皇玥 尖沙咀

皇玥 評價 相片

今日行過尖沙咀，記得有張皇玥coupon, 未食過，就諗住今次試下。

買咗5小盒（4盒薄脆，1盒唐果子，買4送1），coupon 減100，都要補170幾，除開要成30幾一盒。

買嘅時候睇唔到裏面，一返到屋企，打開個包裝，啲薄脆全部碎晒😱，完全冇晒口感😡好少打食評，但碎到這樣，好難唔話比人知。

希望你哋買之前有心理準備。

有時候寫到明係某酒店/出名師傅/大有來頭的產品，除咗食品本身，其他亦重要。

我諗買完今次，我一定唔會再幫襯。

今日陪朋友去睇結婚用既禮餅，去到尖沙咀就見到皇玥開左新既分店係海防道順便入去睇下啦！ 估唔到皇玥都有喜餅賣呀，有幾個唔同既款式朋友就買左金玥囍餅禮盒同埋伯爵茶薄脆精裝禮盒金玥囍餅禮盒裡面有 原味蝴蝶酥、伯爵茶味蝴蝶酥、 豆沙味同埋柚子味嘅唐果子各一件唐果子好精緻，而且味道都唔錯，甜度都適中伯爵茶薄脆令我好有驚喜，個茶味好香，好鬆脆鍾意伯爵茶味產品嘅朋友可以試吓就嚟中秋啦， 佢哋都已經預售緊月餅， 真係估唔到佢哋嘅貨品係咁齊全，同埋仲有好多唔同嘅分店呢

經過尖沙咀海防道見到皇玥，記得之前有朋友介紹我，試過非常美味，今次自己入去再選購。

知道皇玥的師傅係半島月餅的始創人和米芝蓮2星的餅藝師傅，有質素保證，今次我買咗牛油脆曲奇和芝士薄脆。

曲奇香酥又鬆脆，牛油味夠哂濃郁。

店員介紹佢哋的曲奇係用上天然嘅法國牛油、上等麵粉同雞蛋為材料。

 芝士薄脆非常有驚喜，薄薄一片，口感輕盈，非常美味香脆，值得推介！除此之外，店種類好多，仲有蝴蝶酥、唐果子、蜂巢蛋卷、酥條、月餅……非常多選擇。

皇玥嘅月餅真係食得多，有咁多零食嘅，呢排經過都見到好似多咗一啲佢嘅分店，而尖沙咀呢度就好方便咁有一間，入去都見到有唔少零食揀～有蝴蝶酥、曲奇餅仲有一啲薄脆小食～我見到呢啲薄脆小食都覺得好吸引，我買咗蕃茄芝士薄脆精裝禮盒，同埋伯爵茶薄脆精裝禮盒，前者入面有兩包蕃茄薄脆，兩包芝士薄脆，後者有兩包伯爵茶薄脆，前者$118，後者$68～都幾抵！估佢唔到真係咁磅，食落去再沖埋茶飲真係perfect!下次想試埋佢啲蝴蝶酥同埋曲奇餅！因為佢嘅月餅真係有返咁上下水準，估唔到佢嘅小食都咁好味！

適逢朋友買咗新居，雖然同幾個朋友夾份買咗個電器送禮，但總係唔想兩梳蕉去人哋屋企嘅 House Warming, 所以就去咗《皇玥》睇吓有乜心水嘅禮盒，可以作送禮之用！ 不過係送禮之前都係自己買來試吓先...牛油脆曲奇精裝禮盒 $108呢盒夠體面同大方得體！仲要係獨立包裝的！牛油曲奇食落牛油味好香濃，比坊間好多曲奇好食好多！芝士薄脆精裝禮盒$68食落好香芝士味，而且非常之香脆！薄薄一片，唔覺唔覺成包比我食晒！哈哈！用嚟跟咖啡飲時食更正！真係送禮自用都一流呀！

皇玥餐單提供港式, 唐餅, 西式糕點, 賀年食品等推介美食位於尖沙咀區，餐廳座位數未知人均消費約$51-100，結賬可以用Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付，Booking訂位可以電話致電 22173638 查詢。

您對於尖沙咀餐廳「皇玥」有何 comment？

皇玥餐廳詳細資料：

• 皇玥地址:
  尖沙咀海防道53-55號海防大廈地下5號舖
  Imperial Patisserie, Shop5, G/ F, Hoi Phong Mansion House,53-55 Haiphong Road, Tsim Sha Tsui
• 皇玥電話: 22173638
• 皇玥價錢: $51-100
• 分類: 港式, 唐餅, 西式糕點, 賀年食品
• 座位: 未知
• 付款: Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付
• FB專頁: 皇玥 Facebook

更多皇玥相關資料:

• 皇玥分店
• Youtube
• Facebook
• Twitter
• Google