旺角咖喱屋 旺角

旺角咖喱屋 評價 相片

工作太累，一個人想靜靜地食午餐，又想食牛。

經過這咖喱屋，見幾乾淨價錢又合理就入去。

好多時咖喱店好大陣味，呢間無咩，又無烏蠅，乾淨最緊要。

叫左個咖喱牛腩午餐，先來一碗湯，好地道，無味精，應該係米漿。

午餐的Naan 都ok , 都係好健康，無咩油啲牛腩有四至五件，都算淋，覺得幾好。

個咖喱汁，都係健康嘅，無咩油，主要以蔬菜打成，有蕃茄，洋蔥🧅，蒜頭🧄等等攪拌而成，都係無味精。

食落都係家庭主婦煮出黎嘅味道。

檸檬茶，我叫少甜，佢真係好似無落糖咁，但有茶味，都讚。

印度咖喱好少唔好食。

呢間嘢，有唔好食，肉又少（成$90 得45 塊肉塊，都係汁撈飯）又唔平，坐得又唔舒服（衰過飯堂），又唔衛生。

俾錢我都唔會去。

咁都可以生存得到，神奇

經過呢間店，入面得1，2枱好冷清，諗住冇其他店咁多人，照入去。

一入去坐低開始叫野食，先發現個廚師有帶口罩既，但佢全程帶口罩o係下巴！！（佢耐不耐都會行出黎）我覺得依家咁既疫情，要做好d防疫工作，食肆衞生。

但因為已經點緊菜就算，照叫野食....叫左芝士薄餅，毫無特別無芝士味，就係普通既麵粉餅。

叫左招牌咖喱鷄，咖哩冇乜咖哩味，唔辣，鷄得幾粒，而且係鞋既！仲有鷄肉餃子，皮好厚，無咩味道仲有鷄卷，好多菜份量都夠，有少少鷄肉，味道正常，算係幾樣野入面最正常。

相都冇影啦...總括黎講，唔會有下次！完

食呢餐都係上個月嘅事，本來無諗住寫，但見佢咁多喊面，我覺得又唔係咁差。

朋友點左一人套餐Set2，包一碗咖哩，一份烤餅，兩件雞同一杯飲品。

個兩件雞就係印度野好興嘅串燒五香雞扒Chicken Tikka，個人一向都麻麻地呢味，覺得好乾同香料味太重，咁呢度都係一樣，咁先正宗？哈哈。

咖哩就揀左咖喱羊肉Mutton Curry，羊都有好幾件，但個咖哩汁稀如水，香料味就有啦，但要左spicy都係一啲都唔辣嘅？有啲失望喎。

跟配嘅烤餅Naan正正常常，幾香口，食咖哩真係要配佢先夾。

自己就點左羊肉多納Lamb Doner Roll，想食呢樣好耐，外於價錢，成日唔捨得點，哈哈，因為佢同個餐一樣錢，散點無野飲送嘛。

講返個卷，係好好味嘅！！羊肉好有羊味，全瘦但不韌，大量生菜，蕃茄同生洋蔥包住，皮煙韌有咬口，蔬菜多汁清爽，醬汁係類似千島醬嘅味道，酸酸地咁樣，而且脹卜卜好大條夠飽肚，正呀～飲品方面散點左酸乳酪Lassi，同朋友跟餐的印度奶茶Indian Tea。

隻匙羹上枱時就插左入杯度，好明顯用佢黎攪混過，不過無所謂嘅，又唔係高級餐廳，可接受。

味道就係印式的香料奶茶，香香的幾好飲㗎。

自己杯乳酪揀左要鹹味，飲落無乜特別，唔覺得好鹹，酸酸地嘅乳酪味囉，好厚好濃，個人覺得好好味，不過朋友驚肚屙死都唔肯試。

個一人餐就好一般，但自己點嘅羊肉卷同乳酪飲品都好正，我決定比笑面支持下佢～

叫左個午餐set，跟手睇openrice，見到咁多負皮都怕怕地，不過上菜後又覺得無人講咁差，仲係好岩口味，淡淡唔會太濃烈，好適合唔係食辣既朋友，個月雞扒味道好特別，咖哩配飯餅都好好味

旺角咖喱屋餐單提供印度菜, 咖喱等推介美食位於旺角區，餐廳座位數未知人均消費約$51-100，結賬可以用Visa,Master,AlipayHK,現金,八達通,微信支付，Booking訂位可以電話致電 52396969 查詢。

您對於旺角餐廳「旺角咖喱屋」有何 comment？

旺角咖喱屋餐廳詳細資料：

• 旺角咖喱屋地址:
  旺角通菜街57號
  Miss India, 57 Tung Choi Street, Mong Kok
• 旺角咖喱屋電話: 52396969
• 旺角咖喱屋價錢: $51-100
• 分類: 印度菜, 咖喱
• 座位: 未知
• 付款: Visa,Master,AlipayHK,現金,八達通,微信支付
• FB專頁: 旺角咖喱屋 Facebook

更多旺角咖喱屋相關資料:

• 旺角咖喱屋分店
• Youtube
• Facebook
• Twitter
• Google