常滿百家菜 旺角

常滿百家菜 評價 相片

見佢張宣傳單張好似好多野食, 而且只係$109就有中菜放題+點心任食, 仲包埋茶芥, 計落一人都係百二蚊, 任食bor~~ 咁就比佢給引左上去喇~~原本都諗住食呢間, 當行到樓下, 見到有個亞姐派傳單, 又話食晚飯有$20coupon, 即刻問佢拎coupon, 跟住亞姐就帶我地上去坐, 交帶落d同事話我地呢枱減$20, 開頭都覺得d service應該唔錯, 但原來唔係..................一上到黎, 差不多七點, 只得一枱客.......... 招呼完我地坐低後, 明明有3個伙計, 但成日唔見人, 就算有人, 都係自己左右行來行去, 唔會望下d客人, 我地又唔想大叫, 好似好冇儀態咁, 終於等左幾分鐘, 個伙計先望到我地, 幫我地落單...........等左一陣就有野食, 望落唔錯, 但食落就麻麻地.............炆野類 : 一大pat芡汁, 杰達達, 太濃味炸野類 : 炸得太乾, 冇哂食物本身d汁炒野類 : 太油蒸野類 : 呢d就ok甜品 : 太甜湯 : 味精湯我地3個人, 食左2個幾鐘, 差不多試勻哂所有野, 覺得麻麻地............但之前我個fd食過lunch, 見好多人, 味道又唔差, 所以先敢試晚飯, 但我地由未夠七點, 坐到九點零, 都唔夠10張枱, 大部份都係2個人, 只有1枱十多人, 唔知係咪琴晚跑馬, 成日都唔見d伙計, d餸又煮得麻麻地..........到我地埋單時, 又係等好耐先有人理, 然後埋單要$350蚊(已扣$20coupon), 原來要收酸菜$9........我地比咭佢, 個伙計竟然話只收現金, 咁我地唯有比cash, 到我地一路走, 一路諗, 我個fd話記得佢上次都可以碌咭, 但點解今次唔得呢?? 真係冇人知, 跟住今日即刻上openrice睇, 連呢度都話收咭, 咁係咪呃我地??

同豬想食任食點心.係小肥羊同呢間選擇.最後簡左呢間因為未試過呢間同埋佢有得逐粒咁叫2點鐘去到.個場原來唔係好大.客人都唔係好多我地坐卡位.一坐低就點野食.有4張紙俾你簡野食我地叫左:小籠包:呢個我地都認為好好味.同出面個D有得揮.我地斷斷續續食左7粒蝦餃皇:豬冇食.我食左1粒.同出面個D差唔多.冇咩特別蒸排骨:好好味呀.我地食左3籠呀!不過油左少少牛柏葉:好難咬呀D牛柏葉.咬極都唔難既蒸滑雞:都唔錯.不過都係油左少少燒賣皇:冇大家所講既既怪味.同出面食到既都差唔多流沙飽:真係識得流.唔係得個名架!我覺得唔算太甜.我食左兩個馬拉糕:我冇食.豬話好好味.佢食左兩件.飽到嘔都要食多件蘿蔔絲蘇餅:我都係冇食.豬話唔差.佢食左4件炸饅頭:細細個但整到乾爭爭.同埋個奶好杰炸雲吞:好味呀!我食左3個.個汁都好味沙姜雞翼:都幾好味.我地食左4隻口水雞:豬話好好食.我嫌佢油左少少.原本想叫多碟.但冇曬蒜泥白肉:好油好肥呀呢個台南擔仔麵:我地開頭以為係撈麵.點之唔係.麻麻地姐嫩雞煨麵:好味呀.豬連湯都飲埋炒年糕:個汁好味.係油左D菠蘿雞粒炒飯:豬話冇味好啖.我反而覺得啖啖地幾好味芝麻糕:冇咩芝麻味桂花糕:我覺得一般.可能我唔鍾意食楊枝甘露:好甜呀!太過甜喇蕃薯糖水:豬話可以多D薑味仲好.不過都唔錯我地食左好多野.飽到晚飯都食唔落樣樣野都唔差.有D仲幾好味.可能我地要求低係有D比較油同埋個冷氣好凍.凍到豬隻手要摸住杯茶取暖D服務都唔差.我地係咁問佢地野/有D要求.佢地都好樂意答/解決問題可以再去多次

