印度今日 尖沙咀
最後更新:
印度今日推介
未至於係團購中伏，查實部份食物的確唔錯，仲好有質素，但係食後依然有啲貨不對辦嘅感覺。印度今日長期做唔同形式團購，今勻標題：「平均 $70/位〈印度今日〉自助午餐 (2位原價 $304)」，都知依家晌團購所講嘅原價未必係真正嘅原價，最見得多係明明間餐廳都有做開百零蚊個晚餐，跟手出個團購話只需九十多，原價二百幾，嗰二百幾就係將個晚餐折散，逐道菜以單價計番出個原價價值，問你服未！講多少少嗰次個團購，除標題外，內文仲詳細寫住二人享用「北印度自助午餐」（原價 $304 / 2 人），享樂價就$140 / 2 人，平均每位 $70，享用時段：星期五至日（12nn – 2pm，公眾假期照常），食物包括印式香烤雞、咖喱羊肉、香炸雜錦時蔬、印度咖喱角、印度薄餅、秘制三色沙律、素食春卷、咖喱雞、咖喱鮮魚、印度炒麵、印度炒飯、甜品、雪糕及餐湯等十多款北印度皇室美饌，每位奉送餐飲 1 杯，可選︰紅酒 / 白酒 / 啤酒 / 汽水 / 咖啡。更話「餐廳開業23年，菜式適合港人胃口，同樣深受在港印度鄉里歡迎。菜單源於印度皇室，材料配搭及烹飪手法都是精益求精、別具心思，菜式尤其注重香味，有別於一般只有辣味的南印度菜，印度大廚特別擅長香料處理，能夠將不同的香料組合，將香料與食物的拼配發揮得淋漓盡致，地道豐收的食材，加上獨特的香料，配合巧妙精湛的烹調方法，炮製出來的菜式不單止味道濃郁、層次豐富，每道菜式均蘊含當地的飲食智慧，總令人回味無窮！座位寬敞舒適，印度風情佈置，大伙兒聚餐，或情侶享受異國風情亦可，餐廳通風良好，絕對不怕香料味道薰染到衣物、頭髮上。」食完之後，心裡哼咗一個字：「頂！」，實際就係一味誇大，所以先有貨不對辦嘅感覺！講吓點誇大啦，揀咗個唔使返工嘅星期六去食，當日最後所見，因有七乘滿嘅客，座位及空間顯然有啲逼狹，我同老婆坐晌窗口位，經常同背後嗰客凳撞凳，真係講唔到點座位寬敞舒適。而說到餐廳通風良好，唔知23年歷史嘅「印度今日」有無裝修過，環境殘舊得緊要，最弊係空調好唔足。你話好異國風情，除咗枱上個銀花樽仔同一室咖喱味，小弟又真係唔係好覺囉！啲餐具就咁放晌枱面，但唔覺佢張枱布係乾淨喎。而最誇應係以「自助午餐」自居，確實係自助形式，隨意任食，但食物區只係餐廳嘅一小角，一眼睇晒，款式少得可憐，亦無轉過款，無素食春卷、無咖喱鮮魚、無印度炒麵、連雪糕一樣無，所謂甜品亦只有一樣連名都唔知，又食唔出係咩嘅嘢。當問及餐廳負責人，雖態度友善，但確切回覆無雪糕，亦唔包餐飲，因為當時無記低包唔包餐飲，所以無為此爭論。正如上面都講過，嘢食係唔差，但點都係唔多對路。呻完一輪，都係時候講番啲嘢食先！餐湯旁邊個名牌寫住菜湯，但就唔知咩菜湯，唯一可知就係湯色深橙，唔講以為南瓜湯，但又唔係喎，總之飲唔出主要係咩菜味啦，謎一樣嘅菜湯！秘制三色沙律事前以為係一款沙律嚟，以三種不同色系嘅材料做成，但感覺又唔似，因為見佢擺出三大碟沙律出嚟，都搞唔清佢想講係三色定三式。不過咁，三款沙律都好好食喎，搞到我晌唔太多嘢食選擇之下，臨尾都再整多碟嚟食吓。