魚翅城酒家 尖沙咀

魚翅城酒家 評價 相片

師傅自從黎過呢度一次之後, 就成日心思思想再黎, 可惜又苦無藉口; 由於師公同師母都從未黎過, 就趁住一年一度嘅師傅誕同埋新世界中心結束在即, 加上呢間食店亦八折贈慶, 師傅先至搵到個機會再黎! 於是一早訂定枱, 三人行準時去到, 侍應位有禮招呼, 坐低後叫埋茶, 師傅當然係第一時間睇下有咩好食啦, 之後大家商量左一陣, 最後決定柯打個四人餐, 雖然明知會食唔晒, 但一於少理! 而四人餐係有八道菜, 分別有堂灼北海道大貝柱拼象拔蚌, 雞湯中鮑翅, 原條海參扣花菇伴伊麵, 大海班兩味, 翠綠炒球同埋炆頭腩, 酥炸沙井蠔, 金獎炸子雞, 仲有咖哩肉蟹跟銀絲卷!落完單等左一陣, 好快就黎左個大砂煲, 因為第一道菜就係堂灼北海道大貝柱拼象拔蚌, 堂灼固名思義堂食加白灼, 先講下湯底, 湯底有少少蔥同彊片加幾舊豆腐, 湯底似乎冇咩特別; 而主角亦隨後登場, 大貝柱(即係帶子)真係好大粒, 而象拔蚌又切得好薄, 但當放下北海道大貝柱同象拔蚌時, 就即刻覺得個湯底起到作用, 皆因湯底夠清, 加上少少彊蔥用意去左腥味, 從而帶出帶子同象拔蚌嘅鮮味,帶子真的大大粒, 而入口非常爽口鮮甜, 肉質同口感又係一流; 至於象拔蚌亦非常鮮甜, 拖一拖即食一樣爽口, 好味; 第一道菜已經有咁高水準, 真的為呢一餐打下一支強心針!既然黎得呢間食店, 翅當然係不能缺少嘅一道菜啦, 所以第二道菜就係雞湯中鮑翅, 作為一個四人餐, 唔知又有幾兩翅呢? 打開個蓋後, 師傅發覺至少有二兩, 皆因成碗除左湯外, 就全部都係翅; 再試一口發現用雞湯做湯底竟然係清清的, 味道唔會過濃; 而翅身亦屬高質, 排翅煮得夠腍, 非常好味! 食完個翅後, 就到原條海參扣花菇伴伊麵, 海參真係好大條, 可惜係師傅一向都唔鍾意食海參, 皆因海參個樣好差, 真係見到都唔想食; 而花菇師傅亦冇食, 原因係師傅身體唔好, 加上一向都麻麻地, 所以淨係食伊麵; 而伊麵都幾爽口, 加上個汁亦幾好味, 小棠菜亦夠腍, 所以都唔錯!大海班兩味有翠綠炒球同埋炆頭腩, 先講翠綠炒球, 西芹夠爽口, 芹味唔會太濃, 而班球肉身幾鬆身, 唔會實的的, 証明都係新鮮, 但少少腥味都冇, 加上炒得唔算油, 所以都不錯, 收貨架; 炆頭腩亦炆得好入味, 冇腥味, 不過係多左少少骨, 亦算不錯; 酥炸沙井蠔真係炸得好鬆脆, 但就一d都唔油, 而蠔身亦算大隻, 加上真係好肥美, 師傅食完一隻亦忍唔住要食多一隻, 正呀!金獎炸子雞嘅雞身好滑而且非常鬆身, 雖然嗰一刻師傅已經食到好飽, 但亦食左三四件, 加埋伴碟嘅蝦片炸得好鬆脆, 入口亦唔會一口油, 所以整體都好正; 最後係咖哩肉蟹跟銀絲卷, 咖哩汁都算香但唔辣, 而咖哩汁亦算稀左少少, 呢個位師傅扣少少分, 而肉蟹好鮮甜, 蟹蓋亦有好多膏, 都不錯; 至於銀絲卷, 師傅就覺得硬左少少, 但師公話唔硬, 對於師傅呢d受軟唔受硬嘅人, 銀絲卷真係不大欣賞!總括黎講食物質素甚佳, 環境非常舒服, 因為十分寧靜, 而服務態度亦算不錯, 價錢亦算合理, 四人餐都係一四七八, 仲有八折, 三個人食四人份量, 係貴左少少, 但師傅覺得物有所值,所以都算抵食! 呢間食店臨別秋波, 加上師傅誕, 實行一砲雙響賀師傅, 笑臉係一定會比, 亦希望仲有機會再黎啦!

