新濤園茶餐廳 旺角

新濤園茶餐廳 評價 相片

雖然香港呢個冬天怪怪地,有時好熱可以著短袖,有時無啦啦好大風係凍凍地既天氣既時候我就梗係食煲仔飯啦, 暖下都幾正食煲仔飯我平時都會去廟街, 今次朋友介紹話呢間新濤園都幾好食,咁就跟佢去食下啦比個friend話我次次都食臘腸排骨飯好悶wor, 難度專一都有錯?成日都食臘腸排骨飯既我, 今次就食下新野北菇雞加蛋飯, 黎到個賣相都相當唔錯呀! 相機食先!D雞好嫩滑,非常入味!d 菇都好爽口, 仲有好多飯蕉,正呀好食到成個好快就比我KO,因為太肚餓食得太快太狼, 所以食唔飽太正最後決定再叫多一個一模一樣北菇雞加蛋飯, 最後變左同朋友兩個人一人一個煲仔飯呢間新濤園真係幾唔錯, 下次再黎幫襯!

今晚我們去咗旺角豉油街嘅「新濤園」食宵夜！我們叫咗薑蔥魚腩煲炒得好夠鑊氣，薑蔥爆得好香氣撲鼻，魚腩嘅肉質相當鮮嫩彈牙！臘味煲仔飯同北菇滑鷄煲仔飯嘅米飯好軟熟，飯焦好香口脆身，臘味嘅味道比較芳香，而滑鷄嘅肉質好軟滑！香脆滑蛋蝦仁炒麵嘅麵炸得好香脆，蝦仁都幾大隻同爽甜彈牙，而且份量都幾多！另外！值得讚賞嘅係北菇滑鷄煲仔飯嘅煲仔整個裂開咗一半，我們同一個應該可能係老闆嘅男人講，佢即刻好有禮貌咁話：「唔好意思！我即刻換過煲新嘅畀你！」真係值得一讚！

難得係平日放假，仲要加埋咁好天氣所以都唔繼續瞓覺，出去行吓睇吓野，感覺唔會徙咗一日咁，行吓行吓諗諗吓都係番鋪頭睇下，返去之前梗係醫下肚先所以就嚟咗間唔中會同朋友嚟嘅依間度食我最愛嘅煲仔麵無錯！！！係煲仔麵我揀咗牛肉加墨魚煲仔麵，佢用煲仔飯原理， 將飯變做麵牛肉係用新鮮牛肉去整，唔係煮定好似沙爹牛果啲，墨魚丸都好彈牙雖然湯底唔算好濃味，但佢加左啲薑一齊煮所以冬天食都幾正上面又加左啲菜， 今餐都夠晒均勻啦

煲仔飯食得多，煲仔麵真係未試過！今次約埋個麻甩朋友去試一試夜晚七半去到，入座率達七成，同朋友好快就點咁八珍豆腐煲同牛腩煲仔麵！等咗五分鐘就食得啦！熱辣辣的八珍豆腐煲有豆腐、豬肚、豬潤、秀珍菇、豬腸、腩肉，食到底仲有好多白菜仔，正呀！最重要係每款配料都好味！豬肚同小腸好爽、豬潤又夠厚身、至於菇同豆腐就吸晒醬汁，非常入味！煲仔麵都非常出色，送到嚟係成個麵餅，建議呢個時候先食配料！牛腩真係多到數唔晒，搭配牛筋，牛腩王必點！我同朋友都唔算食得快，食到最尾，麵質都唔算太稔以後去旺角食快餐除咗譚仔，又多個選擇啦

一直都有去開依間食飯，平時黎黎去去都係果幾味，甘今次就望下有咩未試過試下！ 哈哈，竟然起蔬菜類揾到碟名為<蜜椒薯仔雞中翼>,起初有啲抗拒，因為我好驚係薯仔燜雞翼果種，(因為我超愛食雞翼，但因會食個皮係脆果種),甘有啲朋友都話未試過試下，甘就一於試下！因為一行8個人，所以嗌2碟雞中翼！仲有煲仔飯果啲！今次重點推介依碟呀！ 黎到果下真係好吸睛 我最鍾意食就係蜜糖雞翼，而佢仲要加左黑椒，個皮勁脆，又唔會好油，食落真係嘩一聲，正 個薯仔又好味，係連埋皮架！ 好好味！ 連隔離枱都俾依碟野吸引住！真係估唔到誤打誤撞都嗌到碟甘好味既！ 一定會再黎食過！利申依到係2碟加埋既份量!!!!!

新濤園茶餐廳餐單提供港式, 茶餐廳, 冰室等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「新濤園茶餐廳」有何 comment？

新濤園茶餐廳餐廳詳細資料：

• 新濤園茶餐廳地址:
  旺角豉油街108號地下
  New To Yuen Restautant, G/ F,108 Soy Street, Mong Kok
• 新濤園茶餐廳電話:  
• 新濤園茶餐廳價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 新濤園茶餐廳 Facebook

更多新濤園茶餐廳相關資料:

• 新濤園茶餐廳分店
• Youtube
• Facebook
• Twitter
• Google