鮨鳶 尖沙咀

鮨鳶 評價 相片

環境優美  價格相宜二人同行一人半價非常抵食不過非常難預約需要半個至一個月前預約埋單不用700蚊師傅一邊捏壽司一邊介紹非常棒的體驗而且非常隱密每次一間房裡只能容納8人可惜沒有天婦羅或炒飯如果有的話飽腹感會更強師傅有事先用刀背敲打魚肉將筋都打斷所以魚肉入口非常綿密入口即化壽司有蝦有貝類也有海膽非常驚喜每道壽司都經過精心挑選和鋪排由淡到濃由清爽的左口魚到油份極重的拖羅在限聚令底下獲得一份安寧暫時在香港通過飲食感受日本的風味

好驚自己唔記得 所以決定即日食即刻出～😹話說呢其實我同媽咪都好鍾意食omakase🤤一諗唔到食咩就去食🤣但其實我呢個少食多餐嘅人每餐嘅食量都好細 好快就會飽🥲所以通常都係食最少份量個set或者係尾二少🤪食過差唔多十間唔同嘅Omakase舖頭 今次呢間可以話係最普通嘅一間😟不論係刺身款式定舖頭裝修、地理位置(樓梯底basement)等都對唔住個價🙁原本鎖定左係尖沙咀食，target左想試好耐嘅志同埋一幸 但琴晚臨急臨忙先打電話過去 一間今日休息一間full booking😫結果就係OpenRice揀咗呢間做緊第二位半價嘅鮨鳶～佢喺正永年隔離 但唔係地舖 係行樓梯落去嘅basement，冇view其實已經減左啲分，店員帶我地入omakase間bar枱房後發現其實係一個樓梯底嘅位 一共有五枱，十個人 估計已經係full booking 但因為樓底唔高回音大 所以變相枱枱喺度講嘢環境聲都比較嘈🙁值得一讚嘅係 佢地嘅口罩套係用硬卡紙做 從來都冇試過見到咁靚嘅口罩套 好精緻好似利是封🧧佢哋嘅lunch menu分咗兩個價錢「光」$420、「和」$880～主要係睇你哋想食壽司多啲定係刺身多啲 我自己就鍾意食壽司多啲所以揀咗「光」呢set，包前菜、12件壽司、茶碗蒸、湯、甜品。

Full set其實好夠女仔食 男仔就可能差少少💁🏻‍♀️老實講鍾意食omakase就係鍾意同壽司師傅有交流同埋聽佢介紹吓各款刺身魚生，其實之前啲壽司師傅介紹壽司名嘅時候我都係聽吓就算 但因為而家開咗呢個foodie account所以我就諗住每款都mark低 結果師傅講到第四舊左右就開始冇講🥴之後我望一望佢先講一兩件 聽到佢同其他客人講話舊舊講就冇癮🥴呢個態度 我不予置評啦 但實際上普通人去又唔會好扣分嘅😬佢有講嘅我都有mark低 分別係個個都識嘅海膽、中拖羅、同 真鯛、右口魚、北寄貝、春子鯛、蝶魚裙邊等～另外其中一個鍾意食omakase嘅原因係因為好enjoy每次將一件完全唔認識嘅壽司放入口之後驚豔到自己既感覺🤭甚至乎認識嘅刺身喺師傅度配上唔同食材嘅變化。

但呢度咁多件都冇比到一個咁嘅感覺我🤣唔係唔好食！但就係普通🤪食完就係「哦！」嘅感覺😹如果唔係而家做緊promotion 係完全唔值$420呢個價錢😟同埋佢哋係一個師傅處理三枱～ 總括而言，成餐最好食係個前菜（圖2）幾乎係我食過咁多間omakase入面最好食嘅一個👍🏻好似係魚子 但唔清楚係咩魚🙈鹹鹹地酸酸地幾開胃🤤又或者係因為開咗呢個咁靚嘅頭所以去到壽司有啲失望😅茶碗蒸都係普普通通，夠滑但係唔夠鮮甜😬另外值得一提嘅係，最尾個手卷唔係常見嘅吞拿魚腩蓉 對我呢個diehard fans黎講有啲失望😞佢係蝦蓉 係幾特別但係我覺得麻麻哋 吞拿魚腩用會係更穩陣之選☹️順帶一提～佢哋有好幾舊壽司都係用炙燒嘅方式 我自己本身麻麻哋燒咗嘅壽司 所以都有少少扣分 同埋會令我覺得點解咁多個造法都咁相似>.<——————————————————————————゛鮨鳶 (尖沙咀)📍 尖沙咀加拿芬道4446號地下6號舖⋆͛人均消費：$357💰⋆͛性價比指數：5/10🧮⋆͛環境服務：6/10💁🏻⋆͛ 打卡指數：6/10📸——————————————————————————

