胡同 尖沙咀

胡同 評價 相片

📍香港📍尖沙咀📍胡同📍尖沙咀中間道15號H Zentre18樓📍星期一至五 12:00~15:00 & 17:3000:00 ；星期六及日 11:3016:00 & 17:3000:00超好氣氛嘅中菜廳🥢雖然定價比較高，但食物質素穩定好食，望住成個海景環境好靚，真系好岩慶祝影相打卡📸 夜景冇得輸！帶女朋友黎實開心🥳 有Cocktail飲仲有靚女DJ打碟💃🏼 餐廳燈光比較昏暗。

如果想坐窗邊位記得要提早book，侍應都有提及坐窗邊位嘅用餐時間係比較少，自行留意。

切餅費比較貴，按人頭計$75一位🎂 不過待應都好好，唔夠時間喺窗邊位食埋個蛋糕都安排咗出邊嘅房仔俾我哋👍🏻🦄 火焰胡椒片皮鴨半隻 $490🦄 評分: 9/10基本上每枱都會叫。

師傅不停系我地身邊帶住一隻又一隻鴨走黎走去😂 相當有睇頭既火焰片鴨，師傅會系你面前點燃俾你打卡。

外皮香脆，鴨味濃肉質嫩，唔會好肥。

跟配京蔥青瓜，鴨醬調味岩岩好。

餅皮上枱熱辣辣👍🏻添左一次無額外收費😂🦄 聖旨到 $388🦄 評分: 8.5/10呢個名好搞笑，我諗左一陣系咩黎。

蟶子新鮮大隻，大量蒜蓉加埋惹味醬汁，好食😋🦄 麻辣蝦 $388🦄 評分: 8/10好夠辣所以食開BB辣既我食一舊就食唔到啦😂蝦好大隻彈牙，賣相吸引。

友人勁鐘意。

🦄 花椒金湯桂花魚 $568🦄 評分: 6.5/10魚既份量唔算好多，幾鮮嫩但味道較淡唔夠惹味。

反而萵筍好入味酸酸辣辣幾好食。

🦄 紅燒排骨 $428🦄 評分: 7.5/10六大舊排骨望到都好飽😂每人一件已經好夠。

最後食唔晒打包走。

肉質嫩酸酸甜甜幾好食。

🦄 手撕雞野菌炒麵 $228🦄 評分: 7/10唔會太油不過份量唔多。

待應好好好醒目，見到我哋食得慢枱都無位，主動提議幫我地分4份🖖🏻🦄 Floral Temptation $88🦄 評分: 7.5/10🦄 Asian Beauty Mocktail $88🦄 評分: 6/10（茉莉花茶，菠蘿汁，檸檬香茅）較Fresh飲落菠蘿味較重。

#foodieschu尖沙咀

外國同事來香港 最好揀d有景色嘅地方經過一輪research，胡同好似係一個唔錯嘅選擇 (怪不得裡面昏昏暗暗的，方便影夜景，香港夜景真係無得輸！）不得不說 環境一流 尤其有遊客時 ，大家不停影影影服務亦都friendly 同 helpful, 有返呢個價位你expect嘅service ~(HKD980+10% per head)頭盤有松露鮑魚魚籽煎鵝肝熏蛋酸辣金湯包紫椰菜乳香蓮藕餃可能我比較“重口味”，雖然松露鮑魚有d鹹 但個熏蛋真係very good ~外國同事就覺得個湯包最好~魚香虎蝦青花椒鱈魚齋睇menu, 就覺得應該蝦好過魚但to my surprise, 個魚整得剛剛好 肉質嫩得黎又唔會散 又唔會辣到蓋過d魚味片皮鴨 （+HKD398 for 34 guests），鴨肉其次 但佢著火果吓真係個個一齊影影影清炒芥蘭苗 （叫做有個菜，不過都係偏油）茴香雞粒蛋炒飯 （如果未夠飽食埋呢個一定夠！）椰汁石榴糕 配 龍井奶凍 （我覺得清清哋 唔死甜幾好，但外國同事就覺得太bland, 嫌唔夠甜）All in all, 我覺得如果你係going for 傳統中菜 呢度就唔係最適合嘅地方但如果你要招呼客人，或者想要嘅有情調少少，fusion d嘅地方 （所有嘢分好曬，有d人唔中意分好曬的）；我覺得呢個係一個相當唔錯嘅選擇~

