糖樓甜品 屯門

糖樓甜品 評價 相片

好似港式奶茶一樣，麥精陪伴好多香港人成長。

好開心有舖頭用佢嚟做甜品，希望嚟緊會見到更多有香港風味嘅嘢食！☝🏻胚芽朱古力湯圓 (麥精湯底) 🍫🍡朱古力湯圓總共有6粒，大細啱啱好，一啖一粒，咬開仲有少少朱古力醬喺入面。

麥精湯底係原汁原味，感覺冇溝水，我都冇諗過原來佢同朱古力味咁夾🤔。

神來之筆係面頭嘅胚芽，咬落有少少似食麥皮嘅感覺，令成個甜品口感豐富咗。

雖然呢個甜品凍/熱食都得，但我會推介食凍嘅，熱食應該會比較“漏”呢。

☝🏻檸檬愛玉 🍋呢個同平時喺台式飲品店飲到嘅差唔多，冇太大驚喜，但愛玉份量偏多，軟硬適中。

可能我個人唔鍾意食太甜，覺得甜度可以低返啲。

不過夏天熱辣辣，食啲酸味味嘅檸檬嘢係幾refresh嘅，推介俾爆哂汗嘅朋友解暑💦🍋☃️❄️。

好少可晏就食甜品，呢間糖樓未轉手前都有間吾中黎食... 環境比之前靚左，感覺幾清新，幾舒服....整個裝修主要係白色同木色為主，仲有d 高凳可以望下窗外既境...都幾吾錯每次都會叫胚牙朱古力湯圓。

今次反而想食下朱古力心太軟，因為之前食過很不錯，價錢都合理，依稀記得40幾蚊，但今次睇一睇餐牌，都加到$50...不過我覺得好食就吾緊要。

之前等都需要時間around 15分鐘，今次因爲有問題重新再整過所以等左7個字左右...擺碟黎講都okay，略嫌個雲尼拿雪糕好細舊，雖然出到黎熱熱地又有流心效果，但係心太軟既朱古力實在係好甜，而且朱古力皮外邊仲有啲未攪好既麵粉狀物體..... 食完之後都好口渴，比起以往水準的確差左。

係有啲失望

今日同朋友來糖樓食甜品，天氣咁熱，就點咗一份朱古力味嘅綿綿冰仲配咗小丸子。

分量好大，朱古力味都好濃郁，綿綿冰沙沙哋，口感好好。

但係小丸子唔好食，口感唔好，唔加小丸子仲好食Ｄ。

食完好解熱。

中秋節，晚上同老婆去吃糖水，美樂只得2間，一間馬可xx,一間糖樓，老婆比較喜歡特別，新式些所以去了糖樓。

糖樓甜品款式比較多，有心太軟，有撈河，綿綿冰，有點松記感覺。

我選了比較少的核桃糊，很香味道不太甜，很適合我。

老婆突然選了桃膠，最近真的很多人吃，養顏。

冰糖紅棗燉桃膠，價錢偏貴，老婆說桃膠份量太小不值，有點失望，後悔沒選最喜歡心太軟，因為貪新鮮，哈哈！

熱辣辣朱古力心太軟個流心朱古力係苦既，夾雪糕真係一流😍亦寫上smile more，充滿正能量!士多啤梨綿綿冰好香好夠味，冰既份量岩岩好，吾好太多冰而太淡或太凍。

加埋配料口感一流!老闆比我地叫d menu上冇既野，肯幫我地mix and match. 楊枝金露+$15榴槤，同埋mix合桃芝麻糊,大家都食到想食既甜品。

芝麻豆腐花同合桃芝麻糊好滑，亦夠熱，但呢兩個相對等得有d耐。

合桃糊又香滑又香濃。

一班朋友聚埋食野傾計，好開心!

糖樓甜品餐單提供港式, 甜品, 糖水, 糖水舖等推介美食位於屯門區，餐廳座位數未知人均消費約$50以下，結賬可以用AlipayHK,支付寶,現金,八達通,AE,微信支付。

您對於屯門餐廳「糖樓甜品」有何 comment？

糖樓甜品餐廳詳細資料：

• 糖樓甜品地址:
  屯門美樂花園地下64號舖
  Tong Lau Dessert, S H O P64, G/ F, M E L O D Y G A R D E N, Tuen Mun
• 糖樓甜品電話:  
• 糖樓甜品價錢: $50以下
• 分類: 港式, 甜品, 糖水, 糖水舖
• 座位: 未知
• 付款: AlipayHK,支付寶,現金,八達通,AE,微信支付
• FB專頁: 糖樓甜品 Facebook

更多糖樓甜品相關資料:

• 糖樓甜品分店
• Youtube
• Facebook
• Twitter
• Google