金滿盈 旺角

金滿盈 評價 相片

我食左這問餐廳都好幾次!味道勁好! 每樣野食都好有味道....可以話入味!極力推介：所有蒸飯，特別係煎蛋肉餅飯，鳳爪排骨飯~ (排骨超入味)奶茶....超超超好味呀!!!我個人好鐘意飲茶/奶茶~好多間飲完之後個口都好差既口感...這間...一個字：滑!!讚!!!我叫左二杯飲~飲完再飲!一杯唔夠!真係應該試下!!!!讚!!!!備：服務生雖然係阿嬸，但服務態度勁好! 真係...讚!

住係附近,所以經常係度開飯!通常都係叫晚餐,有湯有菜,都幾飽肚! 有時食吓蒸飯都唔錯呀!今晚叫咗;鱆魚蒸肉餅 ;味道好正呀!不過今晚呢個就得好小.好薄 ! 西芹抄咸肉 ;中規中矩!油墨菜 ;要腩汁,冇蠔油咁單調 !例湯;節瓜鱆魚煲唐排, 好大碗 !順便講吓joelsoo係11/9/09 呢餐,因為佢叫個d我都成日食;http://www.openrice.com/restaurant/sr2.htm?shopid=8811除咗呢個麻麻地之外,其它都幾好!就係; 麻醬手撕雞 我食個次d雞好乾好硬兼冇雞味 ! no good ! 已經向付責人投訴!

放工後與三五知己到旺角短聚啊姐服務態度好， 所以選呢間試下啦！有驚喜之菜。

。

。

蒜香骨＆香脆炸雞翼 非常之好食，外脆內嫩，夠熱！ 不似一般茶餐廳預先炸好，應該是即叫即做！鮮茄紅衫魚無咩special，但有媽媽嘅味道。

魚香茄子肉片有d咸，味道都一般啦。

菜肉雲呑米線 個米線軟硬適中，不會太腍！菜肉雲呑好多料，抵食！蝦酱豬腩王 有d油，不過話明係豬腩王嘛，煮到好腍，豬肉好入味！果然係引推介之作！麻酱手撕雞 我嘅最愛！係一碟冷盤，勁多芝麻，唔點酱都好好食！雖然環境普通，但整體食物有质素，啊姐服務好，笑容和藹！啊姐講嘢有d口音所以有笑位，愉快的一個晚上，可以一去再去！

2432009開會前搵地方 early lunch, 呢日想食麻辣米線, 0黎到最就腳的呢間試試, 還掂0係灣仔食過隔0黎川居覺得麻麻 (http://www.openrice.com/restaurant/commentdetail.htm?commentid=1917035).坐低發覺原來呢度係茶記,「米線」可改公仔麵又可以轉烏冬 (!), 仲兼賣蒸飯, 心涼了一截; downtoearth 一點叫個米線餐吧, 點知食物質素係 literally "down to earth" 「低得貼地」!先飲熱奶茶, 茶底薄, 飲落好稀好淡, 可幸唔會好多奶!主食係「雜醬」湯豬肚 + 五花腩米線 ($30), 加金錢(月展) (加 $6)... 米線硬度剛好, 煙煙韌韌感覺不錯, 不過配料太差了 雜醬就咁一 pat「塔」0係面, 賣相幾倒胃, 唯有將佢攪拌到湯內, 味道帶淡淡花椒八角味, 少少辣及少少少少少麻, 但完全唔夠香, 真無癮; 豬肚爽口, 不過「太入味」了, 食落好鹹; 五花腩好差, 瘦肉硬硬實實無喱味道, 肥的就太肥, 白色一團團無味物,, 都係唔食了; 金錢(月展)又係無味, 質地鬆鬆散散又太腍, 早知慳返0個 $6!跟餐的「小食」揀了油菜 (亦可選「雞中翼」或「串燒煙肉卷」, 但聽到一頭霧水...) 菜心頗清甜, 加上蠔油, 好難會難食吧?茶記格局的呢度衛生麻麻, 飛來飛去的小昆蟲令一啖一驚心, 食完快閃好了.放低 $36, 唔滿意, 唔飽, 唉, 早知行多兩步食個燒味飯算數!

晚上回到旺角，到了先達逛了至差不多8 時30，見肚餓，便到後面的花園街覓食。

在數間食店門外看過餐牌，商量了一陣，最後決定試試這間米線店。

二人各要了一個佰餐，分別是清湯鮮菇龍蝦丸米線+燒煙肉串+熱檸蜜和炸醬手打鯪魚球米線+油菜+豆漿。

米線跟一般的小鍋米線不同，沒有大量配菜，幸好枱上有樽菜脯任加，手打鯪魚球略鎌過實，米線則幾煙韌有勁，整體味道不錯，套餐不過是$28，但份量足夠一個男孩子，吃得過。

金滿盈餐單提供港式, 粉麵, 米線, 茶餐廳, 冰室等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「金滿盈」有何 comment？

金滿盈餐廳詳細資料：

• 金滿盈地址:
  旺角花園街116號地下
  Kam Moon Ying, G/ F,116 Fa Yuen Street,, Mong Kok
• 金滿盈電話:  
• 金滿盈價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 金滿盈 Facebook

更多金滿盈相關資料:

• 金滿盈分店
• Youtube
• Facebook
• Twitter
• Google