海霸燒鵝海鮮酒家 屯門

海霸燒鵝海鮮酒家 評價 相片

上次經開海霸,看看點心單張,有個指定點心餐A+B+C好吸引我,最緊要平!好似賣$32今次茶聚地點就和朋友來試.數數手指,我都差不多五年以上沒來過,如果不是此套餐,我可能會拉朋友去試新開的富臨,因記憶之中海霸的是油油的是髒髒的朋友先去拿位,我後到,星期六早上十一點,全場八成滿,比預期中多人呢細看點心紙和價錢牌,估不到款式少之餘,價錢較其他酒樓為高!而附上的優惠紙都是粉麵飯和小食...所以最後點幾樣點心便算.開好茶,朋友先去門口旁的美食亭拿碗鳳瓜排骨飯,我不好此味好耐了,不過硬著頭皮也接受朋友分享來的少半碗,飽滿的飯粒吸盡排骨的油汁和鳳瓜的油汁,沒有不好吃的吧而排骨夠哂肥所以好味.完因點心款確實不多,所以其中一樣是小食來,我們都喜愛吃海哲,不過沒淨點的硬係配肥美系薰蹄海哲爽口,只是份量少得很,每人得兩啖仔,薰蹄肉亦爽口,當然避食那層皮會安心一點.煎魚肉餅是每次朋友來飲茶都必吃的!魚肉夾了很多蔥粒,魚餅又夠厚,煎出來份外香口和感到其彈牙,此品比其他酒樓算是好一點蝦餃是最貴的,不過無乜點心合口味所以硬點,幸好味道和份量都相當好,每粒蝦餃很飽滿,蝦肉又多又爽,餃皮香軟不易穿.至於烚菜真的是用水烚,並不是油水,出來零油份,輕易吃到菜的甜美.雞扎中有火腿,魚肚,香芋及大舊雞,吃雞扎主要食魚肚,大大塊吸盡油汁後好食是當然的,不過芋頭都好掂,夠粉夠淋.最後每人一碗紅豆沙作結尾,紅豆夠多又起沙,甜度剛好,而且最抵食,賣$7.8坐到中途我發現我們後面好多人出出入入,原來枱旁塊木板正正隔著是廁所!!!感覺即時好差(自問有點潔癖......)有些去完廁所的人會'不小心'接觸我們坐緊的椅背,以及朋友掛在椅背上的外套啊!!!help朋友說是知客要她坐這裡,否則就要等位,如果我在場的話,我實等到有外邊的位置為止.黑開有氣路,食到一半先醒起今次目的要吃ABC點心餐,不過一直不見其點心紙所以也遺忘了Orz...正正十二點才由侍應派發,細看之下,原來套餐在12001400才提供...唉唉唉.感覺蝕了.由於坐的位置太'偏僻',每次加茶都要搵侍應來.而且侍應們本身都漫不經心.碗碗碟碟仍是記憶中的油油地,地方仍是記憶中的髒髒地.多年沒變,應是她的性格了...不過永恆不變不是永恆

時常跟男友和伯母在屯門飲茶,幾乎屯門所有酒樓都飲過,這間是個人覺得在屯門市中心來說不錯的首先點心算幾抵食, 茶錢平d,至於點抵法好難去解釋,我並不婆仔,不過伯母都話抵就係的了今天又去完, 覺得差左少少,不過依然都係唔錯的平日大家最中意叫油茶,因為那個菜心短短小小的,但好甜, 而且次次去都有的通常師奶唔會叫菜,但伯母次次叫, 即係街市唔會買到啦, 應該是穩定供貨的今天吃了:點心拼盤(精)馬拉糕x2(幾好), 菜餃(ok), 蝦餃(ok)鳳爪排骨飯(?)ok, 平時好少過左12點都有得食,我的最愛燒味雙拼飯(16.8)呢度燒味一向有水準九菜豬紅(?)次次都好好食, 今日冇咁好食,不過都是水準之上了煎墨魚餅(?)比平時大件woo, 幾好炸尤魚鬚(?)而家酒樓有都算難得,以前d酒樓酥炸好食d, 呢個用粉漿, ok煎腸粉(?)我冇食,好大碟蜆介鯪魚市場球(?)球好食, 蜆介腥左d呢度等位不算太耐, 最怕市中心d酒樓就是等位問題市中心來說, 個人推介稻香同呢間, 帝延就見仁見智, 我就ok的。

今日同男朋友下午去飲茶~~~入到去已經冇人理不特止仲要等左十分鐘叫d侍應先過黎問要咩茶!!!叫左個燒鵝瀨,叉燒腸,蘿蔔糕,鳳爪,.....第一碟蘿蔔糕 : 好硬.....冇咩味第二碟燒鵝瀨 : 幾好,冇失水準第三碟叉燒腸 : 真係唔知係咪食緊漿糊~跟住d其他野已經冇心機影啦~埋單既時候個經理叫我等等~我以為佢去幫我埋單點知等左5分鐘都冇回音~~~原來佢比左收銀...但係收銀傾緊計~~~有冇搞錯....之後我自己行埋去佢先幫我計數.....以後叫我點黎食野呀.......

