嘉麟樓 尖沙咀

嘉麟樓 評價 相片

母親大人生日我哋就搵咗呢一間傳奇既嘉麟樓同佢慶祝帶佢去食米芝蓮一星果然係好滿足嘅一餐入面裝修古色古香樓底高感覺高貴店員極有禮令人有賓至如歸嘅感覺我知道米芝蓮評分嘅標準係有服務嘅成份係入面佢哋真係做到有餘坐低首先會食到嘉麟樓好出名嘅蜜糖琥珀合桃我以前細個曾經嚟食過一次從此以後就愛上左食琥珀合桃今日再嚟食依然覺得嘉麟樓嘅蜜糖琥珀合桃最好食好快就比我清哂 哈哈哈我哋諗咗好耐之後都係決定叫套餐唔使煩首先嚟嘅係點心拼盤評分：8.5/10入面分別有筍尖鮮蝦餃蝦餃非常之爽口鮮甜餃皮薄而平均食到一粒粒嘅筍蝦，荀同埋餃皮所有嘢好平衡名不虛傳碧綠韭菜餃韭菜餃一咬落去陣韭菜味湧出來餃皮亦都係非常之薄連我唔鍾意食韭菜嘅人都覺得好香匈牙利鬈毛豬叉燒酥呢個叉燒酥非常之好食叉燒酥外脆內軟！可以見到一層層嘅酥皮好鬆脆而且口感豐富唔會好似出面一般茶樓嘅叉燒酥咁硬，死實實呢度係非常之香口及脆口出色春卷春卷反而就失色咗少少少少凍咗之餘味道同材料都係普通唔明點解會擺咗喺點心拼盤入面之後嚟嘅係花膠竹笙灌湯餃 評分：10/10呢個灌湯餃係我食過最好食嘅餃皮極薄！唔需要花力去咬灌湯餃入面係有肉粒，瑤柱足料最好食係個湯極香金華火腿同埋瑤柱嘅味道真係啖啖精華！！嗰種鹹香一定係用好多材料先可以煲到出嚟至於花膠都好厚肉呢個真係我食過最好食嘅灌湯餃嚟緊嘅係招牌金箔果木煙燻匈牙利鬈毛豬叉燒我冇記錯係三百幾蚊評分：10/10果然係好出色既叉燒入口鬆化！！！肉味濃而且甜而且外面蜜糖係真係蜜糖味而唔係出面普通既甜味味道層次豐富！如果可以送飯真係一流比起翠亨邨有過之而無不及！我哋見每枱都叫所以我哋又叫一客真係值得下一道菜係小米雞汁蝦球評分：9/10隻蝦非常之大隻而且極度爽口！食得出走過油好香呢一種香味係屋企真係食唔到亦好難做到而配雞汁小米令到個蝦更加突出唔會喧賓奪主叻下一道菜係鮮魚湯杞子浸時蔬評分：10/10呢個小白菜真係不得了好好好好食！個湯好香好甜！食到極香奶味同魚味菜冇澀味個湯真係令到個菜升華咗極好食！完全唔係出面一般嘅上湯浸時蔬最尾呢一道菜係雲腿小白菜燴珍珠米評分：6/10呢道菜就相對差了雖然佢係燴珍珠米但係唔夠入味味道好淡而且入面嘅紅蘿蔔同埋青豆無乜作用 亦都同餐牌個名唔夾係好普通嘅一個飯唯一可取係佢味道清淡最後一道菜應該好飽就唔會好漏咁囉最後係馳名嘅香芒凍布甸評分：9/10可能我對呢一個布甸期望太大我又覺得未至於好好食係好食嘅 因為佢好足料好多芒果肉係入面但我覺得旁邊嘅白色粒粒有啲畫蛇添足個碗係凍既 有誠意但我覺得只係比坊間嘅香芒布甸多啲芒果肉並唔係好特別最後餐廳送咗壽包俾我生日嘅媽媽打電話訂位嘅時候講低就有賣相好靚而且入面蓮蓉好香好滑！！！再加埋鹹蛋黃真係好食過俾錢嘅蓮蓉包就算係送嘅蓮蓉包都非常之有誠意！多謝晒整體來講環境一流好坐，高級典雅，古色古香服務極好侍應哥哥每位都好有禮貌令到我哋每位都有賓至如歸嘅感覺服務真係令到食客好舒服係好緊要既因為黎呢度慶祝生日都係想有個美好嘅回憶食物對得住米芝蓮級數食得出食材係有誠意每道菜都足料，味道好！唔係一般中菜館做到嘅級數值得！所有配套都好完善我一定會再嚟

