞肉忌廉汁天使麵$785.卡邦尼煙肉意粉$80仲配埋餐飲，喺今時今日幾拾蚊一份晚餐，真心講超抵食。

難得約到住北區嘅朋友食晏，所以就揀咗威斯餐廳。

一入去就有人serve我哋呢一點係值得稱讚!!叫咗一碟蒜香雞扒拼吉列炸蝦薯菜，蒜蓉汁香得嚟又唔會話過重蒜味，雞扒嘅肉質又唔會話好tough，炸蝦亦唔會話太油膩。

不過碟底同湯碗則邊就抹得唔係太乾淨，有啲汁係到，呢點要注意返。

但都推薦附近嘅朋友去試吓!!

作為屋苑的西餐廳來講，這餐廳味道都可以講食得過，算十分抵食，至於店內環境一般，燈光較暗。

香煎北海道帆立貝什菓沙律(什菓選用非鮮菓)香煎豬拼漢堡扒意粉忌廉湯羅宋湯，賣相不吸引，但味道還可以。

男朋友想据扒附近得呢一間，見門口餐牌都好平，於是入去試下。

環境好暗，有少少焗熱，人流唔多，環境唔算逼。

見人地食既野賣相都幾吸引。

雖然我矮但張sofa真係同張枱高度唔係幾夾。

張枱高過平時d餐廳，我男朋友坐對面唔係sofa高度就岩岩好。

驚男朋友唔夠飽，而且有d肚餓所以我就冇嗌扒反而試下佢d焗飯，希望只係小伏唔係大伏。

落完單隔一陣就上餐湯同牛油餐包。

白湯非常濃稠餐包普通正常，微溫。

略嫌餐具有少少污糟。

男朋友嗌左個鵝肝牛柳3成熟，冇過熟幾好。

d伴菜好難食，薯條有d淋可能擺得耐左，個人覺得鵝肝麻麻，而牛柳就冇咩問題。

係細舊左d，驚男朋友唔夠食。

個焗飯就隔左段時間先到，上面個塊係三文魚，見到好多青椒，煙肉，有d魷魚咁。

男朋友話面頭個塊三文魚全熟好乾澀，味道麻麻。

而我就覺得d飯勁多汁，好似湯撈飯咁好濃稠，不過味道就一般。

而且有少少膩，食幾啖就覺得飽。

記得望餐牌個陣係有包甜品同餐飲，食完隔左陣都冇人收枱又唔落單，侍應唔主動，嗌又冇反應。

而且見佢味道一般，所以就離開左冇食冇飲。

就連想埋單d侍應都慢吞吞，埋單個陣都冇主動問我地餐飲，搞到勁口渴。

埋單連加一兩個人食左250。

價錢唔算貴，不過會想考慮食第間多d。

間中都會黎呢度食晏，但今次嚟食有d失望。

因為唔係太肚餓，所以叫咗一個比較感覺輕食嘅餐 焗芝士吞拿魚三文治飛碟配吉列魚柳沙律。

其實呢間餐廳嘅午餐價錢都算合理 ﹐因為會有湯、有麵包、一個主食同埋一杯嘢飲，但今次我嗌呢個煮食就真係麻麻地啦。

首先講焗芝士吞拿魚三文治飛碟， 有半份係燶面嘅， 係有少少芝士流出嚟但係感覺膠膠地，吞拿魚份量少。

至於個吉列魚柳沙律，沙律醬比較多，魚柳同埋沙律上面都唧咗唔少，睇唔係幾到塊吉列魚柳， 而沙律嘅生果係罐頭就預咗㗎喇。

好彩佢嘅羅宋湯係足料好味，而麵包都係正常嘅。

個餐$45﹐另加10%服務費。

威斯餐廳餐單提供西式, 西餐廳等推介美食位於粉嶺區，餐廳座位數未知人均消費約$101-200，結賬可以用Visa,Master,現金。

您對於粉嶺餐廳「威斯餐廳」有何 comment？

威斯餐廳餐廳詳細資料：

• 威斯餐廳地址:
  粉嶺粉嶺中心一期地下20號舖
  Le fontaine, Shop20, G/ F, Fanling Center Phase1, Fanling
• 威斯餐廳電話:  
• 威斯餐廳價錢: $101-200
• 分類: 西式, 西餐廳
• 座位: 未知
• 付款: Visa,Master,現金
• FB專頁: 威斯餐廳 Facebook

更多威斯餐廳相關資料:

• 威斯餐廳分店
• Youtube
• Facebook
• Twitter
• Google