總評我食左兩次，第一次係數月前，之後又好想黎多次因為真係唔錯，之但係今次黎，野食差左好多價錢亦都加價，不過勝在樓下有十蚊代用券派而且有得選擇十二點入或兩點入可以滿足點心怪既我食物（分左好食同唔好食）炸雲吞: 係甘多菜入面最能保持水準，唔錯！沙羗雞翼: 滑滑雞，沙羗味較淡，年紀大既可能覺得唔夠入味紫薑蒸滑雞: 紫薑味, 不過d雞就真係好滑!蝦餃: 味道同出面差不多流沙包: 真係幾流，我朋友仲滴左落條褲度＝口＝小籠包: 第一次食覺得好正比街外既好食勁多，第二次就好一般，　　　　皮厚之餘，汁又凝固哂．．．蘿蔔絲酥餅: 第一次食勁正，入面既絲夠林，出面夠脆，一口食得哂　　　　　第二次食就落左蔥，同個酥好唔夾．．．老火湯:幾夠甜,一般般酸辣湯k啦,同市面差不多,係店中較好食既野上海粗炒:味道唔錯,不過勁多油台式肉鬆豆腐: 可能我唔係甘食得慣台菜．．．怪味．．．芝麻糕: 冇乜味既糕一塊馬拉糕: 普通既馬拉糕．．．燒賣: 最怕燒賣整到甘既味．．．同國內既酒樓有得揮，又無啦啦落蘿蔔粟米蛋花「巾」:冇乜料,仲要落勁多粉,傑撻撻

雖然見到各食家o既評語似乎係好壞參半, 既然任食可以試到唔同點心, 小妹與朋友姑且去試1次~星期日 $53/位, 免收茶芥加1, 樓下仲有人派傳單可以$60以上就$102時入座, 好少人!數埋好似得3檯, 點菜紙有4張, 其實數埋款式都算少~上菜都唔算好慢啦, 始終個場得咁少客...蘿蔔絲酥餅: 不幸地係凍o既, 真係凍冰冰戈種...台式肉鬆豆腐: 切到好薄o既豆腐上面有d蠔油同肉鬆咁囉..＊沙羗雞翼: 沙羗味雖然唔重不過雞肉好嫩滑仲熱辣辣上檯~蝦餃: 個皮都算厚度適中, 個餡又足料白滑蝦米腸: 的確又白又滑, 不過0蝦米, 無味o既, 連d豉油都係無味燒賣: 佢寫係"香菇", 但食落竟然係蘿蔔味...＊小籠包: 肉味較重, 包入面仲有湯而個皮都無穿無漏, 算係好味架!紫薑蒸滑雞: 0紫薑味, 不過d雞就真係好滑!韮菜豬紅: 2樣野都係原味...流沙包: 真係流沙不過流出黎戈d黃色野唔知咩來... 激甜.. 自命"甜精"o既小妹都食唔落口...蒸粉果: 個皮好厚好"un", 個餡似係蘿蔔仲要同燒賣1樣味_=蒸排骨: 好鹹而且好多肥膏都無咩肉o既＊天津狗不理: 小妹唔知狗不理包應該係點, 不過佢e個就似好濕o既菜肉包, d津白仲好甜哇~菠蘿雞粒粉飯: 好普通o既炒飯, 好少雞粒, d菠蘿淡色到近乎白色, 但竟然仲有菠蘿味架.=芝麻糕: 1見到個樣已經唔對路! 似係有丁點兒芝麻味o既魔芋... 好可怕...馬拉糕: 小妹形容為"食得出係馬拉糕"_=＊時菜牛肉球: e個係朋友推介~ 話真係有好多時菜, 仲有馬蹄, 唔似其他成粒都係得肉炸雲吞: 個雲吞皮大到連個醬碟都放唔落...總的來說,,,e度好o既地方係點心可以1粒做單位, 咁就可以試好多~而且蒸點多數都係熱呼呼上桌, 難食極都有個譜 = P不過小妹試咁多樣野左, 都係得＊戈d係真係好味,其他都好普通... 只係戈種食物o既原味...所以並唔推介其他食家黎=[