因為三款沙律都無名牌，唯有以材料及味道幫佢哋命名啦。第一款：酸雜菜沙律，有青瓜、甘筍、洋蔥、蕃茄粒粒，以橄欖油、醋調味，簡單得嚟口味清新。第二款：酸奶油椰菜沙律，椰菜切細塊，以一啲酸奶油汁撈均，食落又幾好味喎。第三款：咖喱薯仔沙律，特別在於咖喱帶有香料味，比一般酒店常見嘅咖喱薯仔沙律唔同。印式烤雞Tandoor Chicken兩口子都公認係全場最好食嘅食物，始終天多尼烤雞一向都係一間印度餐廳嘅手本嘢，晌依度都唔例外，雞件無話燒到「乾爭爭」，香料味夠香夠濃，又夠入味，真係無得彈，所以臨尾再食多轉沙律時，都要搭多兩件烤雞。香炸雜錦時蔬Mix Veg Pakora無乜特別，只係一啲香口嘢，有炸青椒、炸蕃薯片，而炸漿又極之厚身，食一兩件當試過就算。咖喱眉豆、咖喱雜菜Mix Veg Tafrezi蔬菜類仲見有兩盆，分別係咖喱眉豆、咖喱雜菜，睇樣認真麻麻，食都係一樣，個咖喱雜菜就好啲，不過都係嫌佢哋個汁水汪汪。咖喱雞Chicken Curry另一個好唔錯嘅美食，咖喱汁底伴有雞蛋件、蕃茄，咖喱唔係得個死辣，又係帶有多層香料味道，雖則雞件唔係好嫩滑，但個咖喱汁可以彌補佢嘅缺點。咖喱羊肉Keema Mutter依個同咖喱雞嘅咖喱有啲唔同，味道偏重，咖喱及香料味都比較濃，而羊肉心想會係一塊塊，原來唔係，碎濕濕咁樣，同肉醬或免治牛差唔多，齋食無咁好，所以用嚟夾住印度薄餅食就最夾喇。菠菜豆腐粒Paiak Paneer有驚喜喎，菠菜打到爛，又未爛得晒，似菠菜蓉但仲食到一絲絲質感，內裡又撈咗啲豆腐粒同青豆，口感幾過癮，味道又比較清，同樣淨食唔係咁好，搵印度薄餅伴住嚟食就一流喇。印度炒飯Indian Bashati Rice Dullao飯粒比較幼身偏長，此外，其實個炒飯仲無咩特別，都係加咗啲蛋嚟炒，不過，搭住唔同咖喱菜式一齊食，無咗佢又令人若有所失咁囉。印度咖喱角Samosa有啲餐廳譯佢為印度三角炸餃。包得大大件，漲卜卜，外皮唔似我哋港式嘅咖喱角咁薄身，佢會比較厚，不過咬落幾鬆化。內餡有青豆、薯仔蓉，填到滿一滿，都咪講笑，食落幾飽肚架！印度薄餅Naan一直都唔見有印度薄餅，都感到有啲出奇，食到中段，去完晒啲咖喱角，先至換咗薄餅，原因都係無位擺嘢食。薄餅薄身有油香，軟軟熟，烤得少少燶有啲焦碳香，最愛搭咖喱、咖喱羊肉、菠菜蓉嚟食。其他沙律傍有兩兜醬，一綠一紅，綠者係帶有薄荷味嘅醬汁，紅者就酸酸辣辣，因為無寫明係乜，都係估估吓，相信應該係用嚟蘸咖喱角、春卷、薄餅嘅。甜品一盆啡啡黃黃嘅糕，上面鋪有少少果仁碎，名牌無寫係咩，只係寫住甜品。質感軟糯糯，食唔出係乜，可能係啲豆蓉，一味得個甜字。其實以$70食咗好幾款甚有質素嘅咖喱菜式嚟講，都算抵嘅，不過若以原價，加上依度嘅環境同服務，翻兜嘅可能性微乎其微喇！
尖沙咀印度今日
| 餐廳分店 | 印度今日 |
|---|---|
| 地區 | 尖沙咀 |
| 電話訂位 | 沒有電話號提供 |
| 餐單 Menu | 印度菜,咖喱,酒吧, |
