Italio Wok 尖沙咀

Italio Wok 評價 相片

上次來到 K11 Musea 是社會運動平靜下來的 12 月，商場人流開始漸多；以為香港經濟可以慢慢復甦，但農曆新年前後，又爆出了 COVID19 疫情。

去到三月份，政府推出更嚴厲的防疫措施，市面氣氛更加一片沉寂。

今日出去尖沙咀見牙醫，眼見以往遊客密集的海港城，只剩下小貓三四隻；名店門口排隊的國內自由行人龍，更全部消失無蹤！不勝唏噓！沿着尖東海旁漫步走去 K11 Musea，這個非傳統商場內的人流雖然同樣稀少，但已較海港城稍多一點了。

眼見只有寥寥10幾人的 food court，實在難以置信。

K11 Musea 的設計及定位非傳統，商場內的餐廳同樣有特色，絕大部份並非其他商場內常見的連鎖餐飲集團，甚至 Foodcourt 的裝修設計也非一般。

取名 Food Playground 固然充滿玩味，選擇之多也勝過一般商場內的美食廣場，更難得全部小店並非連鎖集團旗下 ⋯⋯ 最低限度從名字看不出與連鎖餐飲集團有什麼關係。

一家三口食晏，每人揀不同的 foodcourt 小店，第三間揀「Italio Wok」。

小店雖然只是 Foodcourt 內的一間意大利麵小店，餐牌上也只有六款選擇（唔知到時會不會定期轉換口味），但竟然採用自家製新鮮意大利麵條！雖然小檔地方已經唔大，但也撥出一個角落每天現場即製意大利麵條。

可能因為疫情關係，最近生意唔係太好，意大利麵廚房內見不到任何麵糰、也沒有任何已經輾好了的新鮮麵條、甚至麵粉也沒有，廚房實在空空如也得有點難以自信！卡邦尼闊麵伴溫泉蛋（$80），另加$8 要了一碗是日餐湯。

唔知道餐廳搞錯，抑或因為疫情生意唔好，所以額外贈送餐湯，並沒有收取額外的 $8。

餐湯唔夠熱是一大敗筆；有濃濃蕃茄酸味，但太稀身、唔夠濃稠，口感遜色。

配合餐廳名字，每一款意大利麵都用一個小小不鏽鋼鑊奉上，但不鏽鋼鑊只是代替普通餐碟作為容器，並不是用來炮製意大利麵，所以完全唔熱。

這個價錢所採用的材料當然不會是頂級意式煙燻豬肉，只是普通薄片煙火腿；卡邦尼闊麵亦欠缺了濃稠的美味醬汁；但意大利麵表面總算灑上份量不少的芝士，煙火腿份量夠多，溫泉蛋亦烹調得很出色。

火腿味道一如所料，只是一般而已；欠缺煙燻香氣，亦並非原件豬腩肉醃製。

至於意大利麵條，外型彎彎曲曲不規則，正正是自家制新鮮意大利麵條的特質，應該沒有欺騙食客。

不過質素就未符合優質自家製意大利麵條的要求：麵條太乾太硬、亦欠缺了蛋香。

雖然「Italio Wok」只是一間 Foodcourt 內的小店，但仍然非常有誠意，肯花時間自家製作新鮮意大利麵條，即使麵條質素及炮製技巧仍有很多需要改善的地方，但值得捧場。

同樣都係位於K11 Musea最底層嘅food court，我地仲試左另一間舖位嘅食物！依間野叫做Italio Wok，餐牌上面嘅選擇主要都係意粉，上菜嘅時候都會用一個鑊仔裝住，個賣相都係玩fusion路線！🤣**********<卡邦尼闊麵配溫泉蛋> $80佢地嘅意粉係手工意粉黎，有唔同嘅選擇好似南瓜闊面、菠菜闊面、紅菜頭闊面⋯⋯不過今次叫嘅依一款就係普通個種味道！意粉嘅口感都幾唔錯，唔會好淋反而係比較爽口硬身👍🏻不過意粉嘅味道就無咩特別，調味方面比較鹹，食完之後會覺得口渴😣

繼續帶大家去K11 Musea 食好西，睇過我食評都知，今次係第3次介紹K11 Musea 嘅餐廳 (p.s.可能之前食評因批准時間長而有誤)，之前推薦大家食韓國🇰🇷菜同埋澳門🇲🇴葡國🇵🇹菜，今次就介紹大家食Pasta 意大利🇮🇹麵意大利菜啦⋯⋯我叫左牛肝菌黑松露菠菜闊麵($80)，未講食物之前。