我一直都係睇人地既食評多, 好少自己打食評既, 但今次, 我真係氣憤難下, 想同大家分享我呢次既經歷, 希望大家引以為鑑!!!!新年前....我同幾位同事唸住去旺角既常滿百家菜...之前聽幾位同事講都幾好...點知........我同番果幾位講幾好既同事黎食,..一開頭都無乜野既....之後我地叫左好多野食,但係都無黎過,叫左起碼三十碟,都唔知有無黎一半,於是我地就搵個經理同佢講,吹佢啦(其實之前都己經同D阿姐吹左幾次),佢又話幫我親自處理,點知就仲衰,最後都係無黎到....由於我地9點就去到,都差唔多坐到12點.....我地一行六人都係斯文人,唸住食埋糖水,同番經理講咩問題就算啦,埋單果時我地叫個經理埋黎,我地要佢比個合理既解釋我地,但佢己經好似唔想理我地咁,佢話了解下先,好啦到佢了解完勒,話原來D野賣哂*賣哂唔係一個問題,最緊要係你要通知我地先得架,跟住我地講左句,算啦唔緊要啦,我地下次唔會再黎,佢竟然答番我: 唔緊要丫,我地都就黎租約期滿咯!我地幾個條氣己經好唔順,到到張單黎到就仲火,又話每人要加茶錢,又話要加酸菜(明明樓下個易拉架同埋枱上面果張傳單都話全日免茶芥,同埋沒有任何收費)....於是我地就叫個阿姐埋黎,唸住問下佢啦,點知一問,佢就惡過我,仲話:你想點姐,報警囉! 又唔係我帶你地上黎既!! 我都係打份工嫁咋!!!!!!!!廚房有D廚師仲走左出去水吧位上, 好大聲, 擺明係講比我地聽既 "賣晒都無辦法嫁!!!!變出黎比你咩!!!!"其間仲有枱爛仔客人用粗口話鬧我地, 仲話 "唔想食咪走囉!! 唔好x再黎丫!!!!!".....真係O哂咀講真...我地六個人埋單埋左成差唔多成千銀....用D咁既服務態度....我地真係接受唔到囉...講真...我地叫你比個解釋我地,都係唸住你會講番句唔好意思,下次會做好D咁姐,唔通真係要佢跪係度咩....仲有個阿姐同埋枱客人...差D想打我地咁....真係好無奈...我咁大個仔未試過食餐飯食到咁興......以上我所講既全屬真人真事....希望我呢個經驗可以比咁多位引以為鑑!PS. 如果大家想試下 "貼錢買氣受"呢種感覺既話, 不妨可以去試試附有相片數張.. 是該店樓下的宣傳易拉架

常滿百家菜餐單提供京川滬, 火鍋, 海鮮, 自助餐, 點心, 水煮菜式, 酒樓等推介美食位於旺角區，餐廳座位數120人均消費約$101-200，結賬可以用Visa,Master,現金。

您對於旺角餐廳「常滿百家菜」有何 comment？

常滿百家菜餐廳詳細資料：

• 常滿百家菜地址:
  旺角彌敦道613號飛達商業中心2樓
  常滿百家菜, 2/ F, Fee Tat Commercial Centre,613 Nathan Road, Mong Kok
• 常滿百家菜電話:  
• 常滿百家菜價錢: $101-200
• 分類: 京川滬, 火鍋, 海鮮, 自助餐, 點心, 水煮菜式, 酒樓
• 座位: 120
• 付款: Visa,Master,現金
• FB專頁: 常滿百家菜 Facebook

更多常滿百家菜相關資料:

• 常滿百家菜分店
• Youtube
• Facebook
• Twitter
• Google