泰潮 尖沙咀

泰潮 評價 相片

行到尖沙咀,見到潮泰空空,走入去一試。

餐枱似乎未清理過,但巳擺好了雙人的餐具. 惟有叫侍應姐姐清理一下. 她用有點'想做不想做'的態度. 草草清理一下便了事. ORDER了四個餐:1)雜菜炒頸頸肉. D 肉硬硬的;雜菜OVERCOOKED 2)CURRY大蝦 . CURRY還可以, 但D大蝦肉十分'酶'3)疍包飯. 炒飯還可以, 但沒有驚喜4)香茅羊架. 香茅味濃, 但略嫌太多肥肉最不可思議的是當結帳時, 那位'想做不想做'的女待應說她們不收'外國'信用咭 COMPANY POLICY. 一間位於尖沙咀遊客必到之地,竟然不收'外國'信用咭. 真是十分神奇. 怪不得入面空空的.

好友生日, 約左好耐至夾到呢日去食番餐生日飯~~~好朋友食過呢間話唔錯, 幾好, 就去試吓啦~~~一入到去, 唔係好多人, 得一,兩枱客...我哋被安排坐喺一張四人枱嘅位置, 坐低之後望到餐廳的一角...嘩, 呢個「包廂」嘅位置好「泰式」啊~!成個涼亭咁, 我都好想坐啊~~睇吓有咩食先~~原本想叫餐, 不過套餐嘅佩搭就唔係好啱我哋當日嘅口味啦~~打開餐牌, 見到一個叫「車打芝士蝦丸」嘅嘢, 圓輥輥咁, 好可愛喎, 好想食....一於叫黎試吓啦~~~黎到嗰陣, 服務員俾左刀叉俾我哋, 我初頭好奇怪點解要俾刀叉我哋呢??原來係俾你切開黎食架, 因為太大粒啦~~~切開入面有粒芝士架~~~不過粒芝士好似細粒左啲喎...食落粒蝦丸都幾彈牙~~建議唔好未食就將啲蝦丸切開哂一半, 因為凍左就唔好食lu>.<我哋嗰日就係切開哂一半, 諗住食得方便啲, 點知食到尾就覺得凍左唔好食啦.....接著就有豉椒炒蟶子啦~~呢碟就認真麻麻地啦....係就係有豉椒味, 仲好勁添~!(因為有勁多蔥同辣椒)但係就蔥同辣椒多過啲蟶子...蟶子唔好食, 唔緊要~!我仲好想食咖哩啊~~~我同好朋友都幾食得辣, 服務員話如果食得辣嘅話, 就叫青咖哩牛腩啦~~其實唔係好辣, 仲幾好味添~~青咖哩牛腩入面有青檸, 茄子....雖然啲牛腩就一般, 食得出係「急凍系列」, 有啲韌...(而家都好難食到新鮮牛腩架了....)不過啲茄子「索」哂青咖哩嘅味, 好好味啊~~~淨係食咖哩, 梗係唔得啦~~~我哋揀左印度夾餅送咖哩^^個印度夾餅同咖哩好夾, 厚薄適中, 又唔油....(有啲地方做啲夾餅, 一拎起, 見到下面張吸油紙成張油淋淋...)呢度就唔會啦~~食左成餐都冇碟菜, 梗係要叫碟菜balance一下啦~~~平時出面食「馬拉盞炒通菜」食得多, 今次黎個飛天炒通菜啦~!飛天炒通菜???難道食左真係會飛天??其實同其他炒通菜冇乜分別, 更加唔會飛天不過辣辣地, 幾惹味, 又唔咸~~~同好朋友咁難約, 梗係大把嘢講啦~~呢度環境幾寧靜, 都適合靜靜地坐喺度傾下計....呢度就最good fit啦~~~希望唔會介意呢個....「泰」遲的生日快樂啦~!

之前買左groupon, $1982人,好似好低, 所以要試試.先送上一個小食炸春卷一咬落去,D碎碎就跌哂落隻碟到.青檸蒸烏頭,自己本身很喜歡青檸味,整條都怖滿青檸味, 好食冬陰公湯好辣呀,但係好香,食得辣的人一定好鍾意咖哩飯, 與街止的分別不大生菜包飯有D辣, 咸咸地,唔錯最後來個西米布丁為整頓晚餐畫上句號.不錯的選擇

剛開張時入過去, LUNCH HOUR企左好耐都無人理, 然後無奈走左, 咁既服務, BLACK LIST 佢先.今日諗唔到食咩, 比多次機會佢啦, 咦, 點解咁平, 30蚊有個麵仲包野飲, 但湯麵唔可以試到水準, 於是我就叫左個泰式炒金邊粉, 個樣幾靚喎, 有生菜墊底, 長葱同4分一個青檸伴碟, 午餐都攪伴碟, 有HEART, 味道就......好唔錯! 同去王珍珍食既差不多, 份量以女人來講夠飽, 不過個凍奶茶就.......好似加左水既台式奶茶咁.咁既價錢有咁既水準, 真係好驚喜, 新聯威茶餐廳食個SET LUNCH都貴過30蚊, 如果去泰屋, 起馬要4060. 所以值得推介比山林道既上班一旅!

由於有得買團購半價券,所以就試下.位置就腳,佐敦,TST出口差唔多路程...已訂位,唔洗等,況且唔多人.可能落雨關係啦...2人叫了個SPICY炒聖子,得7條仔,每條手指尾咁長啦,不過都新鮮,夠惹味$79咖哩雞肉咩"面"包,雞肉幾有雪藏味,梳打粉醃過頭,咖哩OK.夠香個"面"包最正,外脆內軟...$99炸蝦餅,有4大件,不過不失$59芒果沙冰,溝左OK多糖水下.冇咩新鮮芒果味...(飲過九龍城街市個間就知對比了)坐左個幾中,都係得幾枱客仔....整體,食物夠熱,夠味,份量足唔呃秤....可能地段關係,價錢略貴...

泰潮餐單提供泰國菜等推介美食位於尖沙咀區，餐廳座位數未知人均消費約$51-100，結賬可以用現金。

您對於尖沙咀餐廳「泰潮」有何 comment？

泰潮餐廳詳細資料：

• 泰潮地址:
  尖沙咀山林道4號恆貿商業中心地下2-3號舖
  Nittaya Restaurant, Shop2-3, G/ F, Hermescommercial Centre,4 Hillwood Road, Tsim Sha Tsui
• 泰潮電話:  
• 泰潮價錢: $51-100
• 分類: 泰國菜
• 座位: 未知
• 付款: 現金
• FB專頁: 泰潮 Facebook

更多泰潮相關資料:

• 泰潮分店
• Youtube
• Facebook
• Twitter
• Google