龍軒酒家 尖沙咀

龍軒酒家 評價 相片

昨晚同女友到尖沙咀龍X酒家吃飯, 因女友看飲食雜誌介紹過此酒家, 於是來試一試, 這酒家環境不錯, 但沒太多食客, 或者是平日的關係啦...入到去坐下看過menu, 發覺價錢也蠻貴, 套餐都是以人頭計...最平也要HK$190幾一位, 當然也有散叫的餸菜...最平都要HK$55到, 於是我選了HK$398位的那個套餐,菜式有法國???芝士田螺, ???煲仔翅, 蒜茸焗半邊龍蝦, ???鵝掌, 魚肉米線,甜品有木瓜杏汁燕窩和?桂椰汁季花糕(唔好意思...唔係太記得d餸名), 先講那些餸菜, 第一道菜是煲仔翅...的確是個煲仔...裡面有一塊塊魚翅同一件小唐菜, 口感方面....味道也不錯....但好像比較咸, 翅也有點不像翅! 可能我未吃過一塊塊的翅啦, 還是覺得酒樓的翅比較像樣, 跟著來是法國??芝士田螺, 其實只是個大海螺樣了d肉在裡面, 再來是龍蝦, 這個就比較像樣了, 半邊龍蝦都幾大隻畔著粉絲, 但我覺得太多蒜茸和還是比較咸(清淡主義者), 尤其是粉絲吸了汁太濃了.....吃不下, 跟著是???鵝掌, 只是一隻鵝掌畔著生菜同花膠(上次去酒樓吃晚飯都多到沒人想食), 但我覺得至抵死是那魚肉米線! 雖然味道唔錯....但沒人會想到尖沙咀高級餐廳食米線吧? 菜名好聽但竟然是魚肉米線(可能平凡中帶點不平凡啦! 我自問還未夠資格品嚐得出)! 最後是甜品木瓜杏汁燕窩和椰汁桂花糕, 這兩個就唔錯la....但那些燕窩實在太...碎了, 有點像芝麻! 最後埋單至金....還以為是八百幾....點知醬料茶錢逐樣計....每樣20元, 再要比10%服務費80幾蚊! 總括來說環境同服務都不錯, 但價錢蠻貴同食物沒什麼驚喜! 可能散叫餸菜會比較好!

諗住睇到其他食客話d餸菜唔錯，價錢又抵，咁咪嚟試吓囉.. 點知....果晚叫咗五個餸加一個甜品，食物味道係無問題，而且有d都唔錯添，不過d service 就真係不知所謂，係我出街食飯咁耐以嚟最差既.....一上到電梯有一個帶位員，酒樓同中華料理都係佢負責，跟住入到中華料理個場，坐咗幾枱，但係成個場淨係得一個waitress 去serve 成個場d 客，而且個waitress 毫無態度可言.....劣評如下：1) 落完order 又唔複單(最基本既嘢都無做)2) 再落新order 又無表情同反應，個樣超cool, 都唔 知佢聽唔聽到我叫咩餸....3) d 餸既份量都唔係大，可以叫細，但出菜既時間真係 超慢，食完一碟，第二碟都未出..... 如是者食幾個 菜要成個幾鐘....4) 中途再落新order ，叫多一碟菜又出事...等到好似 漏單咁要問個個神龍見首不見尾，唯我獨尊既 waitress係咪真係漏咗單....5) 係等出菜其間，嚟咗幾枱人，有一對情侶嚟到之後顯 得超無奈，因為佢地見到個場一個waiter/ waitress 都無，無人serve佢地，佢地企咗係度望吓望咁都唔 知點好。

另外有一家人嚟到，佢地好唔容易咁食咗唔 知幾多個菜，跟住就忍唔住話佢地趕時間，未嚟個d 餸要cancel 晒佢。

我後面個枱係我黎之前就已經係 度，我未食之前都聽到佢地有d 不滿既聲音......6) 唯一最快既就係甜品，一叫即到.... 不過快得滯， 其他菜都未嚟晒就上甜品，真係想同佢講妳有冇做過 飲食業.....各位自問好多時間，有耐性或者想feel 吓歐洲既飲食文化，就嚟依間龍軒中華料理試吓啦，或者去龍軒酒樓個邊會係另一個世界既，收費唔同嘛....