打開lift門彷彿去咗周杰倫嘅紅塵客棧🏮 「燈下 嘆紅顏近晚霞」歌詞係我腦海走過😂回憶陳年往事，不如珍惜現在，享受身邊美事美景❤️環境：8.5/10胡同以中國風裝修為主，串串紅燈如引領走入時光隧道，放下煩惱投入氣氛，餐廳內更係面向維港景色，裝修配合柔和燈光，盡顯優雅同唔影響大家欣賞夜景✨食物：7.5/10Dinner testing menu 980/ppl1️⃣松露鮑魚鮑魚鮮甜爽口彈牙，貼心將鮑魚切開三份，啱啱好一啖一小件，但唔係好食嘅得出松露味🤣2️⃣魚籽煎鵝肝燻蛋做到溏心效果，略嫌味道較淡🥲3️⃣酸辣金湯包一定要成個放哂入口🤤，一咬啲湯爆哂出黎，酸辣味唔會太濃又帶出肉香4️⃣紫椰菜乳香蓮藕餃餃皮薄，餡料加入菇類🍄增加口感，調味亦都出色5️⃣魚香虎蝦 超級惹味，青椒🫑辣椒🌶️嘅味入哂蝦肉，蝦嘅size成手掌咁長，肉質夾口，讚👍🏻6️⃣青花椒鱈魚必食推介😋原因係魚肉鮮嫩冇骨，質感好似食緊豆腐花，花椒調起魚肉鮮味，正😍7️⃣清炒芥蘭苗食咗咁多濃味食物，相當貼心加入一個較清淡嘅菜做一個間場，但唔expect係tasting menu當一道菜🥹8️⃣茴香雞粒蛋炒飯炒飯乾身，但以辣味為主，有少少搶哂風頭🥲9️⃣椰汁石榴糕&龍井奶凍椰汁石榴糕口感彈牙，好似食緊啫喱咁，而椰汁嘅香配合石榴汁嘅爽甜又幾夾，但個龍井奶凍好重茶味，唔錯😋💰性價比：7/10 （$1000/人）環境真係一流，直望維港，好適合慶祝🎉除咗tasting menu有a la carte，喜歡中菜嘅朋友可以試試😋

四訪！臨近新年必訪古色古香嘅海景中菜廳胡同。

經過一條胡同巷弄，就會去到樓底極高極之寛敞、坐擁維港美景嘅用餐area~ 燈光昏暗，氛圍一流，同日頭黎完全唔同feel！適逢新年，胡同推岀左好幾款新春限定嘅菜式同cocktails，味道相當唔錯！想試嘅朋友仔要把握機會一嚐1月12至31號限定嘅 Chinese New Year Dinner！𝐂𝐡𝐢𝐧𝐞𝐬𝐞 𝐍𝐞𝐰 𝐘𝐞𝐚𝐫 𝐃𝐢𝐧𝐧𝐞𝐫 $890pp十道菜：胡同口水雞 / 竹炭魚香咸水角 / 黑椒和牛酥 / 胡同撈起 / 金牛 / 薑醋鱈魚 / 乾煸四季豆 / 龍蝦擔擔麵 / 龍井奶凍 /酒釀丸子 🐮金牛牛小排好軟嫩，好重肉味！調味濃得黎唔會搶過油香肉味，旁邊嘅三色椒都好爽脆~🍯薑醋鱈魚 超大一塊超厚肉！外皮香脆唔會太厚，內𥚃肉質夠晒軟滑。

