田舍家 尖沙咀
地址: 尖沙咀柯士甸道西1號環球貿易廣場(ICC)101樓A舖
最後更新:
田舍家推介
坐落於101樓的日式餐廳，能享受居高臨下的維港美景。推介懷石料理及爐端燒。
尖沙咀田舍家
| 餐廳分店 | 田舍家 |
|---|---|
| 地區 | 尖沙咀 |
| 電話訂位 | 29722666 |
| 餐單 Menu | 日本菜, 爐端燒 |
| 人氣指數 | 1041 |
| 價錢幾錢 | $801以上 |
田舍家訂位位於尖沙咀區，詳細地址是尖沙咀柯士甸道西1號環球貿易廣場(ICC)101樓A舖，餐廳寬敞座位數目共有未知幾多個。田舍家幾錢？價錢優惠後人均消費大約$801以上埋單，早餐午餐晚餐田舍家餐單包括有日本菜, 爐端燒等美食，付款方式有Visa,Master,現金,AE,銀聯付款，Booking網上訂位可以電話致電 29722666 查詢訂座。
田舍家優惠
田舍家 評價 相片
大佬之前同我都想試吓田舍家，不過上次心血來潮就咁Walkin冇位，今次大佬訂咗位，星期六食個Lunch。
12:00準時喺預約時間到達，目測當時入席率唔夠一半。
接待員問我哋想坐房定大龐，都係窗口位置。
見到房內只有兩張檯，而且空間感十足，所以我哋揀咗房內位置。
不到一會，另一檯客人都安排坐喺房內另一張檯，仲不時大聲高談闊論，聲線困喺房內，好嘈吵。
當日選擇咗以下兩款午市套餐:1. 鵝肝、活鮑魚及美國牛肉套餐 沙律– 食材普普通通，配上日式酸醋同橄欖油，面有啲疑似綠色蝦籽，卜卜脆嘅口感，都未嘗唔係一款開胃前菜。
刺身– 有一隻蝦、赤身吞拿魚同油甘魚各兩片。
刺身品種唔太特別，不過都尚算新鮮，蝦有應有嘅海鮮甜味，赤身肉是呈紅色，肉質實而冇渣，魚肉濃味適中。
油甘魚食落淡淡甘甜，鮮爽清新。
煎鵝肝 鵝肝面香脆，內裡係少少生，呢個程度係最好食，口感入即溶，鵝油帶有濃郁香氣恆久不散，配上既係伴碟又係醬汁嘅黑醋，完全唔會有油腻嘅感覺。
汁煮活鮑 – 鮑魚切片跟殼上，上面鋪咗啲三文魚籽，魚籽粒粒飽滿，”卜”一聲魚油滿溢口腔，鮑魚片厚薄恰到好處，醬油味算重，但係都不失鮑魚鮮甜，不過略嫌有啲過熟，食落雖然算脆夾煙煙韌不過都有啲硬同有啲咬唔爛嘅感覺。
煎牛肉粒 –用鐵板燒方法烹調，粒粒大細平均，嫌面煎得唔夠香脆，不過一咬就肉汁四濺，牛味唔算突出，肉質軟淋如綿花糖，配埋少少醬汁同啲冇香味嘅蔥花，可互補不足。
炒菜 – 一貫鐵板燒嘅炒芽菜、椰菜同紅蘿蔔絲，勝在芽菜乾身冇出水。
炒飯 鐵板燒式炒飯，不得不讚，色香十足，粒粒飯都呈金黃色，代表粒粒飯都有蛋漿包裹，食落有微微焦香，滿滿一碗飯裡面夾雜住三文魚同帶子粒，口感豐富，不過味道偏淡。
麵豉湯及漬物 – 麵豉湯咸淡適中，上檯到進食嘅時間都相隔510分鐘，不過入口時油豆腐同海帶都未軟透。
醃牛蒡同黃蘿蔔都好入味出色，反而醃昆布我就覺得有啲腥，但係大佬意見就OK。
甜品 – 牛奶布甸中規中矩，奶味唔夠香濃，質地都軟滑得嚟實淨，口感好飄逸，甜度屬中等，夾埋啲酸酸哋啫喱同迷你生果達到平衡。
2. 特選懷石料理 前菜 – (冇介紹嘅情況下估計) 爽脆香甜多汁嘅生粟米一嚿仔夾雜啲豆、一嚿仔蕃薯、一粒紅桑子、一件有肉嘅卷物同埋有一嚿疑似魚肉嘅物體，呢個前菜令我覺得自己唔知食咗啲咩。
刺身 兩款魚類都疑似係鯛魚，其中一款有燒過，食落有焦香，唔太肥，魚味濃。
另一款白色魚肉似真鯛刺身，喺口中慢慢咀嚼時，清甜味在唇齒中流連忘返，鮮味突出。
普普通通厚帶子半件，反而似烤過嘅熟螺肉兩小件有啲驚喜，螺味重而突出，口感鮮美軟糯。
京燒銀鱈魚 醃味非常之平均，魚肉雖然唔係魚油滿溢，不過尚屬肥美，香滑魚肉充斥甘甜嘅味噌焦香，中和了銀鱈魚的油膩感。
茶壺湯 – 清澈嘅昆布湯汁，加上青橘汁享用十分清新，湯內海鮮食材有帶子同蝦，仲有啲吸飽高湯嘅菇菌，咀嚼時都感受到高湯嘅味道。
天婦羅 – 食材分別係蝦，蝦頭同蝦身分開炸、蓮藕片、茄子同粟米芯。
食感完全敗筆，天婦羅粉漿炸出嚟又厚又硬，冇嚟味道。
一啲應有嘅輕、脆、酥完全冇，件蓮藕仲要濕淋淋黐住張紙，食到滿嘴油膩，不論食材如何新鮮，都只可用難食嚟形容。
