Subway 屯門

Subway 評價 相片

唔洗急最緊要快 又有咩快得過subway而又好味又新鮮 你講得出我即刻去試下🤨.英文差既我去到subway 都係講this this this 🤭不過為咗食好野硬住頭皮都要叫架啦 我今次就叫咗意大利香料包 🥗蔬菜就除咗紅洋蔥其他都要 最緊要有辣椒 辣辣地先夠嘢味 最後就揀我致愛嘅BBQ醬😍 食得出啲材料好新鮮 個bbq醬加個素扒 每次我都食到好滿足🤤.其實我冇食過其他醬 大家覺得仲有咩醬好食 歡迎各位留言推介😍仲有就係希望佢可以出更多素食系列🤤.🌯素扒潛艇堡 Veggie Patty💰Total:$38.味: 7/10飽: 6.5/10抵: 7/10.我 ☃️雪人寶寶將會繼續同大家跑素 搵盡全港甚至世界各地既美味素比大家

今日同朋友去屯門行街發現市中心都有subway好開心試下一試無防 再試投降擇左牛肉wrap每次bat野 拎配料落個wrap度好似俾多我甘 拎個陣 真係好少仲要拎完又放回少少 最後 個wrap當然俾細 細過其他分店好多我叫佢俾多少少黑橄欖 佢竟俾多兩粒就完而且 我建議佢地帶口罩 佢地 邊包邊對住食物講野好唔衛生 朋友見我甘鬼細同少 最後 都唔鬼叫本身想反影一下但個個都黑曬面口甘真係唔知想點希望呢間改善到好似 中環碼頭個間個間笑容一流 個包又多配料

趕住番學上下午堂又未食午餐，今次匆匆係市中心搵野食，行下行下決定求其係subway叫個包頂住檔先，點知又有驚喜。

呢排潮流興減肥，食subway一方面平，另一方面可以自行決定配料同調味醬，岩曬我呢啲想keep fit又要頂肚嘅人。

平平地叫左個sub of the day揀左honey oat bread，配上生菜、檻欖、火腿、番茄，加蛋黃醬，仲可要罐汽水，都係盛惠廿零蚊，快靚正。

匆匆點完餐後馬上打開食，驚覺入面好足料，而且每樣材料分佈都好均勻，醬汁亦唔會太多喧賓奪主，值得一讚！

其實subway間間都一樣味，d 野又唔需要點樣烹調，但係我都要寫食評。

原因係呢度既staff砌包砌得好靚，好有心機呀！今晚晚餐買subway 返去同爸爸食，叫左一個subway b.m.t footlong 同一個turkey & ham 6 inch。

個staff 砌包好有心機，d 料放得好平均，連d pickles 對摺左都會打返開！所以個包返到屋企再切開都見到好靚仔，食落啖啖都有餡，唔會食到尾就得返個包咁。

食過咁多間subway真係第一次見到有人咁比心機砌包架咋！

好耐冇去食SUBWAY啦, 今日有個好姊妹結婚, 樣樣野都好趕, 所以隨便係SUBWAY叫個包就算了我最鐘意係佢地$25有個ITALIAN SPICY, 又有野飲, 汽水我都係鐘意可樂, 而包我就鐘意HONEY OAT, 脆脆地, 加兩片芝士, 又可以加生菜, 蕃茄, 洋蔥同青瓜, 塞到個包滿一滿!又健康又好味, $25超級抵食!

Subway餐單提供西式, 三文治, 無肉餐單, 外賣店, 快餐店等推介美食位於屯門區，餐廳座位數未知人均消費約$50以下，結賬可以用現金,八達通。

您對於屯門餐廳「Subway」有何 comment？

Subway餐廳詳細資料：

• Subway地址:
  屯門屯隆街3號屯門市廣場二期地下5號舖
  Subway, Shop5, G/ F, Phase2, Tuen Mun Town Plaza,3 Tuen Lung Street, Tuen Mun
• Subway電話:  
• Subway價錢: $50以下
• 分類: 西式, 三文治, 無肉餐單, 外賣店, 快餐店
• 座位: 未知
• 付款: 現金,八達通
• FB專頁: Subway Facebook

更多Subway相關資料:

• Subway分店
• Youtube
• Facebook
• Twitter
• Google