薑醋汁嘅酸甜度調得岩岩好，開胃得黎唔會太甜。

🔥火焰胡椒片皮鴨 +$398/半隻 (原價 $445/半隻)師傅席前點燃再片鴨，相當有睇頭！外皮香脆，肉質軟腍重肉味，多汁帶油香。

餅皮厚薄適中帶彈性，配左最經典嘅青瓜、京蔥同鴨醬~🍶酒釀丸子一上枱就聞到好香酒味，食落酒香突岀 又唔會太嗆。

略嫌丸子口感偏腍，酒鬼私心想酒味再重啲🍼龍井奶凍 $68奶凍滑溜帶淡淡龍井甘香，甜度恰到好處。

🍹Hé Píng +$88— — — — — — — — — — — — — ⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀𝐀𝐩𝐩𝐞𝐭𝐢𝐬𝐞𝐫▪️點心拼盆 $238/八件泡椒蝦餃、碧綠桃膠素菜餃、欖角雪魚餃、麻辣鳳尾蝦餃四款之中，家姐呀妹一致最鍾意泡椒蝦餃！有大大粒彈牙蝦肉，食落好香泡椒，好惹味！素菜餃 菇味濃郁，雪魚餃 餃皮用上紅蘿蔔天然上色，鳳尾蝦 爽彈惹味，每粒餃皮都厚薄適中~▪️蒜味麻香帶子 $238千奇唔好睇少佢嘅辣度！初初食落好似好小兒科，點知後勁好麻好辣，超刺激！帶子幾軟嫩，蕎麥麵好彈牙，口感味道都好正 (不過平時食得少少辣嘅呀妹就標晒眼水)▪️魚籽煎鵝肝燻蛋 $238/兩件橙黃流心嘅蛋黃超吸睛！雞蛋入口富煙燻香，面頭嘅煎鵝肝同魚子增添左一絲鹹香鮮味。

略嫌鵝肝較薄，軟心部分較少。

𝐕𝐞𝐠𝐞𝐭𝐚𝐛𝐥𝐞▪️咸肉津白 $198靚到好似成朵花咁！津白腍中帶爽。

湯頭純粹用菜同火腿煲成，就咁飲都仲得，鹹而清，飲完都唔口渴

裝修環境型格個維港景色係靚嘅，但唔知為乜要播啲超級大聲嘅酒吧音樂，嘈到同朋友傾計都極度困難，想個vibe型啲輕鬆啲冇問題但真係太大聲，我係嚟食飯唔係落夜場，叫左幾次waiter問可唔可以細聲啲啲，話可以但最終都冇做到。

唔知係咪燈光太黑黑到啲waiter都睇唔清楚連基本清潔都做唔好枱面勁多油漬，而個重點片皮鴨完全唔值呢個價，師父啲刀功衰過屋邨酒樓，見佢落刀前用酒點一點火燒鴨身以為會香啲脆啲但完全唔覺，片得差上碟擺盤又差，真心完全唔值$900，平過佢又好食過佢真係大把選擇，永無下次！

胡同餐單提供川菜, 四川, 京菜, 官府菜, Fine Dining等推介美食位於尖沙咀區，餐廳座位數200人均消費約$401-800，結賬可以用Visa,Master,現金,AE,銀聯,JCB，Booking訂位可以電話致電 34288342 查詢。

您對於尖沙咀餐廳「胡同」有何 comment？

胡同餐廳詳細資料：

• 胡同地址:
  尖沙咀中間道15號HZentre18樓
  Hutong, 18/ F, H Zentre,15 Middle Road, Tsim Sha Tsui
• 胡同電話: 34288342
• 胡同價錢: $401-800
• 分類: 川菜, 四川, 京菜, 官府菜, Fine Dining
• 座位: 200
• 付款: Visa,Master,現金,AE,銀聯,JCB
• FB專頁: 胡同 Facebook

更多胡同相關資料:

• 胡同分店
• Youtube
• Facebook
• Twitter
• Google