鉅龍酒家 太子
最後更新:
鉅龍酒家推介
有朋友常嘈著要試試此店龍躉，終於有日中午湊夠人數訂了個$1288套餐，套餐包以下食物:醋雲耳7/10 ~ 附送的餐前小食，醋香雲耳爽菜乾豬肺湯 7/10 ~ 入口清甜，湯渣豬肺鬆軟，菜乾甘香翡翠炒龍躉球 6.5/10 ~ 成日每人一件，魚塊不夠爽實，味道咸了點石鍋龍躉頭腩 6.5/10 ~ 懷疑應不夠一人一件，魚塊炸時拍粉重手了，但味道不錯，配料薑蔥及炸原粒蒜孑好味蒜茸蒸扇貝 7/10 ~ 新鮮，味道也不錯油鹽中蝦煎麵 6.5/10 ~ 蝦不夠爽，及本人不太愛煎麵蔥油上樹雞 7.5/10 ~ 窩上，用新鮮雞，雞塊嫩滑，個汁不是一般䓤油味，似帶甜蠔油燜的味，正!輕濤拍岸 7/10 ~ 即上湯腐竹時菜，湯㡳清鮮，好健康，冇乜油欖角肉鬆炒飯 8/10 ~ 妙得乾爽，飯粒粒明顯，入口好香欖角味。木瓜雪耳糖水 7/10 ~ 不過不失，甜了些人均消費$110，龍躉一般，反而其他不錯，可能晚飯好些
太子鉅龍酒家
| 餐廳分店 | 鉅龍酒家 |
|---|---|
| 地區 | 太子 |
| 電話訂位 | 沒有電話提供 |
| 餐單 Menu | 粵菜, 廣東, 海鮮, 中菜館 |
| 人氣指數 | 807 |
| 價錢幾錢 | $201-400 |
鉅龍酒家訂位位於太子區，詳細地址是太子荔枝角道127-133號地下D&E舖，餐廳寬敞座位數目共有未知幾多個。鉅龍酒家幾錢？價錢優惠後人均消費大約$201-400埋單，早餐午餐晚餐鉅龍酒家餐單包括有粵菜, 廣東, 海鮮, 中菜館等美食，付款方式有Master,現金付款。
鉅龍酒家優惠
鉅龍酒家 評價 相片
有朋友常嘈著要試試此店龍躉，終於有日中午湊夠人數訂了個$1288套餐，套餐包以下食物:醋雲耳7/10 ~ 附送的餐前小食，醋香雲耳爽菜乾豬肺湯 7/10 ~ 入口清甜，湯渣豬肺鬆軟，菜乾甘香翡翠炒龍躉球 6.5/10 ~ 成日每人一件，魚塊不夠爽實，味道咸了點石鍋龍躉頭腩 6.5/10 ~ 懷疑應不夠一人一件，魚塊炸時拍粉重手了，但味道不錯，配料薑蔥及炸原粒蒜孑好味蒜茸蒸扇貝 7/10 ~ 新鮮，味道也不錯油鹽中蝦煎麵 6.5/10 ~ 蝦不夠爽，及本人不太愛煎麵蔥油上樹雞 7.5/10 ~ 窩上，用新鮮雞，雞塊嫩滑，個汁不是一般䓤油味，似帶甜蠔油燜的味，正!輕濤拍岸 7/10 ~ 即上湯腐竹時菜，湯㡳清鮮，好健康，冇乜油欖角肉鬆炒飯 8/10 ~ 妙得乾爽，飯粒粒明顯，入口好香欖角味。
木瓜雪耳糖水 7/10 ~ 不過不失，甜了些人均消費$110，龍躉一般，反而其他不錯，可能晚飯好些
今年聖誕節2日假期, 不同家庭成員各有Christmas Party要去, 聖誕節後的星期六又有喜宴, 不如早幾日慶祝聖誕+做埋冬...2位阿姐話要試太子新開的龍躉宴, 4千蚊1圍 (未計加一茶芥), 嘩!!! 咁捨得?!! 大家見有鎮店天九翅食, 是但喇, 捨命陪君子...事前訂了位7:00PM, 後來餐廳方面又話要分68PM/810PM, 6PM太早未齊人, 只好揀8PM...8PM前我地已經係阿姐屋企舉行了快速而簡單的聖誕禮物交換儀式... 我親手裝飾的Happy Snowman Cupcakes都OK受歡迎吖, 呵呵...去到餐廳門口, 要等, 之前枱客仲未走... 餐廳裡面唔知係咪得2張大枱, 係正大門口魚缸旁, 路人可透過魚缸清楚看到店內的情況...等候期間, 無所事事, 小朋友就最開心, 又要同大魚影相, 又要睇阿拉斯加長腳蟹同龍蝦, 唔夠高睇麵包蟹仲要我捧起佢, Arrr... 