京滬佳餚 將軍澳

京滬佳餚 評價 相片

唔少食肆進駐康城新商場, 今晚就同家人去左食呢間京菜餐廳, 雖然平日晚, 晚飯時段都坐滿食客, 新開就咁多人幫襯, 更令人期待。

晚市入座每位茶芥 $12/位,雖然係中菜廳, 亦提供一系列調酒選擇, 我地唔飲酒, 就order左兩杯mocktail, 一杯係清新果茶, 另一杯係碟豆花, 配上重口味既京菜, 確實perfect match!揀左幾款menu上標籤為推介款式試試【京滬酥香烤鴨 （例）】HK$368全隻烤鴨配有8款配料, 即燒烤鴨已被去骨片皮佈好上碟, 皮烤至金黃, 而且已將皮下脂肪片走, 店方建議將蒜蓉夾住鴨髀食, 果然更提升烤鴨香酥味, 正!熱辣辣餅皮以蒸紙做分隔, 唔會痴埋重疊, 而每片餅皮都很透薄, 包住烤鴨跟配料一齊入口, 都唔會覺得厚實, 配料夾集充滿油香味嘅烤鴨, 有助平衡油膩感。

多塊皮下仲有唔少鴨肉, 肉質嫩, 又keep到肉汁; 配料上備有山渣, 有助即時消消濟~【招牌小籠包】HK$68小籠包外皮厚薄剛好, 入面充滿熱辣辣湯汁, 一咬爆汁, 餡料juicy, 有陣陣肉香, 整體鮮味多汁, 推介!【京滬擔擔麵】HK$68擔擔麵用上上海麵, 麵質軟硬剛好, 微微地辣, 有淡淡花生醬味得黎又唔會好漏, 兼有些少肉碎間中增添入口肉香。

 【老北京炸醬麵】HK68對比擔擔麵, 呢款味道比較淡, 個汁足夠令整體成個麵濕潤, 有唔少肉碎, 味道近似食台式鹵肉咁。

【擂沙湯丸】HK$38熱辣辣湯丸表面被黃豆粉平均包住, 一咬軟糯, 入面有濃郁芝麻湧出, 整體唔會太甜, 正~

最近四出睇樓，早日來到從未來過的康城站晚上睇完樓之後，見肚餓而男朋友想吃中菜，望一望OpenRice，呢間新開又備受好評，所以揀咗呢度嗰日大概7:00嚟到， 7:15就可以入座，雖然爆滿，但係都算安排得快本身想book埋星期六日同屋企人食，但係聽講已經爆滿晒未來兩星期嚟到坐低梗係飲番杯茶先啦，見佢呢度裝修都好開陽，好光猛，而且裝修設計都好靚，唔會好老土聽講呢度嘅Cocktail係要試一試，但係我平日都唔鍾意飲酒精嘅，所以就試咗佢哋mocktail，呢個山楂mocktail好清新好開胃菜式方面我就揀咗幾款我好想食既嘢其中片皮鴨，牛肋骨都係我誠意推薦嘅第一次食到片皮鴨可以用蒜蓉夾埋一齊，估唔到味道係咁夾，亦唔會話好肥膩片皮鴨真係正，外皮脆入面肉汁有保持到咬感另外要讚一讚佢嘅片皮鴨嗰塊皮，真係超級薄又唔易爛牛肋骨真係好大一份，烤完肉質保持鮮嫩，我哋只可以食完半份另外半份就拎返屋企，好抵食！另外食上海菜梗係唔少得小籠包，呢度嘅小籠包亦都係值得一讚，好surprise一間新餐廳就有咁嘅水準，皮薄餡靚，裏面湯汁仲要好鮮甜最後我男朋友仲嗌左個楊枝甘露作結，原本諗住都係平平無奇嘅糖水，點知原來都好有看頭又好好味！今次驚喜撞入咗一間高質中餐，希望佢嚟緊可以開去近我小小嘅地方，因為我未來都未必會入康城

