一刻館 新蒲崗

一刻館 評價 相片

我好鍾意食雞扒，尤其是照燒雞扒，如果做得好的話，外表微焦，雞肉雖熟卻嫩滑如水，咬下去只感到表皮的一點壓力，下面就是滿口的嫩滑雞肉，甘就十分之正。

依間未到依個水準，但雞肉也很嫩，味道很足但不會過咸，而且雞扒的size幾大，整體來說幾抵食。

我將定食轉左做拉麵，湯底都算幾鮮濃，不過如果是豬骨湯底，我自己會更鍾意。

自從之前食過超好食既生姜燒之後，一直對此念念不忘，今次甘岩見到餐牌上有，就馬上點黎食。

其實成個定食都幾豐富，包括有麵鼓湯，有前菜(中華沙律)，有主食，以及一塊啫喱當甜品。

啫喱是提子口味，米奇形狀，幾得意。

生姜燒即是豬頸肉，但那種味道尤為惹味，這間的生姜燒也是爽脆好味的，是一般水平以上，但和之前吃到的，卻少了一點焦香油香，不過那間的價錢卻也比一刻館貴上不少，所以也是不能一概而論。

還是十分好吃的午餐，最後的啫喱質感滑而結實，如同柿子，十分不錯。

夜晚又是想食咩既時刻，每逢依個鐘數，總會墮入今晚食咩好依個號稱最難搵到答案既問題，但每當諗唔到答案，總有幾個不過不失既後備答案。

例如，一刻館。

今次食左個海鮮拉麵，58蚊既晚飯，海鮮的質素就不能期望太高，青口，蝦，帆立貝，等等，都是急凍貨色，但還算不俗，拉麵一如既往地頗有勁道，雪白湯底則幾鮮美。

看中這間鋪頭，就是看中它的食物質素有一定保證，總維持於中等以上。

但今次竟然有樣野伏，就係熱飲，今晚飲熱鴦，冇估到，佢既"奶茶"竟然是台式奶茶。

台式奶茶，常是凍飲，熱時苦澀難當，溝埋咖啡味道也是極怪，最後才喝了兩口就頂唔順，成杯幾乎不動。

放完工同屋企人出街食飯，去左一刻館。

其實新蒲崗附近既大小餐廳都食得七七八八，一刻館係其中算係性價比最高既餐廳之一是夜華燈初上，驟雨未歇，便提傘入坐，玻璃窗外就是MIKIKI商場，燈火通明，人流如鯽。

點了一客醬燒牛舌拉麵，$58，隨餐附送一杯熱飲，一份中華沙律，和一份啫哩。

啫哩都是模成不同可愛形狀，時有HELLO KITTY，miki mouse，布甸狗，花朵，等圖案，口味也是每次不同，可能是橙味，蘋果味，青檸味等等，幾有驚喜。

因為今晚還有事情要做，就點了熱咖啡，其咖啡較一般茶記香濃。

 由於人手較少，而且晚市生意特別好，所以熱飲先上，拉麵遲一點才送上。

送上時，熱氣蒸騰，湯底泛著星點油珠，濃香撲鼻，見到鋪著粟米，海帶，胡蘿蔔絲，還有大塊大塊的牛舌，下面是拉麵團。

湯底濃郁，牛舌香軟入味，拉麵爽彈，明顯有過冷河和瀝水，口感不俗。

尤其窗外下著淅淅細雨，吃一碗熱氣蒸騰的拉麵，令人格外滿足。

今日的啫哩是蘋果味的，十分清新呢。

五香肉丁公仔面，面底甚足的一個面(好大份ORZ....)但五香肉丁量不多，只得45粒，真的貴得那麼小嗎???吉列魚柳配鴨胸，魚柳即叫即炸，份量也不失禮，食落啖啖肉，十分滿足，味道就......普通魚柳囉。

鴨胸是見早餐甚少見，就決定選擇，不過早餐食魚柳已經夠油，再加鴨胸就係油上加油既勁油，而且同面包夾不上，有點怪的選擇，鴨胸本身就十分正常，面包牛油偏小，岩我XD。

台式奶茶就同台式奶茶相似，但比較香一點，較少奶精味，多一點港式奶茶的茶香，算是不錯。

最緊要的是環境，一個人包場食早餐，感覺已經十分舒服，再配上餐廳本身的黑色昏暗的感覺，更加令我想坐得更久，可惜的是要上班，只好坐了一會兒就走，下次才再去XDDD。

總結評分味道:6.5/10 價錢:6.5/10 (32)環境:7/10服務:6/10推介食品:台式奶茶，炸魚柳

一刻館餐單提供日本菜等推介美食位於新蒲崗區，餐廳座位數32人均消費約$50以下，結賬可以用現金。

您對於新蒲崗餐廳「一刻館」有何 comment？

一刻館餐廳詳細資料：

• 一刻館地址:
  新蒲崗景福街79號地下
  BreakTime, G/ F.,79 King Fuk Street, San Po Kong
• 一刻館電話:  
• 一刻館價錢: $50以下
• 分類: 日本菜
• 座位: 32
• 付款: 現金
• FB專頁: 一刻館 Facebook

更多一刻館相關資料:

• 一刻館分店
• Youtube
• Facebook
• Twitter
• Google