某日喺FB見到鮨鳶第二位半價優惠 即刻喺openrice訂枱試試是日準時12點前到達 餐廳在地下一層 一邊做鳥燒居酒屋另一間細房則主打omakase 有十個壽司吧枱位 座位下有籃子放隨身物品空間感比較狹窄 不過我唔介意 食物質素高就值得😋午餐分兩個omakase set：＜光＞為12貫壽司；＜和＞則為5點刺身＋8貫壽司初來報道淺嚐＜光＞好了整個套餐包括：漬物/茶碗蒸/12貫壽司/拖羅手卷/豚肉味噌湯/抹茶奶凍一開始唔記得同師傅講走wasabi食第一件時發覺兼被師傅聽到 師傅非常細心詢問剩餘的係咪全走wasabi 細心位加分👍依淡＞濃的次序逐件上鱸魚；帆立貝；池魚；火炙黑鱸；赤身；鯖魚；真鯛；依佐木；火炙鮫鰈；紫海膽；瀬尿蝦；拖羅當中比較有印象的：依佐木：味道清爽甜美，入口滑身真鯛：肉質細嫩，口感爽滑火炙鮫鰈：魚油豐富，火炙更加將魚脂逼出黎赤身和拖羅均有水準，魚味濃郩手卷餡從其他食評的蝦茸升級為今日的拖羅正😍啱晒我最鍾意食拖羅服務方面，斟水收碟及時，師傅有注意客人進食速度上壽司，可取惟一可惜係處於疫情期，冇得聽師傅講解食材細節，和客人互動，缺少了omakase的神髓約350左右的價位來看相當有水準，會推薦俾想淺嚐omakase的朋友👍

預訂左15001800既時段，係早好多日子經OpenRice 訂餐，食無餐牌日式廚師發板餐，準時係必須。

本人同友人準時於1500到達，郤要1540才可入內進餐。

雖店舖解釋是上一輪客人遲左到達，但咁樣，對準時既客人唔公平，冇可能因為上一輪遲就要下一輪受晒。

咁其實係上一輪食用時間跟返原先設定。

就算食物水平中上，都無補於事。

原先諗住開開心心食返餐，郤遭如此不公平對待，食都唔係開心咁去食。

絕對唔推薦呢間餐廳。

香港最近開左好多間omakase，通常集中係銅鑼灣。

今日就想試試九龍區尖沙咀嘅新日本餐廳鮨鳶 （個字用倉頡好難打）。

選呢間係因為做緊openrice第二位半價嘅優惠。

今日食嘅係午餐嘅廚師發辦，餐廰午餐嘅廚師發辦會做2輪，分別係十二點同一點半，每輪食90分鐘。

餐廳位於地下一樓，一入到餐廳裝修有別於一般日本餐廳，比較暗黑。

同店員講預約左一點半嘅廚師發辦，店員帶我同友人到另一間房，專食廚師發辦。

房間嘅排位就係全bar枱，一半係師傅工作枱，一半係客人bar枱。

店員遞上餐牌，廚師發辦有2個set，「光」$420一位同「和」$880set，我地經濟D㨂左「光」set。

第一道係前菜，（忘記名了）有點似中華海帶，另外有D菇類，酸酸甜甜好開胃。

然後開始壽司部分。

一共有十二貫，味道由最淡開始。

一開始壽司有包括左口魚，鯛魚，鱸魚。

中段有令我有印象係帶子上點有竹炭鹽同赤身吞拿嘅壽司。

食到一半上左海鮮茶碗蒸，茶碗蒸中有滿滿嘅海鮮同櫻花蝦，味道唔濃都唔錯。

後段味道愈來愈濃愈有味，當中令我最滿意嘅係深海池魚，中拖羅同赤海膽壽司。

感覺好新鮮，池魚口感都好好，海膽份量都唔少又鮮甜。

而且由最淡味到濃味咁食，所以到最後唔會太膩食唔落。

卷物方面係甜蝦茸卷物，味道都係較濃，紫菜脆。

份量唔大，雖然食到呢度已經幾飽，但都仲食得落。

味噌湯中有少少菜同少少豬肉。

食左好多冷物，可以飲D熱湯都OK。

最後係甜品 綠茶奶凍。

綠茶味道好濃，而且唔算好甜，跟一粒蜜漬黑豆好好食。

完美的結尾。

以上都係本人嘅口味，訂座時一開始見到有唔太好嘅食評，有點擔心。

但食落整體都滿意！另外，一位師傅會同時serve四名客人，而且都幾友善，我地唔太熟/聽得明D魚名都會耐心再重覆同簡單解釋。

認真的師傅第二位半價的話，連加一都係$357一個人，CP值都高，會推薦畀無咩食過Omakase嘅人來，呢度lunch omakase算係入門級嘅程度～

鮨鳶餐單提供日本菜, 廚師發辦等推介美食位於尖沙咀區，餐廳座位數未知人均消費約$801以上，結賬可以用Visa,Master,現金,AE,銀聯，Booking訂位可以電話致電 34622353 查詢。

您對於尖沙咀餐廳「鮨鳶」有何 comment？

鮨鳶餐廳詳細資料：

• 鮨鳶地址:
  尖沙咀加拿芬道44-46號地下6號舖
  Sushi Tobi, Shop6, G/ F,44-46 Carnarvon Road, Tsim Sha Tsui
• 鮨鳶電話: 34622353
• 鮨鳶價錢: $801以上
• 分類: 日本菜, 廚師發辦
• 座位: 未知
• 付款: Visa,Master,現金,AE,銀聯
• FB專頁: 鮨鳶 Facebook

更多鮨鳶相關資料:

• 鮨鳶分店
• Youtube
• Facebook
• Twitter
• Google