由於爸爸上星期三去完泰國旅行返嚟，左就右就，到今時今日為佢慶祝父親節！有心唔怕遲啦！ 我哋一人叫一樣！依上枱次序：1) 菜膽肘子雞燉翅 ( $68 / 鼎 ) 肘子即係金華火腿，啖湯好清又好味，不過，湯面比較油。

( 睇到張相就知道 )翅絲都無，以揸花膠代替。

既然無翅食，個名應該改為 "菜膽肘子燉雞"！2) 芝士焗波士頓龍蝦跟伊麵 ( $198 ) 侍應攞咗隻龍蝦俾我哋睇，比預期中大隻！一開二上碟，賣相相當吸引！可惜，食得論盡！其實，隻龍蝦唔係好多肉食！伊麵不是太多！總算 OK！3) 陳皮蒸鮑魚 ( $8.8 / 隻 X 4 ) 陳皮蒸配上豉油汁絕配！簡簡單單、清清地！已經夠好味！抵食！4) 竹笙紅燒豆腐 ( $58 ) 豆腐夠滑、冬菇入味、小棠菜嫩！食完發現有啡色蠔油芡，面頭係透明芡。

相信竹笙打上透明芡，最後上碟！走嘅時候，見呢度都幾 Full，大多數食客食小菜！只有一至兩成食客食火鍋！可能係天氣熱啦！埋單連 Tips : $480

今天去了海霸飲茶,中午12:002:00,大中小點一律10.8元,見到有三重彩,所以叫左,3個點心29.8,好似好抵咁,但係點心的質素真係麻麻地呀.流沙奶皇飽好流沙,但怪怪地,唔似一般流沙飽,唔知入面果d係咩料,有些黃色一粒粒的野,麻麻地鳯爪賣相已唔多得,食落去好淋好多醬,一d都唔好食喎油菜是菜芯仔,但係個賣相又係好樣衰,好似亂放一通咁就攞俾人,味道一般啦之前叫左一碟百花釀魚肚要15.8元,一般啦,魚肚麻麻地新鮮,有些黑色的,都唔食得,舊蝦就ok啦食完呢d都好似唔知食左d咩咁,所以就叫左一碗飯,隻拼,燒肉配油雞=14.8,都ok啦,雞唔算肥,燒肉都幾脆唔肥既.我睇睇下餐單,其實呢度飲茶都唔抵食,中午跟下午茶都係大中小點10.8元,跟住特單及精點,其它一橂一樣價錢,只係茶錢平左2元炸喎,還有點心紙上面好多野都係精點及特點,其實都唔係好抵,加上呢間酒樓好迫,一定要撘枱,又嘈,野食又一般,唔明點解有咁多人幫襯??

海霸燒鵝海鮮酒家餐單提供粵菜, 廣東, 海鮮, 燒臘, 點心, 中菜館, 酒樓等推介美食位於屯門區，餐廳座位數未知人均消費約$51-100，結賬可以用Visa,Master,現金,AE。

您對於屯門餐廳「海霸燒鵝海鮮酒家」有何 comment？

海霸燒鵝海鮮酒家餐廳詳細資料：

• 海霸燒鵝海鮮酒家地址:
  屯門屯隆街3號屯門市廣場一期地下G093,G098-G100號舖
  Viking Restaurant, G093, G098- G100,3 Tuen Lung Street, Tuen Mun Town Plaza I, Tuen Mun
• 海霸燒鵝海鮮酒家電話:  
• 海霸燒鵝海鮮酒家價錢: $51-100
• 分類: 粵菜, 廣東, 海鮮, 燒臘, 點心, 中菜館, 酒樓
• 座位: 未知
• 付款: Visa,Master,現金,AE
• FB專頁: 海霸燒鵝海鮮酒家 Facebook

更多海霸燒鵝海鮮酒家相關資料:

• 海霸燒鵝海鮮酒家分店
• Youtube
• Facebook
• Twitter
• Google