La-neige 尖沙咀

La-neige 評價 相片

今日嚟到尖沙咀接近K11嘅一條酒吧街，見到有為數不少嘅酒吧，偏偏呢一間就寫住歡樂時光happy hour做緊特價酒類飲品買一送一，價錢十分超值✨香草番茄醬肉丸($58)呢一份香草醬肉丸真係非常好食，肉丸整到非常彈牙，番茄醬亦都唔會太酸調味恰到好處，而上面沈上為數不少嘅芝士，食嘅時候可以做到拉芝嘅效果✨煙肉芝士大啡菇($88)大啡菇嘅菇味好濃郁，一上碟嘅時候就聞到好香嘅蘑菇味道。

上面用咗煙肉同埋芝士呢個配搭放喺蘑菇，簡直係最邪惡嘅食物✨Lost in Forest ($98)有好大浸青草嘅味道，彷彿好似係田園同埋森林之中，有一種好清新嘅感覺，用咗Gin, Basil, lemon juice 等來調合的✨Snow White ($98)由於用咗雪碧做base嘅關係，飲落去嘅感覺比較甜同埋容易入口，加上淡淡的雞蛋，白桃同埋橙汁香味，酒精濃度唔算好高，真係好好飲，係我最推薦嘅飲品！✨La Neige ($98)用咗鋪頭招牌名而命名的cocktail, 望落都知非同凡響，有一個白燈裝飾係杯酒下面，顯得格外高貴，cocktail係用gin, milk , earl grey tea調成，感覺幾特別，比較適合鍾意creamy酒嘅人

Happy Friday約左朋友去飲野hea下，上網搵下呢頭有乜選擇，見到評論唔錯就揀左呢間bar黎試試。

落到去第一個感覺係好乾淨企理，雖然擺設同一般酒吧無乜分別，都係有幾部大電視，飛標機，但係感覺都幾舒服。

我比較鐘意飲cocktail，所以都淨係focus左去cocktail個頁哈哈。

平時鐘意飲甜酒，又見到有我最愛既伯爵茶，馬上就點左La Negie。

有伯爵茶同埋奶，呢啲配搭通常都無得輸。

free flow都幾抵，男士350蚊，女士只要200蚊！！！好抵！另外我地仲叫左4個小食，睇個款應該都係即叫即整，所以都等左啲時間。

先黎係香草番茄醬肉丸，呢個正常發揮。

跟住黎既係我推薦既芝士煙肉焗大啡菇，配搭其實十分簡單，配料亦都寫哂係個名到。

但係佢即刻焗出黎既關係，芝士同煙肉令到成個菇好香，而且煙肉粒都絕對唔係落得少，熱辣辣又香口。

跟住就係炸薯格，呢個一啲都唔會油，薯格好乾爽，但又夠脆。

而且佢上面加左芝士再焗一焗，成件事即刻加哂分。

而且呢間bar用既芝士全部都係拉到絲架～～～又香口又好食。

份量仲好多，兩個人完全食唔哂。

蒜香辣蝦我又係好鐘意，佢調味好足，辣辣地，好惹味。

而且蝦肉新鮮，好彈牙，仲好大隻添呀！！！最後要講下Lanegie呢杯cocktail，佢真係一杯好適合女仔飲既酒，酒味唔濃烈，伯爵茶同奶既比例都平衡得唔錯，入口夠滑，而且仲有伯爵茶既香味。

而且造型又靚，仲甜甜地咁，十分易入口。

Thanks God Is Friday Night!!!!!!相信星期五係唔少打工仔一星期最開心嘅一日 包括我🥺因為終於都可以放兩日假啦！🔥捱左成個星期 加上日日有咁多唔開心嘅新聞點可以唔抖番下 所以一放工就約埋朋友去飲杯野chill下先☺️朋友就介紹左呢間喺尖沙咀嘅酒吧 之前佢試過話唔錯 今日一於去FC下先🙈酒吧位置喺尖沙咀鐵站隔離 一出就係 都幾方便👍🏻之後就行條神秘樓梯直搗酒吧深處啦！呢度餐廳嘅裝修都唔錯有好多好潮嘅裝飾 另外仲有幾個大電視 方便大家可以睇英超直播😎 呢度仲有三部掟標機比大家玩！👍🏻再行入少少就有個咁靚嘅吧枱 用嚟打卡都唔錯😏我哋坐低左之後就嗱嗱冧叫嘢食嘢飲啦！呢度酒嘅種類都唔少 平時嘅啤酒 Whisky cocktail都有 仲有以佢酒店嘅名嘅cocktail添 既然得呢度有咁特別 就一於試吓啦！😏•Laneige🍸•呢杯Cocktail用左Gin, Milk, Homemade嘅Syrup同Earl Grey Tea調製而成味道飲落去都幾順滑 又唔會太咽 而最特別嘅係用咗Earl Grey Tea一齊 飲落總會有啲茶香 幾特別😂加上個杯咁靚 最啱啲女士用嚟Post IG👍🏻 •1664 Draught Beer🍺•而我朋友就叫咗杯1664啤酒 雖然啤酒出嚟大致上都一樣 等佢呢度倒嘅技巧都幾好 泡同酒嘅比例都唔錯😂我哋之後仲叫咗啲小食！•炸洋蔥圈🧄•估唔到酒吧嘅小食質素都唔錯 洋蔥圈勁大 而且係新鮮炸出嚟 再加埋個蛋黃醬 好滋味阿🥰•脆炸芝士薯格🧀🍟•我哋幾個都勁鍾意食薯格 呢度仲要加埋芝士 大佬啊咁邪惡🥰🥰薯格同芝士嘅配合可以話係天衣無縫 每食一塊都有拉絲嘅效果 上邊再加埋啲香草 令到個芝士味冇咁單調👍🏻•香辣雞翼🍗•最後我哋仲叫咗幾隻雞翼 雞翼都醃得幾入味而雞肉都唔會煮得太老 幾鮮嫩👍🏻個外皮仲幾香脆添🙈估唔到呢間酒吧臥虎藏龍 小食都係佢哋最出色嘅一環 而且娛樂種類都幾多 飲嘢嚟講呢度都幾好🤤

