岡山一番店 樂富
地址: 樂富聯合道198號樂富廣場A區地下L224-L225號舖
最後更新:
岡山一番店推介
Dantotsu岡山一番店拉麵的一號店位於日本岡山縣岡山市，於2008年開業至今已有15年的歷史。 Dantotsu拉麵屬於二郎系，其特點是： 1， 拉麵使用太麵（粗麵） 2， 麵的上方放上大量的蔬菜及芽菜堆成山狀 3， 蒜及油脂的份量根據自己喜好自由選 樂富分店的主題為拉麵 x 關東煮（Ramen x Oden），除了為您提供拉麵外，店內還設有關東煮自助吧。
樂富岡山一番店
| 餐廳分店 | 岡山一番店 |
|---|---|
| 地區 | 樂富 |
| 電話訂位 | 26887118 |
| 餐單 Menu | 日本菜, 拉麵 |
| 人氣指數 | 834 |
| 價錢幾錢 | $51-100 |
岡山一番店訂位位於樂富區，詳細地址是樂富聯合道198號樂富廣場A區地下L224-L225號舖，餐廳寬敞座位數目共有45個。岡山一番店幾錢？價錢優惠後人均消費大約$51-100埋單，早餐午餐晚餐岡山一番店餐單包括有日本菜, 拉麵等美食，付款方式有Visa,Master,AlipayHK,支付寶,現金,銀聯,Apple,Pay,微信支付付款，Booking網上訂位可以電話致電 26887118 查詢訂座。
岡山一番店優惠
岡山一番店 評價 相片
《岡山一番店 樂富》諗返起都覺得呢一碗拉麵大得好過分🤭話說琴日同我表妹去咗樂富行街，都真係好耐冇過嚟呢邊，個商場變咗勁多多咗好多新餐廳😉其中呢一間拉麵十分吸引到我哋嘅眼球👀因為佢嘅價錢好平，以拉麵嚟講真係好耐冇見過呢個價位出現，最平50幾蚊就食到😍不過佢唔淨只係因為價錢平先吸引到我哋，我哋見餐廳入面都好多食客，水準應該唔會太差，同為拉麵控既我哋就決定夜晚喺呢度解決😉原來佢係做二郎系嘅拉麵🍜其實我一直都好想試吓㗎喇，以前香港有一間好出名嘅一直都好遺憾冇試過😎所以我就挑起條筋要咗個拉麵小盛加四倍份量嘅芽菜，諗住感受一下咩係二郎系拉麵😅之後我就好後悔啦💁🏻♀️岡山一番拉麵 四倍芽菜 （小盛）$59係叫嘢食之前，我都特登問咗店員小盛至特盛麵既多少大細，最後都係諗住食個細嘅算啦，不過我身痕叫咗四倍芽菜同埋濃厚湯底，個麵上枱嘅時候真係嚇死人😱個碗其實唔算好大，但係啲芽菜多到就快滿瀉，而上面仲有兩片超級無敵勁肥美嘅叉燒😳入口會溶化不過真係肥騰騰既，你當食日式東坡肉啦，個湯底好重油脂，不過食落唔會死咸，幾經辛苦，先將個麵撩到上湯面，個拉麵我揀咗硬身，食落有小麥香同埋好彈牙，好容易掛湯👍🏻係我鍾意嘅嘢，我另外想特別講吓佢嘅芽菜，就算你加到四倍佢都唔使另外收費，如果鍾意食芽菜的話一定愛到瘋狂，不過我的話淨係食芽菜都已經好飽，因為真係超多芽菜呀😂💁🏻♀️半熟玉子拉麵 兩倍芽菜 （中盛）$67我表妹呢個拉麵同我嘅分別應該就淨係多咗半熟玉子，佢本身算食得多嘢嘅，所以佢揀咗中盛然後加兩倍芽菜，個人覺得佢個半熟玉子做得唔錯，而去上面嘅叉燒都係比較肥美的，可能二郎系拉麵嘅特色就係比較重口味同埋重油脂？佢隻碗俾我隻碗大少少，但係啲芽菜份量都絕對唔少㗎😂題外話，當日其實見到唔少男士食特盛再加四倍芽菜😳小妹表示十分佩服，不過問心果句，啲芽菜嗦曬啲湯汁之後其實好好味😋如果唔夠飽，仲可以加錢食佢嘅關東煮同埋飯團添，呢個價錢食到呢個質素嘅拉麵其實超值，唔怪得知長期都座無虛席啦
這間拉麵店最大的特別之處是可以自由選擇湯的濃郁度🍜、麵的軟硬度、甚至可以免費升級麵量及蔬菜量🆙！麵的份量分為小盛、中盛、大盛及特盛♨️；而蔬菜（芽菜）可選擇普通、2倍、3倍及4倍！名副其實的大件夾抵食～🍢關東煮（厚揚豆腐/魚蛋/燒獅子狗卷）除了拉麵，這裡還有特色的關東煮，可以讓太肚餓的朋友在等待期間先醫醫肚子～岡山一番拉麵（大盛）— 💸$73比較大食的朋友點了大盛配2倍蔬菜🥬，可見碗的容量及芽菜量也非常多，滿滿的芽菜！！雖然點了濃厚湯底但湯底的味道不是十分出眾。
豚骨醬油沾麵（小盛）— 💸$73小鳥胃的我點了小盛沾麵配普通蔬菜🦜，份量剛剛好！沾麵湯底也比拉麵濃郁，蒜油香重，個人比較喜歡沾麵～！
