Dream Cafe 旺角

Dream Cafe 評價 相片

聽說這間餐廳曾經被新假期推薦成為必食餐廳,今晚約了朋友來旺角食晚飯，朋友表示想食西餐，於是我們便即管來這間必食餐廳試一試吧！來到這間在朗豪坊隔離的大廈5樓的餐廳，大廈主要都是食店，這間dream cafe 一出電梯見到這塊紅色的牆感覺很有型很前衛！小小的餐廳環境算不錯，坐的地方也很寬敞，牆上面有電視，而角落位置還有用沙發砌成的一張大枱，應該可以坐十多位客人，後來我見到有一行十人的食客來相聚！自成一角，高談闊論，也享受美食，相信是一大班朋友來相聚的好地方呢！我與朋友兩個分別點了一個晚餐，及一個Pizza 分享，晚餐可以選擇餐湯或者沙律菜，我們選擇了沙律菜，沙律菜很新鮮，幫我在吃主菜之前清一清胃口！晚餐我們叫了這個黑松露龍蝦意大利飯，一到來的時候其貌不揚，但一吃下去便知道這裏的食物是很有水準的啊！龍蝦都算大隻，用芝士焗香，龍蝦肉質非常鮮味！更值得一題的是意大利飯，飯裏充滿濃濃的忌廉芝士味並配以黑松露！而且入口很有口感，甜甜的與黑松露味非常之配合！我與朋友都非常喜歡！真係想再食多d!當我以為這個意大利飯已經是非常不錯的菜式，再來的海鮮Pizza更加令我們讚不絕口！首先Pizza上面鋪着滿滿的海鮮，有蝦、帶子、魷魚、魚肉等等，粒粒海鮮非常大粒，我叫了一句「哇！使唔使真係咁多海鮮呀！」這句當然是說笑吧，海鮮真是又多又新鮮！配搭着底層嘅芝士及茄醬，味道非常惹味！更加值得一題的是這個Pizza的餅底，是我從來未試過那麼香脆的，卜卜趣的而且味道很好！這個Pizza真是名不虛傳！值得推介！飲品方面我叫了杯鹹檸七梳打，因為怕肥所以叫了走甜，豈料鹹檸檬有少少甜味，加上梳打真是一個又解渴又好味嘅飲品！這晚我與朋友舒舒服服享受美食，這間餐廳的食物水準果然一流，不枉曾獲新假期推介為必食餐廳，這小餐廳食物有如此水準，實在令我們驚喜，而且價錢也很合理，我們一邊享受美食一邊說說心事！這真是個愉快的晚餐！下次再到旺角晚餐，一定會再來呢！

這晚跟朋友到朗豪坊鄰近的朗晴坊吃飯，這棟大廈食肆林立，最後選了這餐廳。

二人餐價錢$308，價錢恰宜，點了A)香辣蒜片海鮮意大利麵、B)香煎澳洲羊架配牛肝什菌燒汁各一。

餐湯是椰菜花湯，是一般餐廳較少有的，喝時還會咬到些椰菜花粒，調味適中，挺好喝的。

餐廳人流多，等了約半小時上主菜，果然慢工出細貨。

香辣蒜片海鮮意大利麵海鮮份量足，辣度屬微辣，調味剛好，不會過咸；意粉軟硬度適中，有水準。

香煎澳洲羊架配牛肝什菌燒汁點了七成熟，廚師煎得剛好，邊位亦煎得香脆，配的牛肝菌燒汁不會喧賓奪主，遮蓋了羊肉的羶味，配菜的薯角煎炸得香脆，並且已調味，要了能多給點薯角就好了(⁎⁍̴̛ᴗ⁍̴̛⁎)飲品方面，友人點了棒子咖啡，不過不失；自己則點了士多啤梨熱茶，這個反而有驚喜，喝下去酸酸的十分開胃，而且熱茶的份量，絕對可以讓你在這裡聊天數小時。