喺TST食完飯，朋友想Happy Friday想飲杯嘢吹吓水河內道隔離嗰幾間對方話去過，然後話見到呢間未去過就想試一試要行樓梯落地庫先係，私密度都高，唔使睇到條街或俾街上嘅人見到入面空間夠空曠，有高枱有梳化留意到入面仲有vip room，想再自己人玩得舒服啲可以再行入去Bartendar Choice $108/glass可以按自己喜好同bartender講想飲咩味朋友想飲甜啲fuity啲，moody想輕鬆啲開心啲最後bartender就調咗呢杯Rainbow Sunset出嚟頂頭有檸檬、Rum酒、忘憂草中間檸檬、最底蜜桃，仲有糖漿味道甜甜啲，賣相仲好靚，打卡一流，適合女士飲Ginger Ale $58/glass我唔飲得酒，所以就都係叫返nonalcoholic drink薑汁汽水少少甜好過叫cocacola嘅飲飲吓想再食少少小食，所以叫咗2碟嘢洋蔥圈炒西班牙辣肉腸 $68味道偏鹹，其實好適合佐啤酒今次我哋叫錯咗個配搭配酒就一流芝士煙肉焗大蘑菇 $88焗出嚟賣相好靚，芝士好香加埋煙肉味更惹味芝士可拉絲，有啲溶落舊蘑菇度蘑菇滿滿芝士香Nuts $25+10%charge如果飲酒可以揀Free Flow男士$350；女士$200酒吧嚟講好似幾抵飲除咗有波睇，仲有鏢機可掟鏢添！忍唔住掟咗幾舖

放工梗係要去chill下啦，今次去到尖沙咀漢口道附近，見到呢間門口有Happy Hour買一送一的優惠，就毫不猶豫揀咗呢間。

要行落兩層樓梯先到架。

樓梯散發出桃紅色和藍色的燈光，好有型格的感覺。

酒吧寬敞，有3部飛標機又有幾部大電視，睇球賽⚽️最適合不過。

一坐底即刻點咗2杯Signature Cocatail🍸🍸🧡La Negie $98店員細心為我地介紹呢杯以店名為名的Cocatail，原來La Negie係法文，代表羽毛，所以呢杯會有羽毛為裝飾🥰🥰🥰好Lady的感覺。

調酒師以香港奶茶為概念，加了milk🥛yogurt和Earl Grey tea，入口好滑，酒味很濃但散發出淡淡的Earl Grey tea餘香，好特別🧡Snow White $98同平時的snow ball不同，調酒師加入咗好多水果元素，好啱女仔飲。

我好鍾意呢款甜甜地、好濃果味🍑🥭的cocatail，好易入口，會不停飲😂😂😂最估不到的是，原來呢款酒精濃度都高，要留意下呀😂😂😂🧡芝士餃子🥟$58估唔到份量禁多，有8隻餃子🥟，裏面係咖喱角的餡，味道不錯🧡炸薯格 $48薯格上有芝士或香草，炸得非常脆口，最正係個小小辣的秘製醬汁，比起茄汁更好。

建議大家襯熱食，凍咗就會好硬架🧡德國香腸拼盤 $108份量真係夠一班人食，超級多呀。

各種口味都有，一邊有啤酒一邊食，再加埋睇波，真係好爽

La-neige餐單提供西式, 酒, 酒吧等推介美食位於尖沙咀區，餐廳座位數未知人均消費約$101-200，結賬可以用Visa,Master,現金,AE,銀聯，Booking訂位可以電話致電 23629696 查詢。

您對於尖沙咀餐廳「La-neige」有何 comment？

La-neige餐廳詳細資料：

• La-neige地址:
  尖沙咀河內道5號普基商業中心地下3號舖
  La-neige, Shop3, G/ F, Podium Plaza,5 Hanoi Road, Tsim Sha Tsui
• La-neige電話: 23629696
• La-neige價錢: $101-200
• 分類: 西式, 酒, 酒吧
• 座位: 未知
• 付款: Visa,Master,現金,AE,銀聯
• FB專頁: La-neige Facebook

更多La-neige相關資料:

• La-neige分店
• Youtube
• Facebook
• Twitter
• Google