NOMU 尖沙咀

NOMU 評價 相片

喜歡Omakase既我，試試新開既日本餐廳，由於日本人師傅，諗住水準一定唔差，點知極失望！首先講講Menu 先，Openrice 相顯示今年3月Omakase 係$580, 但今日去menu 轉左Omakase 係$780, 新開半年，咁快就加價$200, 真係太誇張，但都唔緊要，最起碼訂位時應該通知一聲Menu 加咗價，唔使等我地坐低睇Menu 先知貴左咁多環境不錯，簡潔，特別在窗前幾棵樹，為餐廳添了幾分色彩，聽香港師傅講老闆係一位Designer, 設計花了不少心思，值得一讚我地二人order 了Sushimi course, Sushi course日本師傅識講少少廣東話，上菜時簡單介紹某幾種壽司，大部份壽司刺身都係香港師傅講解，可能溝通問題，都唔緊要，但日本師傅一開始由頭盤到之後每一道菜都好似趕時間咁，仲要整整下中途行開咗，由香港師傅整壽司俾我地，之後有另一位食客入黎，但因為無服務員，香港師傅要走出黎幫手set 位，斟茶，遞Menu , 又要帶我去洗手間，又要入Bar 枱整壽司，十分勤力，雖然感覺唔專業，師傅要做埋樓面野，但見佢打工仔黎講十分抵得諗，係值得稱讚而日本師傅呢，直情失左蹤，無再出黎bar 枱，全情只得香港師傅招待另一位食客既sushi course , 直到埋單都唔見日本師傅蹤影，到我地已經出左門口，樣都見唔到果隻，先聽日本師傅講咗句日文，類似多謝，食無數次日本菜，真係第一次遇到咁既日本師傅服務態度真係九流值得再讚香港師傅，一路食一路同佢傾計，佢話自己黎咗一個月，細心介紹餐廳既事情，餐廳由老闆設計，又講解老闆好喜歡飲Sake, 去日本各地酒廠搜羅靚Sake, 老闆娘喜歡飲紅酒等等，又會問下我地食物意見，真細心仲要忙住斟茶俾我地，又要忙住招呼另一位客人，真係一位好員工，咁勤力，唔講以為佢係老闆食物質數不過不失，以$580黎講就不是太出色，可以話不太值...原本想俾分，因為日本師傅既專業+服務態度真係負分！ 但勝在香港師傅既服務態度，令我加回不少分， "OK"分只係想俾香港師傅

舊同事聚會，有人suggest 呢間omakase, 我本身吾食生野，亦對日本菜不大喜好，但食過今餐後改觀了。

同行個個話魚生勁新鮮，至於只吃熟食的我，都覺得每樣都好好食。

餐廳職員熱誠好客，為我哋介紹菜式。

主廚為日本人雖英語不算靈光，也盡力和客人溝通，十分nice！餐廳不算好大，大概坐十多人吧，整體光潔整齊，是那種日本居酒屋格局。

同行友人（食魚生者）亦讚口不絕！一定會再幫襯啦！

千祈唔好以為呢間嘢好高級首先個上菜順序已經錯哂魚生壽司竟然最後上而且唔係一件件上一件件介紹仲要過份到第一盤嘅熱燒嘢係凍嘅 廚師把刀係切咩都係同一把刀 而且將啲嘢食掉黎掉去講真 我去千X食都好食啲同冇咁嬲3個人$6000 唔知食左啲咩魚生又唔係特別靚轉要刺身佢就話唔要飯就拖羅 三文魚子 同海膽最後三件壽司都唔俾 唔會變做刺身上 咁我1880一個人連呢三樣都冇得食我走黎食赤身?! 俾埋啲cheap嘢收我咁貴仲要個廚師係咁鬧入面廚房1880連氣氛都冇得食呀陰公一字記之曰伏唔好諗住可以嗌平嘢 一定逼你嗌最貴1880

母親節，想同媽咪食餐豪的，咁啱前幾晚睇tvb介紹日本野，即刻鐵定帶媽去食omakase,其實我自己都未試過!經openrice訂枱，特意要求坐bar枱位，因想近距離睇師傅整野食!開餐日前已收到2次餐廳既reminders,證明佢地真係好重視每位客人既出席!好期待既一餐!上到去，環境細細但十分企理乾淨，廁所都好乾淨!講正題，我地一行4人都係叫daytime omakase, 有6道菜$580一位。

其實每一道都好味又好靚。

只係今次既湯係麵豉湯，我自己本身麻麻地，同埋一心估係魚沙，呢度有少少失望，但佢既麵豉湯濃度恰到好處，不太濃，清清的，也不錯。

由於本人比較大食，食時又冇刻意數食到第幾道，食完人3種壽司後我以為仲有一道先到甜品，但原來已經到甜品了，對我來說，如多一兩件壽司，對我而言就perfect喇!不過我其他家姐同媽咪就已經好滿足了!甜品係雪糕，有4種味揀，有益力多，柚子，綠茶同wasabi,我地各叫了一款，我食柚子，好好味，有鮮柚子喺雪糕入面!其他款雪糕都有試，wasabi唔辣，感覺幾有趣!服務方面，serve樓面既職員都好nice,亦很風趣，會同客人互動說笑，非常親切!!總括而言，omakase初體驗係大滿足的，值得推介!

竟然有唔收加一既廚司發辦、包刺身包壽司包燒物同甜品、環境靚仲要有日本壽司師傅駐場？！.【Daytime Omasake (6道菜) $580】想講既係由頭盤既京都豆腐到魚生同甜品，都係由頭好食到尾😍由頭高質到尾！個豆腐超濃豆味，啲魚生特別係拖羅同油甘魚真係世界級！魚脂一野係你口腔爆發，個種鮮味、甘甜同魚香既濃郁，真係非筆墨可以形容。

甜品同樣非常出色，綠茶味曉回甘，但係又不失幼滑既牛乳味🥳總之就係正啦 日本菜永遠無死架👍🏻食物出色之餘service都好好🤤特別讚下當日既女侍應同Chef Victor，照顧周到又有耐性。

上網見到有人話吳彥祖同呢間野有關😂經我地向師傅查證後，根本冇呢回事，大家一齊拒絕做迷途小羔羊啦！

NOMU餐單提供日本菜, 壽司, 刺身, 廚師發辦等推介美食位於尖沙咀區，餐廳座位數18人均消費約$801以上，結賬可以用Visa,Master,支付寶,現金,AE,銀聯,JCB,Apple,Pay,Google,Pay,微信支付，Booking訂位可以電話致電 26835028 查詢。

您對於尖沙咀餐廳「NOMU」有何 comment？

NOMU餐廳詳細資料：

• NOMU地址:
  尖沙咀白蘭軒道2號富峰行3樓（入口處棉登徑）
  NOMU, 3/ F, Rich Tower,2 Blenheim Avenue(entranceon Minden Avenue), Tsim Sha Tsui
• NOMU電話: 26835028
• NOMU價錢: $801以上
• 分類: 日本菜, 壽司, 刺身, 廚師發辦
• 座位: 18
• 付款: Visa,Master,支付寶,現金,AE,銀聯,JCB,Apple,Pay,Google,Pay,微信支付
• FB專頁: NOMU Facebook

更多NOMU相關資料:

• NOMU分店
• Youtube
• Facebook
• Twitter
• Google