| 人氣指數 | 467 |
| 價錢幾錢 | $101-200 |
印度今日訂位
印度今日位於尖沙咀區，詳細地址是尖沙咀麼地道36-38號麗東大廈3樓，餐廳寬敞座位數目共有70個。印度今日幾錢？價錢優惠後人均消費大約$101-200埋單，早餐午餐晚餐印度今日餐單包括有印度菜,咖喱,酒吧等美食，付款方式有Visa,Master,現金付款。印度今日優惠
印度今日 評價 相片
未至於係團購中伏，查實部份食物的確唔錯，仲好有質素，但係食後依然有啲貨不對辦嘅感覺。
印度今日長期做唔同形式團購，今勻標題：「平均 $70/位〈印度今日〉自助午餐 (2位原價 $304)」，都知依家晌團購所講嘅原價未必係真正嘅原價，最見得多係明明間餐廳都有做開百零蚊個晚餐，跟手出個團購話只需九十多，原價二百幾，嗰二百幾就係將個晚餐折散，逐道菜以單價計番出個原價價值，問你服未！講多少少嗰次個團購，除標題外，內文仲詳細寫住二人享用「北印度自助午餐」（原價 $304 / 2 人），享樂價就$140 / 2 人，平均每位 $70，享用時段：星期五至日（12nn – 2pm，公眾假期照常），食物包括印式香烤雞、咖喱羊肉、香炸雜錦時蔬、印度咖喱角、印度薄餅、秘制三色沙律、素食春卷、咖喱雞、咖喱鮮魚、印度炒麵、印度炒飯、甜品、雪糕及餐湯等十多款北印度皇室美饌，每位奉送餐飲 1 杯，可選︰紅酒 / 白酒 / 啤酒 / 汽水 / 咖啡。
更話「餐廳開業23年，菜式適合港人胃口，同樣深受在港印度鄉里歡迎。
菜單源於印度皇室，材料配搭及烹飪手法都是精益求精、別具心思，菜式尤其注重香味，有別於一般只有辣味的南印度菜，印度大廚特別擅長香料處理，能夠將不同的香料組合，將香料與食物的拼配發揮得淋漓盡致，地道豐收的食材，加上獨特的香料，配合巧妙精湛的烹調方法，炮製出來的菜式不單止味道濃郁、層次豐富，每道菜式均蘊含當地的飲食智慧，總令人回味無窮！座位寬敞舒適，印度風情佈置，大伙兒聚餐，或情侶享受異國風情亦可，餐廳通風良好，絕對不怕香料味道薰染到衣物、頭髮上。
」食完之後，心裡哼咗一個字：「頂！」，實際就係一味誇大，所以先有貨不對辦嘅感覺！講吓點誇大啦，揀咗個唔使返工嘅星期六去食，當日最後所見，因有七乘滿嘅客，座位及空間顯然有啲逼狹，我同老婆坐晌窗口位，經常同背後嗰客凳撞凳，真係講唔到點座位寬敞舒適。
而說到餐廳通風良好，唔知23年歷史嘅「印度今日」有無裝修過，環境殘舊得緊要，最弊係空調好唔足。
你話好異國風情，除咗枱上個銀花樽仔同一室咖喱味，小弟又真係唔係好覺囉！啲餐具就咁放晌枱面，但唔覺佢張枱布係乾淨喎。
而最誇應係以「自助午餐」自居，確實係自助形式，隨意任食，但食物區只係餐廳嘅一小角，一眼睇晒，款式少得可憐，亦無轉過款，無素食春卷、無咖喱鮮魚、無印度炒麵、連雪糕一樣無，所謂甜品亦只有一樣連名都唔知，又食唔出係咩嘅嘢。
當問及餐廳負責人，雖態度友善，但確切回覆無雪糕，亦唔包餐飲，因為當時無記低包唔包餐飲，所以無為此爭論。
正如上面都講過，嘢食係唔差，但點都係唔多對路。
