CHILL HEA 屯門

CHILL HEA 評價 相片

屯門區特色餐廳本來就很少, 偶然一個機會經過美樂花園, 見到一間全英文的小店; 走進來看竟然是一家台灣藥膳麵店, 太神啦先講熱的伯爵奶茶, 好驚喜！茶香奶滑 藉得表揚叫咗一份干貝竹笙鹿茸菇雞湯手工麵, 好特別, 湯底一喝就知道係全冇味精, 老闆娘話自家特製 鹿茸菇係第一次食, 超正, 香味濃郁。

值得推介！看個menu, 有好多養生湯。

下次一定帶埋老婆來飲養生湯 香港地自己煲湯都冇咁多料和全冇味精, 太正啦！值得真心推介！

今次其實已經係第三次幫襯,忍唔住要獻出我第一篇食評。

今次叫咗干貝竹笙鹿茸菇雞湯高筋麵，水準同之前兩次一樣，keep到水準。

之前仲試過麻油雞同啤酒鴨都覺得好好食。

下次再試過其他。

朋友之前講過呢間野嘅手工拌麵無味，而且問左餐廳都唔肯俾多D汁。

但我覺得要試試先知既，點知⋯⋯我初頭試咗一啖，真係無味嘅⋯⋯再試，係有少少味，但係都係冇咩味。

我決定打電話落去問清楚係咪俾少左包汁我。

點知佢話可能啲汁已經俾個麵「朔晒」，所以睇唔到（又食唔到）⋯⋯佢話佢哋都鼓勵客人盡快食，但係我已經一買上嚟就即刻食，都係10幾分鐘內就已經冇晒味⋯⋯所以有D無奈。

另外，椒鹽鯛魚醃製得比較鹹，炸粉好厚，可以食既魚肉真係好少，而麵既份量真係太太太少⋯⋯。

價錢係正餐既價，份量係下午茶/輕食再少D⋯⋯（當我大食啦）不過，呢間餐廳係值得讚嘅係我反映完之後個女仔轉頭再打俾我，同我講已經反映咗，而且同我講下次嚟嘅時候可以問攞多啲汁。

雖然我未必幫襯多一次，但係我覺得佢嘅服務態度可能值得幾個月後，再想食台灣野再去多一次。

希望會有明顯改善。

（亦鼓勵可以用少個紙袋或者膠袋，環保D又可以俾多啖麵俾大家）

上月尾在社交媒體發現這間新餐廳——在美樂花園的「chill hea」，二話不說相約了住在附近的朋友過來試新嘢。

不得不說招牌的英文書法體非常美麗。

店舖面積不算大，大約有10枱左右，座位間較逼夾。

餐廳使用網上下單系統，相當方便。

不過出餐速度有點慢，觀察到店員只顧處理外賣單，完成後才整理堂食單。

湯頭好香，喝下去有淡淡藥材的味道，感覺有放到當歸、杞子等材料去熬煮。

手工高筋麵口感Q彈煙韌，而且頗為掛汁。

至於配餸方面，就分別有雞件、鹿茸菇和竹笙2小片，雞肉更是熬到非常腍身。

椒鹽鯛魚炸得香脆，入口有椒鹽的惹味，魚肉肉質很嫩滑。

拌麵條都是用上手工高筋麵，不過醬汁不多，拌勻後味道還是略淡。

2者中，湯麵比較吸引筆者和朋友多一點。

麵食加$15可以有一杯台式飲品，想不到伯爵奶茶有驚喜。

順滑的它，每一口有著佛手柑的香味，亦有奶香。

不過有一個小插曲發生，就是筆者和朋友的飲品沖調好後，一直放在水吧出餐位。

店員一直為其他飲品吸蓋，但就無視了這2杯，經歷差不多10分鐘後才留意到。

※椰子雞湯麵 (手工麵線）湯底椰子味香濃，雞肉部位嫩滑，配上手工麵線，非常對味，推薦！※三杯雞拌麵 (手工高筋麵)拌麵額外附上酸菜，可自行決定份量，三杯雞味道還可以，但相比起其他餐廳，九層塔味道不重，令到整體感覺比較像家常料理中的炆雞，但味道不錯※啤酒鴨拌麵 (手工高筋麵)啤酒鴨帶辣，屬香港的台式餐廳中比較少見的菜式，可以一試※伯爵奶茶伯爵茶味突出，會再encore ※黑糖QQ奶茶黑糖QQ的黑糖味濃，奶茶少甜，調配得剛剛好※餐廳使用電子menu 自行落單，但落單中途system 就會逾時，需要重新再揀選之前所揀的菜式，但又出現狀況，最後還是要人手落單，建議這方面可再作改善

CHILL HEA餐單提供台灣菜, 粉麵, 米線等推介美食位於屯門區，餐廳座位數未知人均消費約$51-100，結賬可以用現金,八達通，Booking訂位可以電話致電 57226680 查詢。

您對於屯門餐廳「CHILL HEA」有何 comment？

CHILL HEA餐廳詳細資料：

• CHILL HEA地址:
  屯門湖翠路2號美樂花園地下64號舖
  CHILL HEA, Shop64, G/ F, Melody Garden,2 Wu Chui Road, Tuen Mun
• CHILL HEA電話: 57226680
• CHILL HEA價錢: $51-100
• 分類: 台灣菜, 粉麵, 米線
• 座位: 未知
• 付款: 現金,八達通
• FB專頁: CHILL HEA Facebook

更多CHILL HEA相關資料:

• CHILL HEA分店
• Youtube
• Facebook
• Twitter
• Google