14 March 2010 Sunday白色情人節，20 C，晴1) Arrival & setting: 路過見到魚翅城因新世界中心即將關閉而結業，因此全單八折，套餐還免茶芥加一。

我們可能逛累了，又累又餓，便入去試試晚餐，順便度過所謂的日本“白色情人節”。

魚翅城環境舒適，可以好好坐下。

我們選了$422 x 2的dinner，饞嘴的honey另加了$20炸銀絲卷，無非為了沾錬奶食。

真為食呀! 侍應服務殷勤，完全沒有“即將結業”的挫敗感，甚至頗gentleman的逐一慢慢上菜，慢食猶如法國餐啊。

我們的為食大餐如下:2)Dishes:1.兩小碟:蜜汁叉燒: 不小碟啊! 可能又累又餓，覺得唔錯，尤其是蜜汁甜甜，及自動自覺來了半肥瘦叉燒。

拍黃瓜: 清爽，ok。

2.雞鮑翅h… 醒哂! 雞湯好像住家菜，很濃好甜很暖心，我食了一小排翅便只管喝雞湯，喝呀喝…一排排的魚翅便擱淺了! Honey忍不住也問我“不食翅嗎”?! 魚翅的份量是相片中湯匙的45倍! 好正呀! 3.黑椒窩荀鵝肝粒:窩荀很爽與鵝肝粒幾夾，但沒有黑椒味，反而啱哂怕辣的我!4.龍蝦伴米線:海鮮! 龍蝦大大隻好多肉，很有蒜香。

米線很滑偏淡，很合配蒜香龍蝦。

5.蟹肉菜苗:又是海鮮! 蟹肉很creamy很健康似的，菜苗味道OK也很大碟。

6.蟹籽海鮮炒飯:又是又是海鮮! 看似平平無奇，但聞到很香!! 蟹籽、帶子、蝦仁、魷魚…切得剛剛好，飯粒炒得香口利落! 若我在家可以炒出這個模樣便好了。

始終中式炒飯比日式稍勝! 不過已飽了，再好食也只可嘗一口，幾乎整碟外携返家… 翻叮也不及現場的好食了，嗚…7.炸銀絲卷(另加$20):好抵食啊! 其實它是跟兩小碟一起來的額外前菜。

雖然沒甚麼特別，但我們就是喜歡它簡單的脆皮伴錬奶! 8.魚翅城蛋散:很鬆化…我們也溶化了，無話可說。

9.附送糖水:桂圓茶: 不是不好，但在寒冬喝會更好吧! 腐竹雞蛋糖水: 比想像中滑，加上我愛的雞蛋，哈!3)Bye bye New World Centre:今次這個“法式魚翅餐”助我休息好了，真好! 常服務我們那位侍應先生聲音柔和又細心有禮，怡到好處，又主動介紹菜式，服務良好猶如高級西式餐廳。

可能服務好的關係，心裡難免關心侍應們會否因新世界中心關閉而失業，或是可派往其他繼續服務呢!