一直以嚟將軍澳日出康城，除咗樓盤就係樓盤，我哋亦無朋友仔住喺嗰頭，所以一直以嚟都無去日出康城嘅衝動，直到佢嘅商場落成開幕，終於吸引到A姐嘅垂青。

今日我哋就去到The LOHAS行新商場，至於晚餐就選擇咗主打京滬菜嘅京滬佳餚。

京滬酥香烤鴨北京菜又點少得片皮鴨呢？呢度嘅片皮鴨係必食推介！份量超多，仲有埋隻鴨髀仔，價錢唔貴又好好味。

鴨皮燒得均勻又香脆，脂肪部份唔多，食起上嚟唔會油淋淋；至於鴨肉嫩滑，肉味非常香濃。

食片皮鴨嘅配料有六款：糖、甜醬、京蔥、青瓜、蘿蔔同蒜蓉，配搭起上嚟好有層次。

最後，餅皮薄得嚟又唔易爛，實在好考大廚功夫。

招牌小籠包上海菜又點少得小籠包呢？呢度嘅小籠包係必食推介！皮薄餡多，仲要充滿濃郁嘅肉汁，好滿足。

京滬香蔥煎餅香蔥煎餅嘅皮好香脆，但重點係爆多蔥，而且蔥香十足，啖啖都係濃香嘅蔥油味，鍾意食蔥嘅你真係必點。

外婆紅燒肉講到上海菜，又點少得紅燒肉呢？一層肥一層瘦，成舊擺晒落口就最滿足。

欣賞佢唔會太油膩，脂肪部份成啫喱狀，唔會太有罪惡感。

干煸四季豆四季豆炒得好有鑊氣，肉碎份量多，鹹香十足，加埋個白飯就最match啦。

京滬擔擔麵呢度嘅擔擔麵唔係川菜，所以唔會有麻辣嘅感覺，反而能夠細味濃郁嘅麻醬香味， 麵條係自家製作，夠晒幼細，湯入面仲有豬肉碎同蔥花。

嫩雞煨麵湯底充滿濃郁雞湯味，雞肉嫩滑，加埋雞湯一齊食，味道香濃，唔錯。

以前康城比我嘅感覺就好似一個荒島今年開咗個新商場The LOHAS新開咗唔少餐廳見到呢間主打烤鴨既京滬菜門面幾靚去到時間未夠六點店員同我哋講準備開門唔使等位就入去試吓裝修見到細節位好用心擋板全部融合餐廳設計每一張枱都會隔開有私人空間得來唔會影響外觀枱面仲有口罩套提供見到好多細節都同鴨有關店員有特別介紹呢度嘅飲品係配合中菜口味調配用茶製成Cocktail好特別因為揸車所以叫咗mocktail👇🏻鐵觀音（$48）味道好清新有種去咗泰國做spa嘅感覺味道唔會太甜帶有淡淡香茅同薑嘅味道👇🏻柚子冰茶個杯好有熱帶風情味道相對比較甜係帶有香桃同熱情果味嘅茉莉花茶👇🏻京滬雲吞鴨肉湯（$68/位）極力推介👍🏻第一啖飲落去好有驚喜從未試過飲到咁好飲嘅鴨湯味道濃郁帶鴨嘅甜味鴨肉帶有油香一試回味👇🏻京滬酥香烤鴨（$188/半例）份量大方仲有一隻鴨髀仔外皮烤得色澤均勻口感鬆脆入口即化鴨肉帶有獨特香味而且非常嫩滑係我喺香港食到最好食嘅烤鴨餅皮做得很薄可以透光口感煙韌唔容易爛即使直到最尾都唔會覺得變硬半例有配六款配料白糖、甜面醬、京蔥、青瓜較特別有心內美蘿蔔和蒜蓉第一次食烤鴨配搭蒜蓉原來味道好夾會令烤鴨味道提升另外一個層次食烤鴨附送小冬梨湯味道甜甜地問問店員原來係黃糖、黑糖、冬瓜組成嘅飲品食完烤鴨可以幫助解膩👇🏻招牌小籠包（$68）外皮包得非常之薄夾起唔容易爛內餡充滿湯汁可以倒出嚟有一個匙羹咁滿我覺得比知名小籠包店更加好食👇🏻孜然小羊排（$168）另一個一試愛上嘅菜式羊腩外皮炸得香脆充滿濃厚嘅香料味羊肉嫩滑加上油脂香我我食到停唔到口其實只有兩個人已經食咗好多道菜實在覺得太過好味所以想試埋甜品👇🏻桂糕錦鯉 （24/條）睇餐牌以為係桂花糕原來係糯米團配上桂花糖水糯米糰造成錦鯉魚形狀口感好Q彈 滲係清甜冰涼嘅桂花糖水非常精緻總評餐廳無論食物環境服務都值滿分尤其是店員嘅服務覺得佢哋對客人好細心而且佢哋好了解餐廳所有事物食物嘅介紹十分詳盡我同男朋友成餐飯都覺得好開心食物都令我好有驚喜因為每一個餸都真係覺得好好食會令我想再返去試晒全個餐牌絕對係一間值得推介嘅餐廳👍🏻👍🏻👍🏻👍🏻👍🏻