整體水準很不錯喔。

琴日同朋友喺朗豪坊睇完戲，近近地過去朗晴坊食dinner，鍾意樓上cafe 靜靜地，方便與好友傾下計。

我地order 一個set dinner + 一份pizza share 食。

🥢牛油果忌廉蟹肉意大利麵 $118 意大利麵內混入軟滑牛油果粒和絲絲蟹肉，啖啖蟹肉香味，口感好creamy。

🥢黑松露忌廉帶子Pizza $178批底香脆，香濃芝士黑松露帶子，食落好惹味。

🍹芒果沙冰 $42 芒果沙冰夠消暑， 味道濃一點較好。

🍹 咸檸檬梳打 $52我的最愛咸檸檬梳打， 消暑又健康。

最後LIKE Facebook / IG 有免費呢拿雪糕食 

今日同朋友一齊過咗去朗豪坊，見隔離 朗晴坊 都好多嘢食，咁我就嘗試發掘吓一啲隱世小食， 于是選了Dream Cafe，见朋友話都幾好，咁我哋就試下!我哋兩個叫咗個二人套餐 ，分別是以及 。

嘢飲我哋叫咗菠蘿芒果柚子沙冰及西沙冰。

香煎大蝦配墨西哥個香辣蕃茄意大利麵一睇我啲相你就知隻蝦有幾大隻？係非常之大隻(對於我嚟講)， 我覺得好似係海蝦，食落都有啲爽 ，同埋蝦味濃， 食落去好似食緊龍蝦咁好正 !主角意大利麵啲蕃茄汁我覺得好似用咗新鮮蕃茄整 ，所以令到成個麵同 醬汁都好夾! 整體嚟講非常好食!香煎澳洲羊架配牛肝菌燒汁 羊架份量也算大份! 對於食肉獸嘅我， 都算係非常之足夠，食落去羊嘅鬚味出曬嚟， 同埋啖啖肉，而且肉質又鮮嫩， 我哋叫佢整七成佢真係煮到七成俾我哋食。

呢一碟羊架!至於饮品也值得一讚，我們點了Cocktail 沙冰, 十分特別。

可以自由選擇不同cocktail 配不同味道沙冰，尤其係配埋我地個餐， 非常啱飲!又大杯!又抵!Overall dream cafe係非常之適合一班朋友嚟食飯， 尤其係生日飯。

因為我覺得成間餐廳都好有氣氛! 期待下次再約多幾個朋友黎试下Like爆呀😍👍!

今次去左旺角嘅樓上cafe，位於朗豪坊隔離嘅朗晴坊，旺角地鐵站E1岀口行5分鐘就到。

餐廳環境偏暗，坐位闊落，坐得舒服，適合過來坐同吹水嘅朋友。

羅宋湯羅宋湯口味無外邊咁重，適合d唔太重口味嘅朋友啦。

黑松露炒闊條麵一上枱就聞到好香黑椒味意粉口感偏硬身，好有咬口, 而且帶有少少適量黑松露嘛味, 唔錯~紐西蘭肉眼扒上菜時見到咁大件又厚身，十分之驚喜，要求5成熟，切開望住個橫切面燒得剛剛好，唔錯。

最意外嘅係飲品，完全驚喜左我地。

薄荷朱古力佢薄荷味非常岀眾，並非好假嘅薄荷味，朱古力甜甜嘅味道再配上清爽嘅薄荷味，推薦玫瑰柑桔柚子梳打玫瑰味同柑桔味同柚子味一樣咁出，三個超乎想像地夾，同樣推薦

Dream Cafe餐單提供西式, 薄餅, 扒房, 樓上cafe等推介美食位於旺角區，餐廳座位數60人均消費約$101-200，結賬可以用Visa,Master,AlipayHK,支付寶,現金,銀聯。

您對於旺角餐廳「Dream Cafe」有何 comment？

Dream Cafe餐廳詳細資料：

• Dream Cafe地址:
  旺角砵蘭街215號朗晴坊5樓
  Dream Cafe, 5/ F,215 Portland Street, Mong Kok
• Dream Cafe電話:  
• Dream Cafe價錢: $101-200
• 分類: 西式, 薄餅, 扒房, 樓上cafe
• 座位: 60
• 付款: Visa,Master,AlipayHK,支付寶,現金,銀聯
• FB專頁: Dream Cafe Facebook

更多Dream Cafe相關資料:

• Dream Cafe分店
• Youtube
• Facebook
• Twitter
• Google