The Stonegrill 尖沙咀

The Stonegrill 評價 相片

自從係澳洲番左黎香港之後,已經好耐冇食過石頭鐵板LU~仲記得之前約埋一班朋友仔去食石頭豬扒,侍應放低冇介紹就走左去!我地抱著係大菌食細菌既心情,7成熟就上左碟!好在第2日冇肚痾啫因為侍應雞手鴨腳既關係,三文魚同帶子係上抬期間已經好快熟晒,大家記得快快將佢地上碟~龍蝦尾肉質彈牙,不過好少...薯仔就變得好重要, 因為呢度就算細食既女仔都未必夠食呢...牛柳都係因為侍應溫溫吞吞而要快速上碟,另外因為石頭過熱,所以好難掌握火候,最好係將牛柳切成一塊塊後先上碟,果時大概有4成熟,食既時候先放到石頭加熱,因為牛柳太厚了,如果一直係石頭上邊邊會好快過熟,太早上碟中間會完全紅色而且仲要加少少鹽調味呢~牛柳肉質本身頗鮮嫰多肉汁,但牛柳算實同高溫石頭唔襯,因為牛柳脂少肉厚,如果中期唔轉低溫慢煎,好快就會鞋...唔識煮既朋友仔真係有機會唔再番轉頭嫁

呢間野人流不多, 餐牌的價錢說明了一切.石頭燒始終不是尋常的料理, 所以經常吸引到好多貪新鮮的顧客, 但奈何價錢太貴分量太少, 所以難有回頭客.味道方面就很一般, 不過材料係很好的, 所以不算難食. 蝦爽口鮮甜度都可以, 牛肉都係平凡只是嫩.每樣主菜外附加的食物飲品都要額外收費, 湯加錢, 飲品加錢, 沙律加錢, 水加錢, 而且主菜份量太少, 一定要加錢食配菜.埋單很多雜費, 原本已經很貴的餐變得更貴, 服務當然好, 環境當然好, 但其他真的很難比好評.

同事見到團購lunch set $148(原價$3xx)，話組團去試下，個set連餐湯、餐包，飲品，其實$148都有點貴，但未試過就柴娃娃去試下，去到，環境ok既，但lunch time時段竟然得一台客(唔怪得知要做團購)，餐湯得一種，磨菇忌廉湯冇得揀，反而餐包就有幾種，服務員算有禮貌，牛扒上台時都有講解要點燒，牛扒有D"鞋"同"UN"，已經唔係燒到好熟(半成至七成)，淨係講塊扒既話，我覺得扒王仲好食....而且覺得舊扒有D細舊，D配菜又少，我女仔食都係覺得剛好，男仔應該唔會夠飽，埋單原來仲要俾加一(應該係同事之前冇睇清楚團購條款)，但加一係原價計(即係$3XX既10%)，最後埋單一人要$18x，有D俾昆既感覺，總括黎講，係得燒個過程有得玩下過下癮呢點吸引，價錢同味道都唔值呢個價錢，係團購價錢都唔值，都唔好講正價，試過一次玩過就算，唔會再幫襯。

Stonegrill 是一間頗具特色的餐廳，現時除了赫得道這間外，好像已經找不到這類餐廳了。

喜歡 Stonegrill 的原因很簡單，因為當我點牛扒，無論我要求 medium rare 或是幾多成熟，就算在同一間餐廳、同一個要求，做出來的效果總會有很大的分別。

但在 Stonegrill，就可以弄到跟自己期望完全一致的效果。

點了一個肉眼扒餐，價錢非常合理，叫價都是二百元左右。

套餐已經包括了餐湯、主菜和飲品。

餐湯是忌濂蘑菇湯，湯本身非常香濃幼滑，濃濃的蘑菇香味，配上燙手的餐飽，絕對是可口的前菜。

之後就上主菜。

燙熱的石塊上放著全生的牛扒、和一些配菜。

我的習慣會即時把牛扒取起，然後在碟上把它切細，再放上石塊上煎，這樣就很容易地去控制牛扒的生熟程度。

但很可惜，件牛扒非常的有嚼頭。

基本上我每食一啖，都要吐一啖渣，大殺風景！而且最要命的是件牛扒是全無肉味可言，說直接一點，跟本上完全沒有味道。

所以在煎的時候要加很多鹽，之後再要加黑胡椒和很多的肉汁才可以吃得下。

最後上咖啡，不過不失，沒有投訴最近見到這間餐廳有很多團購，其實開源之餘，保留現有客戶是更為重要。

否則口碑一失，新客亦會不斷減少。

我最近六個月內都去過兩次，情況差不多。

希望短期內會有所改善。

遲來的食評.... 因太忙遲遲都未得閒寫!親愛的同事請我食lunch!! 今次係食Stonegrill 的中午lunch 團購!HKD 138 於 The Stonegrill 享用石燒午餐：加拿大安格斯牛柳配珍寶蘑菇一客 (價值 $346)第一次食Stonegrill~去了尖沙咀THE HART的分店! 待應好好咁問我地坐室內定室外露台。

最後我地怕太煙所以選了室外露台。

果日都有好多外國人去食!! 差唔多都full 曬...叫左餐湯後，待應好快便送左麵包籃。

麵包分量都好多... 焗得都不錯! 沾少少意大利黑醋和橄欖油一齊食都幾正! 餐湯都好快送到黎~今次選了西式蕃茄雜菜湯! 味道OK 但未見特出。

終於到主菜!! 一見到個主菜都開心! 賣相都幾好! 生的加拿大安格斯牛柳同珍寶蘑菇放在火山石上面自己燒!! 有得玩又有得食~我鍾意! 呢個用超熱既火山石烤熟方式，一黎又可以自己控制熟度。

二黎火山石的高熱又可以鎖住肉汁，使牛扒更好味! 我第一次燒，估唔到塊石真係好熱! 好快就把牛柳烤到自己想要的程度!  牛柳烤好就只需少少海鹽就夠晒味!! 再沾少少燒汁真係一流!  大蘑菇好有香菇味，我自己平時都唔鍾意食蘑菇。

但一見到呢個超大珍寶蘑菇就試一試! 估唔到味道都咁好! 我全份食曬!!   最後再食埋配菜已經好飽了!! 好滿足! 總結: 呢個團購真係好抵食! 往往團購通常食品質素都會不好吃! 但Stonegrill 的團購水準都依然咁好，唔會話因為價錢便宜而降低食品質素! 好讚的! 下次有 Stonegrill 團購我都會買!

The Stonegrill餐單提供西式, 鐵板燒, 西餐廳等推介美食位於尖沙咀區，餐廳座位數未知人均消費約$401-800，結賬可以用現金。

您對於尖沙咀餐廳「The Stonegrill」有何 comment？

The Stonegrill餐廳詳細資料：

• The Stonegrill地址:
  尖沙咀赫德道4號TheHart1樓
  The Stonegrill, 1/ F, The Hart,4 Hart Avenue, Tsim Sha Tsui
• The Stonegrill電話:  
• The Stonegrill價錢: $401-800
• 分類: 西式, 鐵板燒, 西餐廳
• 座位: 未知
• 付款: 現金
• FB專頁: The Stonegrill Facebook

更多The Stonegrill相關資料:

• The Stonegrill分店
• Youtube
• Facebook
• Twitter
• Google