呦呦鹿鳴布丁燒 旺角

呦呦鹿鳴布丁燒 評價 相片

早排睇空肚講宵夜 見祖祖強烈推介依間布甸燒 搞到囉囉攣左一排去想入葵廣食野但一直未抽到時間去好彩原來旺角都有分店🤭即刻買左幾款口味試下椰青味祖祖同一姐 大推 應該幾受歡迎 我去到賣淨一個😆 店家介紹係用新鮮椰青整🤤食落椰子味唔算好重 但好清甜 裡面仲有好多椰青肉😋伯爵茶 茶味都好濃郁 Baileys 甜酒 會有一枝滴管比你唧d 甜酒落去布甸燒主要分3個部分焦糖 布甸 同蛋糕 食之前要將布甸燒 反轉倒落隻碟仔到食 因為咁樣就可以令d蛋糕吸到d焦糖 令蛋糕濕潤啲 層次又豐富d😍

行行吓旺角, 見到布甸燒🍮就好想食甜品, 所以咩都唔理就走咗去排隊買🤣✨回魂布甸燒呢隻係咖啡味, 先唔講佢咖啡味勁濃! 佢個布甸係滑lu lu 㗎😆勁好食！再加上佢嘅焦糖醬唔係好多, 個份量啱啱好！所以令到最底嘅海綿蛋糕唔會吸到好多焦糖醬, 咁就唔會太甜🤤再加上咖啡味, 令個布甸燒唔會太甜, 好好食!✨抹茶低糖布甸燒抹茶嘅味道好濃郁！係食到真係用靚抹茶粉去整🍵。

但可能因為個焦糖醬太多嘅關係, 所以令到個蛋糕吸晒焦糖醬, 有啲太甜。

同個咖啡味比, 我哋會偏向鍾意食咖啡味多啲！可能係因為我同阿寶都唔鍾意食太甜😂所以如果佢嘅焦糖醬同咖啡味嗰隻差唔多份量, 我哋呢兩個抹茶控應該都鍾意食抺茶味😂但其實兩隻味都好好食！🤤雖然係有比較有傷害, 但其實我哋兩隻味都好好食！我哋兩個都鍾意, 只不過係因為抹茶味甜咗啲嘅關係啫🤣如果抹茶嘅焦糖冇咁多就Perfect啦

對呦呦鹿鳴布丁燒其實早有所聞，獲不少食客推薦為葵廣「掃街」必食小食之一，衝出葵芳於旺角鬧市開設分店已經足以證明其人氣之高。

布丁燒標榜每日新鮮焗製，自家製作並無添加防腐劑，由焦糖漿、布丁及芝士蛋糕三個部分組成，更有北海道富良野特選3.7牛乳、黑芝麻、咖啡、鐵觀音、茉莉花茶等逾十款口味之多，創意無窮。

每個布丁燒所有口味價格同樣為$38，雖然不設堂食但亦有提供即棄匙羹及紙碟方便食用，只需將布丁燒輕輕搖晃，再用紙碟蓋好並反轉倒出即可享用。

抹茶布丁燒不論布丁抑或是芝士蛋糕均加入日本小山園抹茶粉，布丁口感綿密軟滑但抹茶茶香稍被焦糖漿蓋過，不過芝士蛋糕抹茶甘香突出，整體茶味雖不至相當濃厚但仍溫和討好。

椰爺布丁燒用上泰國椰青炮製而成，布丁部分亦加入粒粒椰青肉別出新意，入口清甜感覺份外清爽，炎炎夏日解暑一流。

焦糖漿流至底層令芝士蛋糕更加濕潤甜蜜，作為招牌口味絕對當之無愧。

最近有大大小小社交平台介紹布丁燒其實布丁係聽過 但布丁燒就未啦今日行過 T.O.P決定去一探究竟咩係布丁燒首先個大雪櫃都擺左67款細心啲望原來上面有唔同印章💛🇭🇰原來唔好睇佢細細杯 係集三樣嘢日式梳乎厘 芝士蛋糕 同 布丁於一身 好似好貪心咁回魂啡布丁燒 $38上面個層係芝士蛋糕 中間係梳乎厘 最底係布丁 仲有好香咖啡味 都算做得幾好 唔會搶到各自風頭但一下直畢落去 一啖過食到乾到濕既口感 幾特別✌︎雲尼拿布丁燒$38有齊以上點魂啡既口感 但雲尼拿味唔太出題外話 如果做散水餅又多一個選擇啦我會揀印走先啦 係咁先啦系列!

我今次買咗咖啡口味同雲呢拿口味。

兩個布丁燒倒出嚟彈下彈下好Q彈， 布丁面光滑juicy，入口即溶好幸福。

味道方面，鹹魚青菜各有所愛，我個人鐘意咖啡味多啲，微苦嘅咖啡平衡布丁燒的甜度，入口更加有層次感。

🧑🏻‍🦱就鐘意雲呢拿味，奶油甜甜嘅味道好有幸福感。

呦呦鹿鳴布丁燒餐單提供日本菜, 甜品, 糖水, 西式糕點, 小食店等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「呦呦鹿鳴布丁燒」有何 comment？

呦呦鹿鳴布丁燒餐廳詳細資料：

• 呦呦鹿鳴布丁燒地址:
  旺角彌敦道700號T.O.PThisisOurPlace地下B03號舖
  呦呦鹿鳴布丁燒, Shop B03, G/ F, T. O. P Thisis Our Place,700 Nathan Road, Mong Kok
• 呦呦鹿鳴布丁燒電話:  
• 呦呦鹿鳴布丁燒價錢: $50以下
• 分類: 日本菜, 甜品, 糖水, 西式糕點, 小食店
• 座位: 未知
• 付款: 現金
• FB專頁: 呦呦鹿鳴布丁燒 Facebook

更多呦呦鹿鳴布丁燒相關資料:

• 呦呦鹿鳴布丁燒分店
• Youtube
• Facebook
• Twitter
• Google