幾時會有幸福的感覺？與愛人一起享受著美味的的食物時…你會有嗎？（睇下食咩先？！）今日為方便撘車入赤柱，相約中午在尖東等。

巧遇魚翅城 【88全免餐】。

見88蚊竟可食魚翅，便不作他選，入內品嚐。

這個餐包了：雞湯木瓜鮑翅（每位一兩）：雞湯加上木瓜味道配撘得很好，鮮甜美味，鮑翅真的是一排排的。

今日第一餐便用翅漱口，感覺很好啊！雖然只是用一普通湯碗仔盛著，但以這個價錢和質素已是很不錯！燒賣和叉燒飽（各一只）：味道不錯，但沒有什麼特別鮑汁菜心：ok，但感覺不到是鮑汁，太淡了乾燒伊麵：味道適中，伊麵也好吃這個套餐最少要2人惠顧。

份量雖不多，尤其男士可能要再加點心才夠。

但每人88 蚊已包括了加一和茶錢。

相當超值！這裡環境亦很舒適，有卡位適合情侶進餐。

與你一起，就算今日吃的是碗仔翅，幸福的感覺都不會變…若然那碗仔翅是同樣美味的話…但因為你，令我有動力工作去與你吃更多正魚翅，不過今餐…多謝你先！

2009年6月好耐無到魚翅城飲茶, 是日就一於再去飲餐茶啦 !! 叉燒飽一睇已知不對辦, 餡料爆漏而且過濕, 汁過多~不合格 ! 蝦餃餃皮過淋, 易爛~亦不合格! 最差就是蒸籮蔔糕, 太淋太"削",明顯落左過多水, 籮蔔絲亦寥寥無幾,如用以會考比喻, 這項應是 U 級 ~~ 只有蛋散可取 !!! 但絕不只為蛋散而來 !!

19/1/09難得出去飲茶,當然搵間好既.聽聞下午茶抵食又坐得舒服...一於試.好彩早去到.原來都有好多人等位飲下午茶.點心款式唔算太多(十幾款)但大,中,小點都有半價.叫2個雞湯煲仔翅:$72@.仲諗住會好似出邊個D碗仔翅.原來真係翅,細細塊都有6,7塊咁多,仲好香雞湯味.D waiter仲即場係你面前煲熱.勁!菠蘿叉燒包:幾特別既配搭.個味道又ok喎.唔會搶對方既味道.雞湯小籠包:皮薄,又多湯.正,感覺D餡都幾新鮮唔會有仲梅既feel.鮑汁鳳爪:好鮮甜既汁,D鳳爪又夠淋.粟米脆蝦筒:應該係即叫即炸.因為個心係好熱辣辣(差D燙傷個咀仔)仲有基本既蝦餃.燒賣,牛肉:不得不提,個蝦餃皮真係好薄,近乎透明.甜品:齊齊撈起(糖不甩)幾有意思既名字.所以都叫一客. 旦散:真係幾好味,加D糖漿perfect!其實我都唔知佢係乜. 只係見到隔壁都有一碟,個樣又好似幾得意,所以......

魚翅城酒家餐單提供粵菜, 廣東, 山珍海味, 點心, 酒樓等推介美食位於尖沙咀區，餐廳座位數未知人均消費約$101-200，結賬可以用Visa,Master,現金。

您對於尖沙咀餐廳「魚翅城酒家」有何 comment？

魚翅城酒家餐廳詳細資料：

• 魚翅城酒家地址:
  尖沙咀梳士巴利道18-24號新世界中心3樓L315-L316號舖
  Shark's Fin City Restaurant, Shop No. L315-316,3/ F, New World Centre,18-24 Salisbury Road, Tsim Sha Tsui
• 魚翅城酒家電話:  
• 魚翅城酒家價錢: $101-200
• 分類: 粵菜, 廣東, 山珍海味, 點心, 酒樓
• 座位: 未知
• 付款: Visa,Master,現金
• FB專頁: 魚翅城酒家 Facebook

更多魚翅城酒家相關資料:

• 魚翅城酒家分店
• Youtube
• Facebook
• Twitter
• Google