明廚 旺角

明廚 評價 相片

重點😂😂:登登登登, 竟然呢間爛9茶餐廳要收加一真係吹到啤一聲😂😂 第一次嬲到寫食評經過旺角， 見佢門口好多生猛海鮮， 於時walk in入去， 見價錢中規中矩叫了1. 1小隻避風塘瀨尿蝦 $268貨真價實真係有尿味， 非常細隻，空心的2.蒜蓉粉絲蒸聖子$168 4隻擦子膠口感 ，沒有鮮味3.蒜蓉粉絲蒸扇貝 $116兩隻沒有鮮味 咬落去 只有霉爛的感覺總結: 海鮮食材差都算重點:登登登登, 竟然呢間爛9茶餐廳要收加一真係吹到啤一聲

朋友提議食呢間小菜, 仲同我講要指明坐樓上因為無訂枱, 原本安排唔到樓上座位, 但最後侍應都應我地要求代為安排如果坐樓下近魚缸位置，　非常腥臭，　有點難接受侍應推介咗幾款海鮮比我地，有凍蟹，瀨尿蝦同花螺，凍蟹佢話比出面潮式鋪抵，＄800　隻，佢 show 咗比我地睇, 都好大隻嘅，但由於太貴，我地無叫揀咗2隻瀨尿蝦　＄298　同花螺　＄250瀨尿蝦果然巨型，　仲會幫手剪開方便吃, 避風塘做法夠香口花螺侍應推介用鹽焗做法，　之前一直未試過, 估唔到又不錯，好大隻，　食到鮮味又帶輕微咸, 比起其他做法蓋過咗原味來得更恰當最後埋單都有點意外，　佢地嘅材料的確靚，但如果呢個價錢，　我會選擇去酒樓，　至少都坐得舒服Ｄ

好食既地方，一定要介紹比朋友，gogogo今次一行五人，我哋決定慢慢吹吹水，慢慢食，所以每次叫三兩個餸。

叫左鮑汁豬皮鳯瓜，靚女老闆娘解釋咗，見唔到啲豬皮係因為已經煮溶咗，所以食既時候就感受到啲gel 口😆網炸春卷，乾爽、唔覺油。

小炒皇，多料、大碟、惹味，好送酒。

乾煎花竹蝦、好好味、好香口，連殻都脆😋筍殼魚、大大條、香口、唔過火，正。

朋友食過話好食，心郁郁都去試吓！星期五7:00到咗，全間餐廳爆曬，好彩有打去訂位。

試咗招牌鹽焗奄仔蟹，嚟到真係心心眼，爆曬膏，鹹味啱啱好，好好味！明廚第一炒，其實同小炒王差不多，不過好大碟，同埋加埋上面啲銀魚仔，炸到脆卜卜，送啤酒一流！黃金涼瓜，個涼瓜做得好出色，裏便唔會有苦味，俾啲鹹蛋黃包住，外脆內軟！白灼手切本地牛，牛肉非常有肉味，牛肉生熟剛剛好，鍾意食牛嘅一定要試吓！另外仲有幾個小菜，炸乳鴿，冰火辣魷魚，椒鹽鮮魷，菠蘿生炒骨都好出色，食下飲下啤酒，開開心心過咗一晚。

值得一提，餐廳幾個老闆都好後生，個個都靚仔靚女，服務又好，下次一定會再返嚟！

話說我哋四個女仔好肚餓，去朗豪坊行完街未夠七點就已經周圍搵嘢食，路過見到呢間明廚傳出好香嘅食物氣味，幾個女仔大家一齊星星眼咁問下有無枱。

好彩有一個四眼姐姐安排到最後一張4人枱俾我哋，超好彩呀！見到附近幾張枱食客津津有味，樣樣嘢食都好吸睛，所以我哋都跟住叫！今晚就破例食好啲，食多啲海鮮：有新鮮即開嘅生蠔，野生油浸筍殼魚，例牌嘅白灼九蝦，小炒王，豉汁蒸鱔，紅燒豆腐，啫啫通菜煲，一人一隻蒜蓉蒸元貝同埋象拔蚌刺身！四眼姐姐一邊落單一邊笑住問我哋四個女仔食唔食得晒，我哋話我哋超肚餓，同埋真係好多嘢都想食，所以叫佢照落單最後食咗兩個幾鐘，好在樣樣嘢食嘅份量剛剛好，雖然最後食到好飽但係都總算食得晒！真係無諗過原來朗豪坊後面有一間咁有鑊氣嘅小菜店，我竟然今時今日先發現！希望唔算相逢恨晚啦，小店加油哦！下次等我帶埋屋企人嚟試吓先！

明廚餐單提供粵菜, 廣東, 港式, 粉麵, 米線, 茶餐廳, 冰室等推介美食位於旺角區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 28712391 查詢。

您對於旺角餐廳「明廚」有何 comment？

明廚餐廳詳細資料：

• 明廚地址:
  旺角上海街519號地下
  Ming's Kitchen, G/ F.,519 Shanghai Street, Mong Kok
• 明廚電話: 28712391
• 明廚價錢: $51-100
• 分類: 粵菜, 廣東, 港式, 粉麵, 米線, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 明廚 Facebook

更多明廚相關資料:

• 明廚分店
• Youtube
• Facebook
• Twitter
• Google