藝 ‧ 文食館 將軍澳

藝 ‧ 文食館 評價 相片

每次遇到一啲極品難食嘅餐廳，都好想喺度出post表揚一下佢哋！咁啱今日喺寶琳收工，呢排食開素食見將軍澳好似冇乜素食嘅餐廳，呢間係其中一間所以選擇走過來將軍澳站試吓，你之前其實都睇咗幾篇腐評而且日子都有啲近，不過真係冇乜素食餐廳之下走咗過嚟試一試先，去到點知就咁嗌個簡簡單單嘅黑松露意粉都可以炒車炒得好過分！真係唔怪得知得一台客！根本就係將意粉過完熱水，又將啲蔬菜果下熱水之後倒少少罐頭黑松露汁撈埋一碟上俾你，算係我食過有素食嘅餐廳之中最求其最難食嘅一間！完全冇任何誠意去對待自己煮出嚟嘅食物同埋客人！食咗兩啖之後唔想嘥食物打包走人，走過隔離間Coco番叫返個蘑菇黑松露蛋包飯順一順返條氣！

同朋友去將軍澳搵餐廳食，經過呢間諗住試下，點知中大伏！我嗌咗個蕃茄湯魚柳烏冬，但係個蕃茄湯好稀，只得好淡嘅蕃茄味個烏冬亦都唔彈牙唔掛汁魚柳就係好普通嘅質素呢個價位絕對有更好嘅選擇，下次唔會再嚟

呢間以健康美食為主題的餐廳，根本就係危害人健康為主先真。

親眼目睹店員用手收起門口地布後直接攞水杯針水比客人飲！簡直離譜！！直至我出左聲店員先至去換手套，但已經遲左，摸過的水杯就已經摸左照放喺水吧用，完全冇諗過要洗！祝各位晚餐用客好運。

食物味道更上一層樓，最出色係"美極味"的龍脷柳，連唔識煮野食的人都冇煮得咁難食。

所有蔬菜都冇切過咁大大舊，所以成舊翠玉瓜係生的，D椰菜都係半生的。

另一個雞扒餐，隻煎蛋係用鑊窿嚟調味的。

呢餐簡直背脊骨落，從未食過咁難食的野，有被虐待的感覺，真係早執早著，唔好再危害人間小生命。

同友人一行五人黎食飯，雖然已經食過兩次Up，但第一次寫呢間野，距呢間野外觀似間畫室，實際就走健康路線，有機糙米飯。

以為有機就一定系好細份？系好Q大份⋯⋯不過，就好好食！雞扒夠厚又肉質嫩滑，啖啖肉非距莫屬配上芝麻醬味道唔濃，剛剛好，有機糙米都唔鞋口，軟熟。

咖喱龍脷柳都唔辣，都系份量超足，肯定飽到你行唔郁😂。

見下圖有全枱圖，就睇到份量幾大。

每碟都有蔬菜，份量都唔少，最好味系個瓜，可請謂營養均衡到足。

之前也去過這間餐廳食野，不錯的，環境舒適。

所以今天也帶了2位朋友過來食，但今天很多人，所以等咗15分鐘左右。

坐咗不耐，聽到有位侍應講這幾個月生意不太好，大不如前，可能有結業的念頭。

聽到如果喺真就實在太可惜了。

可能位置較偏，冇乜人知La，但不論與否，希望鍾意食素或多菜少肉的朋友，不妨有時間過来試吓。

支持一吓La。

藝 ‧ 文食館餐單提供多國菜, 素食, 沙律, 咖啡店等推介美食位於將軍澳區，餐廳座位數30人均消費約$51-100，結賬可以用現金，Booking訂位可以電話致電 26120883 查詢。

您對於將軍澳餐廳「 藝 ‧ 文食館」有何 comment？

藝 ‧ 文食館餐廳詳細資料：

• 藝 ‧ 文食館地址:
  將軍澳唐俊街12號天晉滙1樓108號舖
  藝 ‧ 文食館, Shop108,1/ F, Popwalk,12 Tong Chun Street, Tseung Kwan O
• 藝 ‧ 文食館電話: 26120883
• 藝 ‧ 文食館價錢: $51-100
• 分類: 多國菜, 素食, 沙律, 咖啡店
• 座位: 30
• 付款: 現金
• FB專頁: 藝 ‧ 文食館 Facebook

更多 藝 ‧ 文食館相關資料:

• 藝 ‧ 文食館分店
• Youtube
• Facebook
• Twitter
• Google