都係個句啦記住、記住、記住，重要野講3次，呢間野係K11 Musea 唔係K11唔好去錯呀，搭MTR就尖沙咀/尖東J出口，真係唔識去就睇翻我之前嘅食評啦😉。

今次同樣3點鐘左右去，呢兩日都多咗好多人，出街做足保護措施就無問題啦😷⋯⋯牛肝菌黑松露菠菜闊麵($80)，💰價錢中等啦，依層周圍都係咁上下價錢。

雖然Menu 無乜野選擇，得4 款揀Pasta，但係我都諗左好耐。

最後係牛肝菌黑松露菠菜闊麵同另一款煙三文魚蘆筍香草忌廉汁菠菜闊麵揀，最後揀咗前者，可能下次食煙三文魚呢，期待吓之後嘅食評啦。

翻返嚟呢度先，牛肝菌黑松露菠菜闊麵賣相都幾好，用咗個鑊仔裝住，中間就係黑松露，幾有意大利特色，別有一番風味。

即刻試吓個闊麵先，第一啖食覺得好清新好健康嘅感覺，第二啖呢就覺得個麵偏鹹喇，撈埋黑松露食果然好食好多，不過都係鹹，所以好容易會口渴，依家隔咗幾個鐘都仲覺得口渴😓。

菠菜闊麵綠色應該都幾健康🌿，配埋牛肝菌更加清新🍀，好似係森林🌳入面咁，有唔同菇🍄係入面⋯⋯黎個總結，菠菜闊麵幾清新🌿幾好味😋，配埋牛肝菌黑松露更加好味。

不過就鹹過頭，好似食落無預期中嘅健康🏋️‍♀️同埋真係好容易口渴，唔知係唔係意大利麵特色，本人就覺得鹹過頭，扣左唔少分。

依間Pasta餐廳推薦大家食😋，不過注意⚠️依個餐就鹹過頭⚠️，可以試吓另外嗰3款。

如果你想食黑松露嘅話，就揀依個喇⋯⋯

今日去了K11 Musea 遊覽，順便來個午餐，在B2樓有個Food Playground，內裡有好多不同種類的食肆，是 food court形式的，地方很寬闊、優雅。

見到 italio wok 的意大利手工麵便試一下，Spinach Fettuccine with smoked salmon & asparagus in pesto cream sauce 煙三文魚蘆筍香草忌廉汁菠菜闊麵 是一個非常美味的意大利手工麵，看上去已經是色香味俱全，材料非常豐富，當然有煙三文魚、蟹籽、幼身的蘆筍、雜菌、洋蔥和扁身的菠菜意大利麵，整個出品味道有層次，忌廉汁幼滑包著所有食材，菠菜闊麵的口感非常好，用鑊仔盛裝又有一番風味。

行過 @foodplayground_k11 見到呢間好似幾特別，用個鑊嚟食意粉😋menu上邊見到有平時大路少少嘅意粉選擇，例如係carbonara，亦都見到有fusion選擇，好似老幹媽同埋沙嗲牛肉意粉，幾特別～整體來講，今次食嘅意粉味道就麻麻哋，但意粉嘅口感就唔錯嘅，如果有機會再嚟會試吓其他口味🥰.Walk passby @foodplayground_k11 saw a pretty special restaurant which used woks to fry their pasta 🍝 so decided to give it a try 😆 they have the typical traditional pastas like carbonara but they also have some fusion options like Satay Beef Pasta 😋 overall, the pasta taste was just okay but the texture of the pasta was nice and aldente 😊 maybe next time i can try the other dishes as well!.𝐒𝐪𝐮𝐢𝐝 𝐈𝐧𝐤 𝐒𝐞𝐚𝐟𝐨𝐨𝐝 𝐅𝐞𝐭𝐭𝐮𝐜𝐜𝐢𝐧𝐧𝐞 😋今次叫嘅呢個係daily special嚟嘅～食落pasta嘅口感係唔錯嘅，幾煙韌。

但墨汁味道真係好一般，越食越鹹，真心麻麻。

.𝐈𝐭𝐚𝐥𝐢𝐨 𝐖𝐨𝐤 @playground_k11 @k11musea📍#BELLYwongs_TST.#BELLYwongs_italian #BELLYwongs_pasta

Italio Wok餐單提供多國菜等推介美食位於尖沙咀區，餐廳座位數未知人均消費約$101-200，結賬可以用現金。

您對於尖沙咀餐廳「Italio Wok」有何 comment？

Italio Wok餐廳詳細資料：

• Italio Wok地址:
  尖沙咀梳士巴利道18號VictoriaDocksideK11MuseaB2樓FoodPlayground
  Italio Wok, Food Playground, B2/ F, K11 Musea, Victoria Dockside,18 Salisbury Road, Tsim Sha Tsui
• Italio Wok電話:  
• Italio Wok價錢: $101-200
• 分類: 多國菜
• 座位: 未知
• 付款: 現金
• FB專頁: Italio Wok Facebook

更多Italio Wok相關資料:

• Italio Wok分店
• Youtube
• Facebook
• Twitter
• Google