而家分開一邊酒家, 一邊中華料理, 分別係價錢同份量, 中華料理碟頭細d, 但價錢平酒家果邊好多. 今晚去中華料理果邊, 裝修幾靚, 幾舒服, 餐具亦幾靚. 一行五人食咗: 1. 紅油抄手($18), 加埋個醬汁幾好味, 不過唔係特別出色;2. 香麻海蜇頭($28), ok, 唔係平時食開一條條海蜇而係一片片, 幾爽口;3. 醋香排骨($28), 夠味, 個汁唔錯, 肥瘦肉參半, 但太大舊, 切細少少會容易d食;4. 士多啤梨煎軟雞($28), 酸酸甜甜幾好味;5. 七味蒜鹽雞中翼($28), 有d似鹽酥雞, 外面太脆太濃味, 反而食唔到雞翼本身既嫰滑, 但就好香口(亦好熱氣);6. 籠仔杞子蒸雞件($28), 呢個好味, 雞夠入味, 加埋d荷葉香同輕輕藥材香, 幾好;7. 銀魚仔蒸茄子($28), 銀魚仔太硬, 茄子蒸得夠熟夠淋索埋d汁清清地都幾好(係呀, 其他好多地方蒸茄子好求其, 唔夠熟又硬又無味, 所以夠熟夠淋都要特別講講);8.甜梅菜蒸芥蘭($28), 好味, 自己鍾意梅菜甜甜地, 芥蘭爽口亦食到甜味, 唔知係芥蘭本身都甜定係索咗梅菜既甜味勒;9. 鐵板芝士海中蝦球($38), 蝦球爽口, 個芝士汁好味唔會太鹹, d配菜洋蔥紅蘿蔔菇配個汁都好味;10. 鐵板蒜片燒汁珍菌($38), 呢個都好味, 蒜味好香好惹味;11. 籠仔蒸飯($28), 呢個好味, 飯先炒過入晒味再放入籠仔蒸吸埋d荷葉香味, 好;12. 楊枝甘露($12), 好味, 但唔係特別, 有果肉夠滑唔會太甜;13. 薑茶湯丸($12), 皮夠薄, 芝麻蓉饀幾香, 但個薑茶太淡, 甜番d會好好多;14. 御膳桂花糕($12), 好清香好滑, 一定要試, 好味! 講真呢度個menu唔多野, 所以嚟三幾次已經可以試晒, 但食物質素唔錯, 環境又ok, 加上碟頭細, 啱晒我地呢d花心樣樣都想試少少既為食鬼, 所以都會再嚟. 好想試軟心花生酥(今次賣晒!), 唯有留番下次再試啦! 今次朋友有八折, 加上送甜品, 所以每人都係六十幾蚊, 已經食到好飽又試到好多款野!

最近去過兩次, 黑珍珠糯米釀鳳翼不肥膩, 不俗. 其他菜色味道較濃. 甜品香酥花生外脆內軟, 味道好. 服務亦好.

今日同小熊去飲茶,叫了好多點心(所有點心都係半價):魚翅鳳眼餃$28果皮厚左d,都ok蟹粉小籠飽$48無嘜蟹粉,同一品香果個爭好遠魚翅灌湯餃$48真係有魚翅,果湯好清,好味.遼參鮑魚腸粉$48有好多參,不過飽魚就唔覺有,都唔錯芝士蝦春卷$28好香,好味蟹粉鵝肝卷$28鵝肝好腥,食了一啖放棄,lee個唔得燕窩雙皮奶$28面有d燕窩,雙皮奶唔水,好味.另外還叫了:鮑魚滑雞粥$80/窩仔每人都分都兩碗仔,雞就唔夠滑有d un,鮑魚都幾有趙口,粥底都唔錯好夠味.古法糯米雞翼$42/隻每人一隻,熱辣辣好香好味正.環境都ok,勝在lunch都唔多人,服務ok,埋單$356, 真係食得好飽呀!

龍軒酒家餐單提供粵菜, 廣東, 點心, 酒樓等推介美食位於尖沙咀區，餐廳座位數未知人均消費約$51-100，結賬可以用現金。

您對於尖沙咀餐廳「龍軒酒家」有何 comment？

龍軒酒家餐廳詳細資料：

• 龍軒酒家地址:
  尖沙咀彌敦道26號東企業廣場2樓
  Dragon Palace Restaurant, No.26 Nathan Road,2/ F East Enterprises, Tsim Sha Tsui
• 龍軒酒家電話:  
• 龍軒酒家價錢: $51-100
• 分類: 粵菜, 廣東, 點心, 酒樓
• 座位: 未知
• 付款: 現金
• FB專頁: 龍軒酒家 Facebook

更多龍軒酒家相關資料:

• 龍軒酒家分店
• Youtube
• Facebook
• Twitter
• Google