紅蜻蜓 將軍澳

紅蜻蜓 評價 相片

去沙灘前食少少野黎左紅蜻蜓早餐好抵喔十一點半都仲有得食喎二十幾蚊炸環境幾好架食到我飽飽的@@今次試左喱間既茶走好好味啊我最愛的茶走我正面見到沖茶個個uncle 覺得幾靚仔男友吃醋了不好意思間鋪全部都係姨姨黎serive算是過得去咁丫不過喱餐做早餐抵食啊想去沙灘唔現個肚腩就唔好食咁飽啦比你格離個個食啦...呵呵=]

本人對食都冇咩要求，佢實在太離譜啦，我叫左咸魚雞粒炒飯都好香，點知D米係半生熟，跟住轉左個香煎豬扒湯檬粉點知一陣陣既漂白水味為有硬梗左佢今晚唔知會唔會肚痛，以後唔會再去食！唉！連阿囝個雞翼薯條都話唔好食

今日去食左個 lunch...應該係第一次食~餐湯叫左忌廉湯湯味道淡左少少, 不過有唔少蘑菇粒 "搭救"不過不失la~餐包送到黎仲熱亦夠軟不過d 牛油就凍既... 用刀成舊"拮"左出黎 主菜叫左 黑椒汁西冷扒 跟 飯西冷扒味道ok, 而且都唔會太韌, 又唔會太油膩 黑椒汁唔太辣, 都幾香 不過塊扒都幾薄下...同埋配菜唔多夠...飲品叫左杯奶茶都係普普通通la~服務方面, 個 manager 態度就ok既, 不過d服務員就是是旦旦, 冇咩禮貌~如果係茶餐廳既話, 我唔mind~不過以呢種格局既餐廳, 就有待改善la!環境尚算整潔裝潢設計同餐具 較簡潔 (隻碟全白, 又唔夠配菜, 有d空 L L既感覺)overall 都唔錯, 有機會會再食

逢禮拜六、日都要過將軍澳一趟。

今次已經係第二次去呢間o野，第一次去見佢成個翻版椰林閣咁款，諗住實有人service。

原來搵位自便，冇人講歡迎光臨，冇人問你幾位，d waiter係個收銀位度吹水。

第二次去自己醒水，有理冇理搵左位先。

汲取左上次o既教訓，今次叫左個咖喱牛腩飯同忌廉湯，話說上次叫左個牛扒意粉，碟野一黎已經知奶野，意粉碎濕濕，主要食意粉而d意粉碎濕濕係件好痛苦o既事今次自己黎，叫個飯先唔好講笑。

飲忌廉湯途中，諗住咁o既格局應該有芝士粉喇，點知無咖喱牛腩飯送到個陣，只係聽到waiter係隔離鬼食泥唔知講咩，唔係要你大聲清楚到成間野都聽到，但如果係咁，唔講好過講．．．anyway...碟飯有驚喜，雖然咖喱唔香，食落偏甜，但牛腩煮得頗入味，夠腍身，入口半溶，牛根膠性重。

熱奶茶同上次一樣，個人覺得各樣都可以，美中不足就係唔夠滑。

計埋加一服務費，埋單$30。

可能係我太麻煩，第一次去個陣有個waiter加緊牙籤，行到去我個枱，拎左個牙籤筒放低左個籃係我碟野前面，棟左係我前面加，我食住半啖飯都呆一呆，抬高頭你眼望我眼咁．．．可能其他人覺得冇咩野，假如我係大排檔或者茶餐廳我都唔覺得有問題，但係如果係呢d格局既餐廳就唔同講法．．．拎走個牙籤筒再加，基本禮貌黎姐下話

見到呢間野開了都有一段時間,訓醒諗住入去食個公仔noodles之類的餐..入到去服務員大都木無表情..坐低後..只得一個雙面餐牌..有早餐,午餐,下午餐之類...我地見午餐的選擇唔係好想食..(由於早餐時間已過, 下午茶時間又未夠), 於是問服務員有無另一個餐牌可以散叫...第一位亞姐行過來問:想食咩.我話散叫腸仔通粉幾錢?有無另一個餐牌可以俾我看下?亞姐話"腸仔通粉30,無另外餐牌.我再話:我地想散叫野食..你地無另一個餐牌?之後呢位亞姐行開..係收銀機旁搵了好耐...最後一位男經理黑黑地面拿住餐牌過來問:有無可以幫到你..但個所謂另一個餐牌都係無寫到單項收費..最後我地都費事煩..散叫了個牛肉蛋公仔noodles + ice coffee..我就叫了個午餐配熱飲(Total HKD$$27), 最後埋單竟然TOTAL HKD$90 (即係個散叫既牛肉蛋公仔noodles + ice coffee就盛惠 HKD$63),.價錢都唔係一個大問題..問題係食物既質數難食,,個湯底完全無味...仲要D 服務員態度唔好..連經理都係咁...絕對無下次.

紅蜻蜓餐單提供港式, 茶餐廳, 冰室等推介美食位於將軍澳區，餐廳座位數未知人均消費約$51-100，結賬可以用現金。

您對於將軍澳餐廳「紅蜻蜓」有何 comment？

紅蜻蜓餐廳詳細資料：

• 紅蜻蜓地址:
  將軍澳唐俊街9號君薈坊G20號舖
  Red Dragonfly,  
• 紅蜻蜓電話:  
• 紅蜻蜓價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 紅蜻蜓 Facebook

更多紅蜻蜓相關資料:

• 紅蜻蜓分店
• Youtube
• Facebook
• Twitter
• Google