而且天婦羅沾醬上檯時已經落好蘿蔔蓉，唔係分開上，感覺好似唔太專業。
鐵板燒牛肉卷 – 牛肉片卷上啲蔬菜碎，醬汁味過濃，食唔到牛肉原身味道。
炒飯、麵豉湯及漬物 & 甜品 – 同上面個餐質素一樣。
總括食物質素有參差，平均值都係一般，更稱唔上物有所值，如果計埋個VIEW、餐廳環境同服務，個CP值都係低。
每位服務員都有一股高高在上嘅態度。
明白可能佢哋需要留意我哋食嘢進度去安排下一道菜上檯，但係碟上面嘅食物都未食完 (非擺盆裝飾)，就嚟要求收拾，而且有一種好似被監視同被催促感，但係到最後都係一堆頭送上檯，好似有一種叫你食快啲離開嘅感覺。
101樓高嘅風景當然非常好，一入餐廳景色咁靚，食咩都加分啦~~~日同夜各有風味個人覺得食lunch比較抵食，佢lunch set 最貴就9百幾，我比較食得多，加啲嘢同飲埋啤酒，二千有找，但夜晚要四千到啦！佢嘅魚生好新鮮，壽司都好好食海鮮熟食嘅鐵板燒或者爐端燒更加唔使講啦~~~魚、鮑魚、蝦。
。
任何野都煮得好好食，連伴碟菜都好好味有一點美中不足嘅就係我唔吃牛，所以主廚就轉左豬俾我，個豬就有點鞋最後，我要求一個荷包蛋炒飯，好正總括而言，所有都ichiban
從來未試過食咁差嘅高級日本料理比高級日本料理價錢 街邊大牌檔服務 無論待應、經理 都急住收工 唔想做嘅態度hea 做食物質素低 壽司魚生腥 食元氣都好過你依間所謂出名餐廳唯一比分係比個景2個人食左$3xxx 完全感受到貼錢買難受感覺我和男朋友由頭嬲到落尾最離譜係上菜係我耳邊後方送餐 完全無知會情況下係我耳邊後方上菜 嚇到我心離一離所有熱食食物都係凍如果老闆見到可以管理一下員工同食物質素如果唔改善相信捱唔到幾耐 浪費哂個景和鋪 不如轉手比一間食物和服務態度好嘅餐廳頂手仲好啦
我從來不會寫食評，這次是第一次，不寫不能排洩心頭之憤怒及不滿！去ICC101樓吃日本料理，我是預計了要貴的了。
每一位$2000$3000, 我是不會抱怨的。
那麼，為什麼還抱怨呢？4位埋單$15000左右（冇飲酒），冇問題，問題是性價比奇低！以及不專業。
不是歧視，waiter不知道是否鄰國的同胞，廣東話我聽的不太清楚，可能老闆也是同胞吧。
算了，問他一些問題，不懂回答及介紹，至於那兩位日本師傅，應該是裝飾品吧，我點了一盤刺身，連加一$1650, 見圖，一件都未食過，你覺得值幾多？！！ 他們日本師傅整的，你感覺如何？好單薄是吧。
另外，蟹肉梅的，不新鮮彈牙，還有很多很多差的地方，我沒有時間寫太多不滿，如果係板長價錢，我覺得ok, 但這間鋪連板長的level也沒有，只憑101樓的景觀來收每一位$30004000, 以前上一手的天空龍吟我2010年去, 當時$2500一位, 4位$10000, 都有酒飲, 有好精緻既日本菜食(見圖唔精緻囉！), 你會覺得係值既, 依家呢間, 食完好鬼谷氣! 如果繼續寫，寫多一萬字都寫唔完負面comment.冇時間了，bye bye , 希望盡快有另外一間頂上！
唔肯比Menu，冇Menu之下唔知道食物價錢，問佢有咩推介佢就話「雞囉魚囉牛囉⋯⋯」再問佢啲食材邊度嚟，「佢就話日本囉」，因為冇Menu冇價錢之下俾佢屈收啲海鮮接近$2000一款，永不錄用！
田舍家餐單提供日本菜, 爐端燒等推介美食位於尖沙咀區，餐廳座位數未知人均消費約$801以上，結賬可以用Visa,Master,現金,AE,銀聯，Booking訂位可以電話致電 29722666 查詢。
您對於尖沙咀餐廳「田舍家」有何 comment？
田舍家餐廳詳細資料：
- 田舍家地址: 尖沙咀柯士甸道西1號環球貿易廣場(ICC)101樓A舖 Inakaya, Shop A,101/ F, International Commerce Centre,1 Austin Road West, Tsim Sha Tsui
- 田舍家電話: 29722666
- 田舍家價錢: $801以上
- 分類: 日本菜, 爐端燒
- 座位: 未知
- 付款: Visa,Master,現金,AE,銀聯
- FB專頁: 田舍家 Facebook
更多田舍家相關資料:
香港餐廳2026推介8月