呻完一輪，都係時候講番啲嘢食先！餐湯旁邊個名牌寫住菜湯，但就唔知咩菜湯，唯一可知就係湯色深橙，唔講以為南瓜湯，但又唔係喎，總之飲唔出主要係咩菜味啦，謎一樣嘅菜湯！秘制三色沙律事前以為係一款沙律嚟，以三種不同色系嘅材料做成，但感覺又唔似，因為見佢擺出三大碟沙律出嚟，都搞唔清佢想講係三色定三式。
不過咁，三款沙律都好好食喎，搞到我晌唔太多嘢食選擇之下，臨尾都再整多碟嚟食吓。
因為三款沙律都無名牌，唯有以材料及味道幫佢哋命名啦。
第一款：酸雜菜沙律，有青瓜、甘筍、洋蔥、蕃茄粒粒，以橄欖油、醋調味，簡單得嚟口味清新。
第二款：酸奶油椰菜沙律，椰菜切細塊，以一啲酸奶油汁撈均，食落又幾好味喎。
第三款：咖喱薯仔沙律，特別在於咖喱帶有香料味，比一般酒店常見嘅咖喱薯仔沙律唔同。
印式烤雞Tandoor Chicken兩口子都公認係全場最好食嘅食物，始終天多尼烤雞一向都係一間印度餐廳嘅手本嘢，晌依度都唔例外，雞件無話燒到「乾爭爭」，香料味夠香夠濃，又夠入味，真係無得彈，所以臨尾再食多轉沙律時，都要搭多兩件烤雞。
香炸雜錦時蔬Mix Veg Pakora無乜特別，只係一啲香口嘢，有炸青椒、炸蕃薯片，而炸漿又極之厚身，食一兩件當試過就算。
咖喱眉豆、咖喱雜菜Mix Veg Tafrezi蔬菜類仲見有兩盆，分別係咖喱眉豆、咖喱雜菜，睇樣認真麻麻，食都係一樣，個咖喱雜菜就好啲，不過都係嫌佢哋個汁水汪汪。
咖喱雞Chicken Curry另一個好唔錯嘅美食，咖喱汁底伴有雞蛋件、蕃茄，咖喱唔係得個死辣，又係帶有多層香料味道，雖則雞件唔係好嫩滑，但個咖喱汁可以彌補佢嘅缺點。
咖喱羊肉Keema Mutter依個同咖喱雞嘅咖喱有啲唔同，味道偏重，咖喱及香料味都比較濃，而羊肉心想會係一塊塊，原來唔係，碎濕濕咁樣，同肉醬或免治牛差唔多，齋食無咁好，所以用嚟夾住印度薄餅食就最夾喇。
菠菜豆腐粒Paiak Paneer有驚喜喎，菠菜打到爛，又未爛得晒，似菠菜蓉但仲食到一絲絲質感，內裡又撈咗啲豆腐粒同青豆，口感幾過癮，味道又比較清，同樣淨食唔係咁好，搵印度薄餅伴住嚟食就一流喇。
印度炒飯Indian Bashati Rice Dullao飯粒比較幼身偏長，此外，其實個炒飯仲無咩特別，都係加咗啲蛋嚟炒，不過，搭住唔同咖喱菜式一齊食，無咗佢又令人若有所失咁囉。
印度咖喱角Samosa有啲餐廳譯佢為印度三角炸餃。
包得大大件，漲卜卜，外皮唔似我哋港式嘅咖喱角咁薄身，佢會比較厚，不過咬落幾鬆化。
內餡有青豆、薯仔蓉，填到滿一滿，都咪講笑，食落幾飽肚架！印度薄餅Naan一直都唔見有印度薄餅，都感到有啲出奇，食到中段，去完晒啲咖喱角，先至換咗薄餅，原因都係無位擺嘢食。
薄餅薄身有油香，軟軟熟，烤得少少燶有啲焦碳香，最愛搭咖喱、咖喱羊肉、菠菜蓉嚟食。
其他沙律傍有兩兜醬，一綠一紅，綠者係帶有薄荷味嘅醬汁，紅者就酸酸辣辣，因為無寫明係乜，都係估估吓，相信應該係用嚟蘸咖喱角、春卷、薄餅嘅。
甜品一盆啡啡黃黃嘅糕，上面鋪有少少果仁碎，名牌無寫係咩，只係寫住甜品。