特別推薦大家✅果木煙燻匈牙利鬈毛豬叉燒 Smoked barbecued Hungarian mangalica pork with honey✅茶皇煙燻脆皮雞 Crispy chicken smoked with tea leaves✅香芋和牛面頰 Deepfried mashed taro with Australia Wagyu beef cheek✅花雕蛋白蒸蟹鉗 Steamed crab claw with egg white and Chinese yellow rice wine✅馳名香芒凍布甸 Chilled mango pudding《果木煙燻匈牙利鬈毛豬叉燒》🐽叉燒好厚肉，食落軟淋，但又未去到入口即溶，會有d𡁻口👄，叉燒外皮食落去有淡淡嘅煙燻炭燒味，好焦香，yummm😆💰$398《茶皇煙燻脆皮雞》呢款雞🐥就好似大家平時食開嘅炸子雞咁，但會加上一陣茶香煙燻味🫖，有少少鹹香但又冇蓋過雞本身嘅味道，完全唔使點豉油，原汁原味最好食😋脆皮雞皮炸到好脆，好似薯片咁，食落sok sok聲🗣，雞肉就好滑就算雞胸位都好好食‼️💰$300(半隻)《香芋和牛面頰》呢度菜就好似大家平時食開嘅炸芋角咁🔥，唯一唔同嘅係中間就釀上咗好軟淋嘅牛面頰肉🐮👶🏻出面最外層嘅炸衣炸得好酥脆，入面果層d芋溶好粉、好香芋頭味🤤，而最內層嘅牛頰肉淋到入口即溶，三者加埋一齊食好夾、好出色🥰💰$480《花雕蛋白蒸蟹鉗》呢樣菜式用上新鮮嘅蟹鉗🦀，底下就有花雕酒味嘅蛋白做襯托🥚，蟹鉗食落好鮮味、肉質爽彈、香濃、一絲絲咁，而底下嘅蛋白蒸得好嫩滑，加上小小嘅花雕酒味做點綴，令成個蛋白更有層次💁🏻‍♂️💰$300《馳名香芒凍布甸》🍮布甸d芒果用料高質，d芒果好甜🥭，就算同埋甜滑嘅布甸一齊食，都冇蓋過佢嘅鮮甜，有好濃嘅芒果味😍，而布甸就做得好幼滑，完全冇鞋口嘅感覺💁🏻‍♀️💰$85*一開始嘅小食合桃好香脆❗️**最後送上用中式籃裝住嘅甜品，有笑口棗➕椰汁桂花糕，兩樣都好好食😆

這間十分出名的中菜不容易預約。

星期六的午餐，差不多滿座。

我坐樓上，環境比樓下靜。

開茶後，有一碟合桃，非常好食！點了3款點心及3款小菜，點心整體不錯，不過作為米芝蓮一星，有很多進步空間。

小菜有鵝肝金錢雞，這個菜色很特別，其他中菜很少有，十分出色，味道很好，值得一試！另外有蝦球，這個也很不錯，蝦球很大隻，很爽口，配菜亦很夾，有少少辣，一向不太吃辣的我也能吃，但味道非常好！最後一個小菜，花膠雞煲，雞明顯是雪藏的，完全沒有味道，一點也不滑，花膠亦很少，感覺就像熟的雞跟湯混在一起，這個菜有點失望！服務態度不錯，整體尚算可以，5星酒店的餐廳來說，價錢也不是太貴。

奶皇月餅市埸爭霸戰劇烈。

酒店，酒樓，餐廳這些年都相繼推出迷你奶皇月餅，而知名度之高，一定以半島嘉麟樓稱霸。

價錢偏高，仍其門如市，今年推出的一盒八件月餅以心心造型吸睛翻熱教學 ~食後感一定要用微波爐或焗爐翻熱食，否則大大失色。

若不番熱食，口感又乾又硬， 暴殮天物。

番熱後，月餅味道口感立即回魂 ,外皮酥脆, 奶黃味香濃。

老實講，多年来也曾賞試過不同出品的奶皇月餅，感覺也差不多，也沒有太大的分別，當年嘉麟樓初推出時，品嘗過後確係驚為天人，但其後太多中價的奶皇月餅推出，口感味道也不差，但價錢便宜很多。