IG: Eattobefit.hk💪🏻 半熟玉子叉燒拉麵($63)(加叉燒2片 $12)呢個拉麵最大嘅賣點，就係可以揀4倍嘅巨量芽菜🤣 真心芽菜多過麵！而且呢間拉麵都跟番日本嘅拉麵店，可以選擇蔬菜量、湯嘅濃度、湯嘅油度、麵嘅硬度等，可以揀啱自己嘅口味！用一個詞語形容呢碗拉麵，就係「粗獷」🤣，因為我揀左濃味濃油拉麵，亦都揀左4倍芽菜，加左蒜蓉、額外叉燒🤤。
份量超級巨大，而且湯底濃郁同黏稠，但豬骨湯底唔突出，反而畀蒜味搶左。
湯底雖然濃味，但食完唔覺太口渴。
初初食個覺好爽，但食到中段就已經覺得太油膩，唔係好頂得得順🤣 （個人建議唔好揀濃味同多油）食完感覺好混亂🤣叉燒係厚切，都煮得夠淋，啖啖肉，超爽😋。
不過叉燒偏肥。
拉麵係粗身麵，拉麵算彈牙，唔會煮得過淋，連埋巨量芽菜一齊食，口感豐富，但拉麵掛麵程度一般。
溏心蛋嘅流心程度剛剛好！不過有個要扣分嘅位，佢冇提供冰凍嘅凍水，只得室溫水（一般日本拉麵店都會有冰水提供）😫味道：7/10性價比：9/10 食住瘦指數：💪🏻/5
半熟玉子拉麵(中盛) $67首先講個價錢先啦，以香港生活指數用呢個價錢有四倍芽菜性價比當然係高啦。
半熟玉子拉麵中盛嘅份量份量就好足夠，同坊間拉麵店嘅份量差唔多。
玉子味道都唔錯不過流於表面喺個蛋白嗰度，唔夠入味。
湯底方面小編呢就鍾意偏濃厚嘅，所以就揀咗濃味，雖然岡山一番店標榜8小時嘅豬骨湯再配上醬油，但食落個湯頭有豬骨香味唔算好出，但就食得出食得出有醬油嘅鹹味，亦都有蒜頭嘅香味，而且仲真係睇得到有一羹蒜頭呀。
麵條方面，拉麵店用左自家製嘅麵條，麵條比較粗身，而且非常掛湯。
如果鍾意食正常軟硬度嘅麵條，小編會建議你嚟岡山一番店嘅時候揀軟麵條就比軟岩食啦。
總括嚟講，今次可能新開店有日本師傅喺度駐場，但可能人多就未發揮到應有既水準啦。
以小編縱橫拉面店咁多年，佢唔算係非常十分OK，不過以CP值嚟講都算高嘅，想嚟打卡朝聖，懷緬鄉下味道嘅朋友都快啲嚟試下啦。
二郎系拉麵係日本拉麵中其中一個流派，出名份量多，可以免費加大量蔬菜同蒜，所以樂富呢間店內最吸睛既就係加左4倍芽菜山既拉麵😆豚骨醬油沾麵（中盛）2倍芽菜考慮到自己既食量，芽菜我冇咁進取，都只係叫左2倍份量，拉麵一上枱，肥嘟嘟芽菜真係好吸引，每次食既時間先放入湯中，既冇草青味又索到豬骨湯既濃香🐷另外拉麵係用上自家製既太麵，質感較硬淨有彈性，非常有咬口，濃底揀左普通口味，我覺得已經好夠味，如果揀特濃既朋友仔應該都食得好重口味😂芫茜辛辣拉麵（小盛）雖然揀左辣度最低既1辣，不過湯底食落都feel到幾辣🙈辣辣地又幾惹味🍜配埋芫茜好香，如果係芫茜愛好者仲可以加到4倍芫茜🤣關東煮（獅子狗卷．厚揚豆腐．大根．魚蛋）除左拉麵，係收銀位置附近仲有關東煮選擇，夾完可以直接比埋錢🍢都好多款選擇，排隊排得耐拉麵仲未到既時候可以食住醫下肚😆旁邊仲有味噌醬/辣醬比客人選擇
岡山一番店餐單提供日本菜, 拉麵等推介美食位於樂富區，餐廳座位數45人均消費約$51-100，結賬可以用Visa,Master,AlipayHK,支付寶,現金,銀聯,Apple,Pay,微信支付，Booking訂位可以電話致電 26887118 查詢。
您對於樂富餐廳「岡山一番店」有何 comment？
岡山一番店餐廳詳細資料：
- 岡山一番店地址: 樂富聯合道198號樂富廣場A區地下L224-L225號舖 Dantotsu Ramen, Shop L224- L225, G/ F, Zone A, Lok Fu Shopping Centre,198 Junction Road, Lok Fu
- 岡山一番店電話: 26887118
- 岡山一番店價錢: $51-100
- 分類: 日本菜, 拉麵
- 座位: 45
- 付款: Visa,Master,AlipayHK,支付寶,現金,銀聯,Apple,Pay,微信支付
- FB專頁: 岡山一番店 Facebook
更多岡山一番店相關資料:
香港餐廳2026推介8月