質感軟糯糯，食唔出係乜，可能係啲豆蓉，一味得個甜字。
其實以$70食咗好幾款甚有質素嘅咖喱菜式嚟講，都算抵嘅，不過若以原價，加上依度嘅環境同服務，翻兜嘅可能性微乎其微喇！
一直都未食過印度菜,so響團購度見價錢ok就買左黎試下(･ิω･)本身話係自助餐形式,但果日餐廳話冇做,只做無限任點任食,唔夠再添全部的款式,烤餅(好香,唔會好膩),咖哩魚(唔辣,味道唔太濃,不錯),咖哩雞(雞肉唔會淋,唔辣,咖哩味淡淡地,OK),香料炒菜(味道清淡唔會咸,香料味很香)鐵板雞(夠入味,大大舊,但比較乾身),小食拼盤的素春卷好香脆,炸雞粒點醬都OK,炒飯(硬度適中,最鍾意係印度香料D味道,唔錯)㊣呢三款醬係用黎點野食既,有青咖哩醬(有香料味,唔辣既),梅子醬(酸酸地),同埋辣醬,(真係好辣!我食少少都不行) (´=ิ益=ิ｀)比較辣,飲唔到...本人唔多食得辣(́✸◞♉◟✸‵)之後有二杯燈汁乳酸野飲,甜甜地,味道都唔錯,但飲左重飽D☺整體上味道唔錯,可能我冇食過印度野,所以要求唔高
嚴格來說不是第一次吃這裡的午市自助餐... 嗯，這件事容後再說。
INDIA TODAY店內的裝修已經完成，現在已經沒有滿店塵埃亂飛的情況。
儘管樓下的易拉架廣告沒有說明這家店有午市自助餐，但事實上的確有類似的東西，約六十八元一位，連加一要七十五元。
前題是你不能對自助餐一詞太認真，因為印度餐館的自助餐未必是你在酒店吃的那一種形式，而且可以點選的菜式很有限，如果你只想坐下吃印度菜而不想點菜，或者想吃個印度式SET LUNCH，來這裡吃"午市自助餐"就對極了。
現在INDIA TODAY所謂的午市自助餐，某程度上即是對餐牌點菜的任叫任食，不過又有一點點不同。
首先，這個任叫任食有一大堆很典型的印度菜做預設值，就我們當日吃到的，基本上是薄脆、餐湯、芒果酸奶、素菜SAMOSA、炸蔬菜、清沙律、印式烤雞、咖喱羊、咖喱雞、咖喱蔬菜、兩款印式薄餅和白飯。
吃完這些，我們就可以再點自己喜歡吃的東西。
然而因為吃完這些之後，人都飽了，所以我們再叫了一次印式烤雞之後就沒有再點其他了。
到底是否真的只要在餐牌上的菜都可以再點？我有點懷疑。
可以肯定的是芒果酸奶不可以免費再點，儘管店家不知道基於哪個原因，免費多給我們一杯了(大概是我們翻點的菜太少了，我想)。
其實INDIA TODAY的菜色不算差，至少我們吃得出咖喱羊(濃味)、咖喱雞(適中)和咖喱蔬菜(香甜)的味道是不同的，薄餅也很有質素，即叫即做。
這裡的咖喱應該屬北印度咖哩，香料的味道很容易吃出來，但是相比起香港人愛吃的椰奶咖喱，這裡的咖喱口感很薄，但至少不會覺得很膩。
此外我萬二分推薦印式烤雞，它基本上是無骨的，香口嫩滑，有點炭烤的味道。
這一餐吃到中後段，我們發現原本半場滿的港人食客已經變成大半場滿的印度食客，我不會懷疑這裡做出來的東西正不正宗。
至於以七十五元一位的價格吃這些食物到底值不值，看你以甚麼角度去看。
