龍庭小廚餐廳 紅磡

龍庭小廚餐廳 評價 相片

朋友介紹黎呢間茶記食野，入面裝修都幾舒服，入到去都即刻招呼我地入去坐，最令我深刻係個炸墨魚餅，外脆內軟，入面有D菜粒令到成個餅嘅口感變得非常豐富，應該係呢度比較特別嘅其中一樣小菜，跟住叫咗個其他餐廳都有嘅星州炒米，賣相都幾有光澤，最令人驚喜係星州炒米嘅香味未送黎已經聞到，口感又唔會太乾，算係幾高質!

我很少寫食評，皆因懶，但這間茶記的一項菜式，推動我寫了這篇食記。

在紅磡找吃的不難，各類菜式都有，要在這區突圍而出，食肆老闆真的要絞盡腦汁。

無意中找到這間茶記，其實外表平平無奇，但門口擺放了“打冷”這個牌子，茶記搞打冷？就試一試。

看餐牌，被“鹵水鵝肝”4個字吸引著，初時以為自己將“鵝片”看錯成“鵝肝”，真的是鵝肝耶，本人好喜歡，很少做鹵水地方有鵝肝吃的，更何況是茶記？內心好爭札，又怕膽固醇高但又想食，後來餐廳經理可能見我們看著餐單發了一陣呆，就主動來搭訕，建議我們自選雙拼，可以“點吓個心”又不怕膽固醇高，只是菜式的原價加$10，噢！問題解決了，最後我們選了拼鵝肉，$138，經理還說我們識揀，蝕做給你，哈哈！我們還點了大眼雞魚，時價，問問經理，今日價位$130，嘩！我在街市買都要$90呢，抵吃！另外再點了蠔仔肉碎粥。

還想吃炸蠔餅，但2個女仔吃就怕吃撐了，所以……留待下次吧。

經理好好人，送我們例湯，今日是木瓜雪耳煲瘦肉，第一口就覺這個湯好好飲，忍不住又煩一煩經理，問問問真的好煩啊，哈哈，但經理立馬過來，用心講解，湯是不加味精，而且落足料，真的超誠意之作，例水都可以這樣有誠意！難得！主角登場，立刻動筷。

嘩！鹵水超有水準，鵝肝超軟滑不油膩，再吃鵝肉，肉質嫩滑適中，我又再召喚經理，(其實今次是經理主動埋身喇，心有靈犀啊)經理表示，廚師是潮州老師傅，年屆退休之年，再出山坐鎮，所以我們吃到這有水準的鹵水，實在難得，她又表示，未知可以做到幾時，鹵水可能是期間限定，要看緣份咯。

輪到蠔仔粥，蠔仔都頗大顆，粒粒飽滿，味道還好喇，大眼雞的賣相雖然不討好，但美味可口，今餐非常滿意。

順帶一提，餐廳設計非常貼心，每個卡位的牆邊都有一個插蘇位，經理表示可以帶插蘇來隨便叉電，呵呵呵，簡直打救了我，一餐飯下來可將手機充電，好貼心喔！另外，餐廳還有其他廣東小菜，經理表示新入文昌雞，下次可以試試，總括來說，餐廳食材用料上乘用心，茶記實屬小見。

朋友話去黃埔食晚飯，居然約係茶餐廳，先講位置，間餐廳係民泰街近紅磡道(地鐵出口側面)，都算容易揾，入到去地方幾大，光猛整潔，侍應招呼都幾親切，入得茶餐廳就預左無要求，朋友叫左3個餸，第1個餸係【海蜇手撕雞】手撕雞既海蜇夠粗身，雞絲好嫩滑，入面仲加左哈密瓜絲，入口好清新，配搭得非常好，Good！好味！第2個餸係【鍋貼菜心】，原來係炸墨魚餅，厘度個墨魚餅入面係加左菜心莖粒，食落外皮鬆脆，裏面好有墨魚味，菜心粒好嫩好爽口，整體口感好豐富，我地食到停唔到咀，好好味！第3個餸係【海鮮一品煱】，嘩！賣相一流，海鮮足料，入口味道鮮甜，只能用3個字形容佢(非常掂)，結果我地連海鮮湯都飲哂，真係好好味呀！！！今晚真係估佢唔到，只係一間餐廳小廚，d餸菜居然做得咁出色，平時最怕寫野既我，都忍唔住打返篇食評讚吓佢，厘度個經理同我講，原來厘度岩岩請左個xxx酒家大廚坐陣，唔怪得d餸菜咁好食啦火要賣相有賣相，要味道有味道，經理仲話遲d會有打冷消夜，好，下次黎黃埔一定會再黎幫襯

龍庭小廚餐廳餐單提供粵菜, 廣東, 中菜館, 茶餐廳, 冰室等推介美食位於紅磡區，餐廳座位數未知人均消費約$51-100，結賬可以用現金。

您對於紅磡餐廳「龍庭小廚餐廳」有何 comment？

龍庭小廚餐廳餐廳詳細資料：

• 龍庭小廚餐廳地址:
  紅磡民泰街40號安華樓地下1E及1F號舖
  龍庭小廚餐廳, Shop1 E&1 F, G/ F, On Wah Building,40 Man Tai Street, Hung Hom
• 龍庭小廚餐廳電話:  
• 龍庭小廚餐廳價錢: $51-100
• 分類: 粵菜, 廣東, 中菜館, 茶餐廳, 冰室
• 座位: 未知
• 付款: 現金
• FB專頁: 龍庭小廚餐廳 Facebook

更多龍庭小廚餐廳相關資料:

• 龍庭小廚餐廳分店
• Youtube
• Facebook
• Twitter
• Google