糖百府 旺角

糖百府 評價 相片

過左好耐, 不過既然開始寫就補返啦xd小妹不嬲中意食甜品之前家附近有糖百府都幾過幾次, 點知執左唯有去遠d食咁熱緊係叫個綿花冰食啦xd相信好多人都食過xd咁就唔講啦~唔記得左e個叫咩名xd第一次食, 都幾大份xd唔錯!雪糕凍不過下面d蘋果同麵包暖, 一啖凍一啖熱好正xd又唔會話太甜岩岩好xd用團購食完就走得xdd野都幾快有得食xp

如題甜品上枱時感覺已不討好，漿糊似的，柚肉勁硬及起楂，根本唔會選擇吞落肚，柚肉全吐。

老公叫了蕃薯糖水，喜愛姜味重，但蕃薯無味，感覺怪怪~唔識形容，我吃了兩小口已唔想再吃。

有待改善。

先講第一次偶然黎到，諗住食豆腐花，店員話冇，之後問左幾款熱甜品，都冇！（當時心諗十點就咩都冇既，係咪根本冇預備到？！）最後揀左杏仁糊，呢度做得杰身，有杏仁味之外仲有種香味，但太香好似唔太真實，一般。

其實都冇諗過事隔1個月會再黎，又係團購關係：P 下午茶時間黎到, 唔駛等位. 今次揀凍甜品，因唔想只食冰，係我猶豫緊咩係冰涼粉，店員主動介紹係牛奶冰+涼粉! 如果佢唔講，我會以為係冰粒+涼粉(哈哈!) 咁就未必會嗌啦店員的回應值得一讚! 最後揀左紅豆綠茶冰涼粉&芒果涼粉。

兩個甜品的賣相都幾吸引。

先講冰涼粉，surprise，綠茶冰口味啱我，唔太甜，加埋偏甜的紅豆粒就啱啱好。

芒果涼粉夠凍，芒果新鮮，但芒果漿太甜啦！已經預先問左店員要求走糖水同奶。

如果on top仲有糖水咪不得了？！試過之後，個人認為黎呢到食都係食冰類穏陣。

一心見到有團購券, 就買左2張諗住去THE ONE 果間試下, 上去到人山人海, 好多人排隊等位, 牆上仲張貼標示說大部份甜品都賣光, 如有投訴就可以打電話去, 心想我都係叫外賣回家好了, 我好辛苦找了個女待應叫外賣, 點知佢話呢度無外賣, 咁多間分店都有, 淨係呢間無, 咁我就話你張團購券明明寫可以堂食及外賣, 佢話團購券有些出錯, 咁我問佢點, 佢話我可以去其他分店睇下, 如MK 總店, 佢話佢地肯接受THE ONE 團購券, 我怕MK店唔承認, 我便叫待應生寫上佢個名, 反正我之後都打算去MK, 咁咪算囉改去MK拎, 我好趕好趕於8點前抵達MK 總店, 一去到又係人山人海, 個個都係拎住團購券,門口有好多人都等得好唔耐煩, 咁我唔理就外賣3碗餐牌上推介嘅楊支金露, 並要求9點半回去拎, 我地9:10 已經到, 佢地已經預早整定放係門口等我地, 心想又幾好幾準時喎, 問佢拎多個袋分開裝佢又要我比多$0.5, 其實已經比左$3 外賣盒錢,拎多個膠袋都咁計較, 回到家滿心歡喜一打開,分量只得一半, 味道極差,根本唔似楊支金露, 芒果肉只得兩粒, 芒果汁超稀, 西米只得好少, 沒有柚子肉, 明顯就是將價就貨, 我從未試過咁差楊支金露, 就算去一般甜品鋪食都好過佢好多陪, 一心以為總店會係最好, 點知味道強差人意, 仲要諸多限制, 估唔到總店糖百府都會係咁

前陣子團購有優惠，用 $20 便可以購買價值 $45 的現金劵。

聽聞糖百府的甜品也不差，雖然可選擇的地點不就腳，但也購入了七張當試食！星期六行經旺角，反正天氣熱，入去糖百府吃個冰凍的甜品消消暑，又順便可以休息一下！團購劵寫營業時間為三點，我們就準時三點去到，結果閘仍是關著，我們白等了十分鐘才開門！想吃的都貼住暫停，結果點了一個朱古力秋香加涼粉和心太軟配雲尼那雪糕。

朱古力秋香加涼粉 ($40+$5) : 朱古力秋香已配有香蕉及少量爆爆珠，朱古力味都算濃，加錢配的涼粉完全唔夾朱古力秋香，以口味，配料，外型各方面來說都比食開的元朗綿綿冰為遜色。

心太軟配雲尼那雪糕 ($48) : 忘記了拍流心的圖片！吃心太軟要等二十分鐘，在焗製的時候已聞到香香的朱古力味道。

心太軟蛋糕的部份約佔 2/3，流心的效果不夠膨拜！味道對版，但以 $48 感覺偏貴。

用了團購劵只需補回 $3，抵食得多！

糖百府餐單提供港式, 甜品, 糖水等推介美食位於旺角區，餐廳座位數40人均消費約$50以下，結賬可以用現金。

您對於旺角餐廳「糖百府」有何 comment？

糖百府餐廳詳細資料：

• 糖百府地址:
  旺角廣華街2-20號翠園大廈2期地下5號舖
  Tong Pak Fu, Shop5, G/ F, Tsui Yuen Mansion,2-20 Kwong Wa Street, Mong Kok
• 糖百府電話:  
• 糖百府價錢: $50以下
• 分類: 港式, 甜品, 糖水
• 座位: 40
• 付款: 現金
• FB專頁: 糖百府 Facebook

更多糖百府相關資料:

• 糖百府分店
• Youtube
• Facebook
• Twitter
• Google