如果你去INDIA TODAY只會點芒果酸奶、薄餅、咖喱羊和印式烤雞，要吃回七十五元的價值並不難。
一盤薄餅最少都要十幾二十元，其他兩碟MAIN DISH起碼值五六十元吧？ 也不能說是平反。
只是覺得像INDIA TODAY這樣的店，因為團購而蒙上污名真的太可惜了。
說實在，我雖然對團購那時的服務很不滿，不過我認同它的食物質素。
今日再到尖沙咀麗東大厦，這次是試試三樓的印度今日餐廳。
我們是第一枱客，侍應跟我們說今天因事沒有自助餐，但他會將所有自助餐食物奉上，一點都不會少。
我們見人客少又沒有開空調，心已涼了一截，但見侍應端上一碟碟熱烘烘的印度美食，又被哄了，試菜的衝動再度燃起......菜式有印式香烤雞、炸雜錦時蔬、印度咖喱角、印度薄餅、素食春卷、咖喱雞、咖喱鮮魚、甜品 及 餐湯甜品在我要求下送上，是印度甜品，看似柑桔，其實是用麵粉搓成的，有點像浸在糖漿裡的沙糖桔，搜尋後才知它叫 "Gulab Jamun" ，是水牛牛奶加上麵粉做成的飲品 upgrage 為印度芒果乳酪 ( Lassi )，味道與芒果奶昔相近，算是一種體驗吧！團購網頁說北印度)菜式尤其注重香味，有別於一般只有辣味的南印度菜印度大廚特別擅長香料處理， 昨日一試，不外如是，每款咖喱菜式雖有不同的製法和味道，但款款都是咖喱，舌頭都麻木了印象最深的反而是乾咖喱雜菜，香料的味道特別香濃！薄餅大油膩，我較喜歡素咖喱角裡的咖喱薯茸和脆薄塊的鹹香感覺; 總體上我對這餐廳的感覺並不差 ，不過我卻較喜歡同一大廈的 Surya Restaurant ， 那裡的薄餅一流，環境亦較佳
我於yahoo團購以$68（加10%）買了India today的2.5小時任食自助餐，但他們並沒有按網上餐牌列出的食物供我們任叫任食，也沒有問我們要點甚麼，只是將網上餐牌的其中11種食物自行拿給我們（有些是我們不想吃的），表示我們吃完後，如歡喜某種食物，可以再叫，但只限那11種。
因我們都記不起網上餐牌所列的食物，故無法爭取。
後來核對，網上餐牌共提供18款食物任叫任食，他們的做法不太誠實！我們於12:00至14:30用餐，整段時間連我們在內只有三枱食客共約12人，全部都是用團購的。
午市繁忙時間亦沒有其他顧客。
食物味道方面一般，沒有甚麼特式，很重的香料味，無論魚、肉、雜菜都是滿佈咖哩醬，味道差不多。
而且似乎下了不少味精，因餐後長時間勁口乾。
最好味的是飲品「印度芒果酸奶昔」，但只限飲一杯。
您對於尖沙咀餐廳「印度今日」有何comment？
印度今日餐廳詳細資料：
- 印度今日地址: 尖沙咀麼地道36-38號麗東大廈3樓 India today Conceptualised Indian Cuisine & Bar, 3/ F, Lyton Building,36-38 Mody Road, Tsim Sha Tsui
- 印度今日電話:
- 印度今日價錢: $101-200
- 分類: 印度菜,咖喱,酒吧,
- 座位: 70
- 付款: Visa,Master,現金
- FB專頁: 印度今日 Facebook