餐廳限聚令放寬至六人，感覺吃飯的氣氛會完全不同，又可與多二名知己，聚一聚嘻哈大笑吃個飯了。

同學住將軍澳的也不少，今晚就趁大家都還沒去過最近才落成的日出康城商場，相約一齊入内逛逛，順便在商場裡找吃。

我提議今晚去一間叫京滬佳餚，吃吃北京烤鴨，各人沒意見，菜單今晚就由我發辦好了。

這家京滬佳餚，是一家主打新派的摩登京滬菜，菜式除了招牌片皮鴨之外，原來還有精緻的甜品等。

今晚必點的是京滬酥香烤鴨，師傅選鴨也講究，選的是金星鴨業北京白羽鴨，並採用了特別既處理方法，令到那烤鴨酥香而又不油膩，與其他店的北京填鴨不同，傳統的鴨皮總帶著一小層肥膏，吃多了總是膩。

這店值得推薦的，出來的效果是酥香又兼不肥膩，這樣吃多點也沒存在罪惡感了。

烤鴨一上桌，店員走過來，教我們嘗試新的吃法，就是將酥香的鴨皮，只點砂糖，嘗嘗那入口即溶的口感，確又是另一種吃填鴨的感受。

我們也點了店員的推介 脆皮牛肋骨條，價錢可能貴了點，但沒問題吧，特別的菜色，總要去試一試。

這條牛肋骨，外脆和不韌，因帶著點肥脂，燒完已沒肥膩感覺，再配以蘇梅醬來吃，有水準好吃，配以生啤相信更好。

再來一味很少在家裡煮的 孜然小羊扒，一碟足足有六七件之多，我們五人就桌桌有餘了。

羊扒鮮嫩帶點肥不全瘦，這樣的羊扒才合我口味。

發覺在坐很多人也點的松鼠黄魚，今晚我們也有點來吃，沒吃了很久的這道菜色，當然有期望。

見到騰飛著的黄魚出場，這造型相信是非一般師傅所能作，這店果然講究，最後當然是相機吃先吧。

點心點招牌小籠包也是水準之作。

今晚各人吃得盡歡也盡慶，這商場還有很多新店，也是時候放寬下自己，畢竟吃進肚裡才是自己的。

京滬佳餚餐單提供多國菜, 湯品, 點心, 雲吞, 餃子, 中式包點, 中菜館等推介美食位於將軍澳區，餐廳座位數未知人均消費約$101-200，結賬可以用Visa,Master,AlipayHK,支付寶,現金,銀聯,微信支付，Booking訂位可以電話致電 28177098 查詢。

您對於將軍澳餐廳「京滬佳餚」有何 comment？

京滬佳餚餐廳詳細資料：

• 京滬佳餚地址:
  將軍澳康城路1號TheLOHAS3樓333號舖
  King's Delicacy, Shop333,3/ F, The L O H A S,1 Lohas Park Road, Tseung Kwan O
• 京滬佳餚電話: 28177098
• 京滬佳餚價錢: $101-200
• 分類: 多國菜, 湯品, 點心, 雲吞, 餃子, 中式包點, 中菜館
• 座位: 未知
• 付款: Visa,Master,AlipayHK,支付寶,現金,銀聯,微信支付
• FB專頁: 京滬佳餚 Facebook

更多京滬佳餚相關資料:

• 京滬佳餚分店
• Youtube
• Facebook
• Twitter
• Google