當然打著半島酒店名氣來送禮，確係夠哂體面

今日同長輩在米芝蓮一星嘅嘉麟樓午餐，確實係一個愉快嘅體驗。

一踏入嘉麟樓已經俾佢嘅中秋節日佈置吸睛，精美嘅月餅及可愛嘅傳統兔仔燈籠迷你版。

虎掌菌石榴餃賣點係虎掌菌，帶子甜味及新鮮青菜苗味道搶分，雖然食到菌肉，但唔多知道虎掌菌係咩味道，整體像菜苗餃，但賣相確實好靚 😍叉燒包裏面嘅叉燒肥瘦適中，醬汁味道不太甜，食完冇肥膩感覺。

蝦餃皮薄餡料豐富，蝦肉大隻，挑剔嘅就係筍絲太少蝦肉多，呢個純屬個人喜好。

蘿蔔絲酥雖然係煎炸食物，但沒有多餘油份，日本蘿蔔絲清甜，入口立即溶化。

蛋煎糯米雞面層糯米煎得脆口，同蘿蔔絲酥一樣不油膩，餡料好似多咗少少，肉絲偏瘦但有汁醬補救 ok 。

茶燻雞出色👍🏼👍🏼👍🏼👍🏼 好味道😋雞肉嫩滑，雞皮薄及香脆，入口有茶香味道，全枱人讚不絕口 👏🏼👏🏼👏🏼👏🏼👏🏼👏🏼香醋豬腳薑豬腳炆得入味，入口骨與肉立即分開，食完嘴邊黏黏，充滿骨膠原感覺，薑嫰口冇渣，只係雞蛋未煲得夠，要配合甜醋一齊食 😋千層棗王糕手工精品，香濃紅棗味，唔過甜 perfect .粟蓉西米布甸甜度恰到好處，栗子蓉香滑。

食完咁多點心，一個人絕對食唔晒，一定要開心 share ✌🏼桃膠椰汁糕沒有用上椰奶只係得椰汁，每口都感覺清甜涼快，面有桃膠碎少少甜，好啱女士食 😋杏仁茶絕對唔係即沖即食貨色，香甜味加上杏仁少少苦澀味道，雖然唔係我杯茶，但味道ok 嘅 👌🏼楊枝甘露以甜度計算，呢個甜品係最甜。

但咬開柚子肉，可中和咗芒果嘅甜度，罪惡馬上冇哂，可以繼續大啖食 🙈飯後所有人都好開心及滿足。

整體環境舒服，雖然有少少暗，可能呢D就係情調喇。

個人來說係絕對可以回頭食飯嘅地方 👍🏼👍🏼

嘉麟樓餐單提供粵菜, 廣東, 海鮮, 點心, 中菜館, 酒樓, 酒店餐廳, 少鹽少糖食店等推介美食位於尖沙咀區，餐廳座位數246人均消費約$401-800，結賬可以用Visa,Master,現金,AE,銀聯，Booking訂位可以電話致電 26966760 查詢。

您對於尖沙咀餐廳「嘉麟樓」有何 comment？

嘉麟樓餐廳詳細資料：

• 嘉麟樓地址:
  尖沙咀梳士巴利道22號香港半島酒店1樓
  Spring Moon, 1/ F, The Peninsula Hong Kong,22 Salisbury Road, Tsim Sha Tsui
• 嘉麟樓電話: 26966760
• 嘉麟樓價錢: $401-800
• 分類: 粵菜, 廣東, 海鮮, 點心, 中菜館, 酒樓, 酒店餐廳, 少鹽少糖食店
• 座位: 246
• 付款: Visa,Master,現金,AE,銀聯
• FB專頁: 嘉麟樓 Facebook

更多嘉麟樓相關資料:

• 嘉麟樓分店
• Youtube
• Facebook
• Twitter
• Google