更多印度今日相關資料:
香港餐廳2023推介04月
為減低冠狀病毒病在悅翠小廚內有任何傳播的風險，悅翠小廚在餐廳內會盡力保持高水平的清潔及衞生標準。餐廳悅翠小廚除了遵守預防及控制疾病的相關規例，悅翠小廚同時建議採取以下措施*悅翠小廚 黃, 悅翠小廚 藍, (悅翠小廚 黃藍 等意思黃店或藍店簡稱
常見問題 FAQ:
印度今日在餐廳內應如何確保環境衞生？
- 食物業經營者應加強對食物業處所包括廚房、食物房、洗滌間、廁所（包括水龍頭與廁所把手）和食肆座位間的清潔，定時及在有需要時應用1：99（即把1份漂白水與99 份水混和）的稀釋家用漂白水消毒，以經常保持清潔和適當維護。
- 在處理被呼吸道分泌物、嘔吐物或排泄物污染的地方，應使用 1：49（即把 1 份漂白水與 49 份水混和）的稀釋家用漂白水。
- 經常清潔消毒食物接觸面及設備，例如餐具。
- 經常清潔消毒員工或顧客的頻密接觸點，例如門柄、桌面、餐盤。
- 確保用作送遞食物的工具不可用於收集餐桌上已使用的餐具及食物殘渣，可考慮以不同顏色或標示來識別工具的不同用途。所有工具都要保持清潔和定時消毒。
餐廳廚房內印度今日應如何確保食物衞生？
- 採用「食物安全五要點」，以正確處理食物：
- 精明選擇：選擇安全的原材料
- 保持清潔：保持雙手及用具清潔
- 生熟分開：分開生熟食物
- 煮熟食物：徹底煮熟食物
- 安全溫度：把食物存放於安全溫度
- 有需要時，提供公筷公羹。
- 避免公開展示沒有包裝的即食食物（例如烘焙食品）。
- 如使用即棄手套處理即食食物，要注意手套不能代替清洗雙手，並要正確使用。手套如有損壞、弄污或食物處理人員因暫停工作而把手套除下，便應把手套丟掉；要經常更換手套，更換時和除手套後都要清洗雙手。
對於工的個人衞生餐廳印度今日建議是什麼？
- 工作人員須謹記：定期檢查體溫
- 工作期間，戴上口罩
- 咳嗽或打噴嚏時，要用紙巾掩蓋口鼻，並立即將已弄髒的紙巾丟入垃圾桶。然後，以梘液和清水清潔雙手
- 保持良好的個人衞生習慣（例如在處理食物前後、進行清潔之後、處理廚餘或垃圾後以及上廁所後要洗手）
- 如患有或懷疑受到傳染病感染或出現病徵，例如感冒、腹瀉、嘔吐、黃疸病、發燒、咽喉痛和腹痛，應停止處理食物。如出現呼吸道感染病徵時，應戴上外科口罩及盡早求醫
- 洗手時應以梘液和清水清潔雙手，搓手最少 20 秒，用水過清並用抹手紙弄乾。雙手洗乾淨後，不要再直接觸摸水龍頭 （例如先用抹手紙包裹著水龍頭，才把水龍頭關上）
印度今日餐廳內大家應如何減少社交接觸？
- 為採取以下措施保持員工之間、員工與顧客之間以及顧 客之間的社交距離：
- 為顧客提供外賣選擇
- 避免搭枱或改動座位安排以減少直接面對面接觸
- 在食肆張貼告示或作廣播、或於地面加上標記、提醒顧客在排隊或等候期間保持距離
- 在服務櫃枱加設屏障，減少顧客與員工直接面對面接觸
- 鼓勵顧客使用非觸式的付款方法（例如：信用卡、手機應用程式等）
- 安排員工分批工作、休息及用膳