3肥雞煲海鮮火鍋 沙田

3肥雞煲海鮮火鍋 評價 相片

今日我哋又係去遊車河, 跟住就落沙田打邊爐. 有人話上次喺沙角邨望過對面嘅燈牌, 有間又係任飲任食火鍋, 想去試下. 咁我哋就將架車泊去博康邨停車場, 嚟試呢間"新嘢".一行4大1小, 同"新廣發"一樣$73.00一位, 湯底比"新廣發"平$3.00, $45.00一鍋. 但時間無限.食物種類都多嘅, 但嚟嚟去去都係普通到唔普通嘅生料. 丸類一啲好咸, 一啲食落怪怪地, 唔好食 魚蛋好粉, 唔似食緊魚蛋芝士腸尚可炸魚皮碎濕濕, 又唔脆蝦/蜆/瀨尿蝦("新廣發"有嘅海鮮)全部欠奉. 僅有嘅所謂鮮料(魚片/魚腩/九肚魚)都唔多新鮮, 好腥. 肥牛唔夾晒最後一片都唔refill.  清湯底係黃芽白+清水. (人哋"新廣發"至少都有包李x記火鍋湯底吖) 烚嘅嘢完全無味, 打邊爐一向少點豉油嘅我都頂唔順.今次真的中伏了!唔怪得之星期六嘅八點鐘, 仍然有"吉"枱啦! 既然無咩人, 理應服務好啦!  唔好意思, 係叫一叫, 郁一郁, 唔會主動收碟. (但態度OK嘅). "新廣發"多人幫襯, 職員太忙無暇收碟我可理解, 但呢度唔係嘛!惟一可取嘅係除咗汽水外, 有無汽嘅飲品維他奶. 仲有攞嘢食嘅碟比較乾淨.其實今時今日可以$100.00以下任飲任食嘅, 真係絕無僅有. 但既然價錢同一街之隔嘅"新廣發"一樣都係$73.00一位, 有得比較嘅. sorry 我唔會再中伏多一次囉!埋單$410.00 (大小同價 每人$82.00)

夏天去真係好熱,好局, 但BOSS好細心會安排吹風冷氣機比D客人, 爽D, 一大班朋友去吹水食飯一流, 現時出面D餐廳都會限時, 這裡絕對沒有, 任妳坐....由於是大排檔, 所以環境及衛生是差少少! 但員工的態度十分好, 服務一流, 不會口黑面黑!食物絕對好食, 味道OK, 有小菜, 海鮮, 雞煲及任食打邊爐, 妳想食咩就食咩, 支裝汽水任飲, 價錢不貴, 值得一試, 現在這裡已是我跟朋友的一個好去處, 是飯堂.....正!!

住在沙田附近, 市中心的食市已食到沒有感覺了, 所以決定和友食去找一點新口味, 得知沙角附近有間新店, 仲要食友人最愛的辛辣雞煲, 所以決定走去試試, 但仍有點擔心天氣會太熱, 坐大排檔會好熱, 但友人得知有辣雞煲吃, 已眼裡發光了, 所以亦決定一試, 但去到時比想像中涼快, 因為此店有很多super cool 的大形冷風機, 所以比沒有太熱的感覺雞煲好好食..好入味雞嫩而有雞味, 辣度岩岩好, 配菜亦好新鮮之後我們再叫了其他配料打邊爐肥牛略為多了一點肥肉蝦 新鮮有甜味魚片  新鮮..沒有泥味..待應們好有禮, 很像在酒樓食飯一樣

3肥雞煲海鮮火鍋餐單提供港式, 火鍋, 雞煲, 大牌檔等推介美食位於沙田區，餐廳座位數未知人均消費約$51-100，結賬可以用現金。

您對於沙田餐廳「3肥雞煲海鮮火鍋」有何 comment？

3肥雞煲海鮮火鍋餐廳詳細資料：

• 3肥雞煲海鮮火鍋地址:
  沙田博康邨熟食中心7號舖
  3 Fat Hotpot, Shop7, Cooked Food Stall, Pok Hong Estate, Sha Tin
• 3肥雞煲海鮮火鍋電話:  
• 3肥雞煲海鮮火鍋價錢: $51-100
• 分類: 港式, 火鍋, 雞煲, 大牌檔
• 座位: 未知
• 付款: 現金
• FB專頁: 3肥雞煲海鮮火鍋 Facebook

更多3肥雞煲海鮮火鍋相關資料:

• 3肥雞煲海鮮火鍋分店
• Youtube
• Facebook
• Twitter
• Google