海皇JP one 將軍澳

海皇JP one 評價 相片

今日中午去海皇粥食，一入去服務員就即刻帶位，企定定幫你點餐。

叫了皮蛋瘦肉粥加炸兩套餐，皮蛋瘦肉粥好綿，味道唔錯，但皮蛋得2舊就太少啦，炸兩份量夠。

味道整體算唔錯。

今日早左好多起身, 於是係番工之前食一個豐富既早餐為自己充一充電。

正係到煩惱緊食個咩既形式既早餐, 雙腳已不由自主帶左我去食粥.....一坐低, 我就叫左個早餐套餐:皮蛋瘦肉粥配蝦米腸皮蛋瘦肉粥熱辣辣咁上枱, 皮蛋同瘦肉既份量都OK, 粥底軟棉棉, 軟滑既皮蛋同鹹香既瘦肉, 令粥既味道十分鮮甜, 再加埋粥面上既油炸鬼同花生以及香蔥, 令味道既層次更加豐富.......望住出面趕住上班既上班族, 而我正緩緩地嘆緊自己既早餐, 令人感到香港既生活好急促, 要好好咁慰勞自己黎緊呢日番工既壓力..... 蝦米腸既份量都OK啊..鮮味既蝦米同蔥花令腸少味道香甜鮮味, 再加埋其他唔同既醬料令腸粉味道濃郁但可惜腸粉蒸既時間可能比較長, 令到腸粉有點兒痴身同爛, 不過整體都OK。

一個人做完facial,在附近商場食埋晚餐，見門口好多人排隊，原來佢地係等外賣，我入門口無人理，一個小姐收緊錢，另外一個同樣制服嘅阿姐望到都唔理我，經理就在另一邊招呼緊客人，最後係收錢小姐收完錢，叫我自己搵位坐，我坐近落地玻璃四人枱，好在玻璃窗上貼了貼紙，唔會比路過嘅人望住食！餐廳裝修簡潔唔花巧，乾淨企理！座位唔迫！ 餐牌好多選擇，我唔想唸叫套餐！食物好快到！假日晚餐 牛肉粥：叫了小牛肉（我想食粥多啲）都好多牛肉，牛肉無乜味，好淋身，粥底夠綿，夠熱，加上花生油炸鬼香口！炸兩：腸粉滑，油炸鬼外脆內軟，欣賞連豉油都另上，可自己決定落幾多醬料！我落豉油加甜辣醬，少辣好味！ 熱豆漿：夠熱但無乜豆味，不欣賞店家砂糖另上，客人有得揀！食物正常，欣賞在小處用心，調味可以自己揀！不過店員唔係個個勤快，最後只有收銀個後生小姐，帶位、落單、收錢都係佢招呼我！

大感冒剛好返，今晚想食清清地，清吓腸胃，於是就揀咗東港城入邊的海皇JP ONE食粥。

以粥的價錢來講，都幾貴，我入到去就選咗個晚餐套餐(艇仔粥+蛋黃鹹肉糭+熱飲)。

個粥賣相都唔錯，個碗設計都幾特別，雖然係普通一碗粥，但個波浪形碗加咗分，所謂色香味，又一次證明賣相係好重要。

粥嘅味道還可以，材料好足，份量夠，但就唔夠綿﹗糭都幾大件，但就較為乾身，涼咗少少。

如果可以濕d，蒸得透身d，熱辣辣會更好。

但其實呢個應該係基本要求，好好地一個糉，就因為處理得不好而浪費了。

可能是大集團的關係吧，流水作業式工作，一般員工又的確難以用心真誠地處理食品。

成個套餐價錢$38，還可，因為粥都幾大碗，如果單買一碗粥或一個糭，就幾貴﹗如果係想清清腸胃又填飽肚，都可以入去食吓﹗其實入邊仲有飯，酸辣粉買架﹗下次等我試吓先﹗

同友人去影商場的聖誕裝飾, 之後就去咗jp海皇食dinner。

可能太耐無去海皇, 原來唔淨係得粥麵食, 原來有車仔麵..哈哈。

我同友人都一人一碗自選車仔麵, 味道都幾ok咖, 又好大碗, 勁飽。

另加紫菜雞亦, 都幾好味, 不過好似同紫菜唔係好關事..哈哈。

另加炸兩 (覺得去粥店係要食的..哈哈), 一般, 油炸鬼唔太脆。

海皇JP one餐單提供港式, 粥品等推介美食位於將軍澳區，餐廳座位數未知人均消費約$50以下，結賬可以用現金。

您對於將軍澳餐廳「海皇JP one」有何 comment？

海皇JP one餐廳詳細資料：

• 海皇JP one地址:
  將軍澳坑口重華路8號東港城1樓187A號舖
  海皇JP one, Shop187 A,1/ F, East Point City,8 Chung Wa Road, Hang Hau, Tseung Kwan O
• 海皇JP one電話:  
• 海皇JP one價錢: $50以下
• 分類: 港式, 粥品
• 座位: 未知
• 付款: 現金
• FB專頁: 海皇JP one Facebook

更多海皇JP one相關資料:

• 海皇JP one分店
• Youtube
• Facebook
• Twitter
• Google