我條腰呀!!!敬送2011年智利紅酒一支...野生石斛燉煙斗骨 第一味已經係湯, 仲以為係金沙骨做前菜之類... 用龍躉的九節骨+雞腳+廋肉+豬腱石斛燉, 清熱解毒, 味道甘甜, 湯渣多得緊要, 好足料...XO醬爆珍菌聖子皇 一般來講, 貝類海產我都唔適宜食, 不過... 今晚要豁出去喇!!! 聖子皇好大隻, 爽脆彈牙, 好鮮味呀, XO醬非常惹味, 食到唔停得口, 好彩第2日唔使去睇醫生啫...砵酒脆焗龍躉球 好地地的健康食物, 點解要拎去炸做唔健康食物呢?!! 炸漿不太脆, 有點腍, 龍躉球好滑溜, 但有骨, 比幼童食的話要小心一點, 砵酒做得出色, 甜甜的酒香, 令整道菜生色不少...鎮店天九翅 上天九翅時, 大家也呆了!!! 天九翅唔係平時去飲, 撈少少醋一齊飲的湯羹嗎?!! 天九翅唔係鯊魚的魚鰭嗎?!! 點解會係煲魚尾?!! 訂枱的2位阿姐找職員問個究竟, 對方一味話啱... 有點被騙的感覺, 大家四目交投, 居然無人發爛, 想必只因大節當前, 一家人想吃得好一點, 不想掃興, 無奈下, 略過了... 平時只吃魚尾的我, 今天不太想吃, 只吃了12口, 心裡不爽, 吃龍(躉)肉都無味, 醬汁味道稍濃, 像平時吃到的栗子排骨煲, 吃魚我都係傾向鍾意清清地...珊瑚蟹蓋蒸龍躉唇 終於有清清地的蒸魚食喇... 龍躉唇加蒜蓉放係蟹蓋上蒸, 蒜蓉味強勁, 龍躉唇好重膠質, 咀嚼時感覺粘粘的, 間中吃到好香的蟹膏, Yummy!!! 不過... 隻蟹蓋... 會唔會係菠蘿炒飯個菠蘿的朋友?!!石窩葱燒龍袍 (真身 : 石鍋醬燒龍躉腩 並唔係我地個套餐的) 上菜時見有個石頭飯咁嘅窩裝住, 又有幾條葱, 誤會係石窩葱燒龍袍, 問上菜阿姐都係一味話啱, 咁正常都照食啦... 感覺係... 好油囉...古桐麻香雞 (真身 : 石窩葱燒龍袍) 理論上應該得返雞同菜, 睇個樣又係魚咁嘅?!! 問上菜阿姐都係一味話啱, 今次問多咗12個職員, 都係一味話啱... 無奈下咬一口, 又係魚, 不過係好厚好厚嘅魚皮, 成片膠啫喱咁, 味道都唔錯... 我已經食到有點反胃, 全餐都係魚, 我真係唔慣... 正當大家高談闊論緊《商品說明條例》(香港法例第362章), 真係忍唔住氣, 再問第4個職員, 終於話我地碟雞未上!!! 吓?!! 之前幾個職員都堅持指魚為雞喎!!! 咁之前果碟又係咩呢?!!古桐麻香雞 佈滿油淋淋芝麻, 雞皮炸到比古銅色更深色, 望一眼都飽, 食一件, 咬唔開, 好韌, 結果, 得2個姪女同姨甥女肯食12件, 80%打包走, 無人肯要, 當然係迫住得最近果個打包... 相信係炸得過火了, 未知是否與近日H7N9疫情有關, 炸熟D, 炸死D箘, 等大家食得安心D...荷塘素燴 食咗咁多舊魚, 終於有其他食物落肚, 即時覺得好味D!!! 豆苗好嫩, 真係抵讚!!! 仲有黑木耳, 車厘茄,草菇, 銀杏, 食咗咁多炸魚之後, 個人即時Green返!!!西施龍肉泡飯 (真身 : 魚子姜蔥蟹皇炒飯) 根據我嘅飲食記錄, 泡飯, 係應該比湯浸住, 呢碟似係炒飯喎!!! 又問上菜阿姐都係一味話啱, 食咗一半先彈個職員出來話比錯, 但無打算換返個泡飯比我地, 似係早有預謀!!! 不過, Honey話呢個仲啱佢食, 魚湯泡飯佢一定唔食, 我都覺得呢個炒飯炒得好好味, 乾身得來又夠香口...生磨蛋白杏仁茶 今日自知, 口味都有遺傳!!! 原來阿媽同2個阿姐同我都Dislike杏仁茶, 連姨甥女都一樣!!! 我夾硬吞咗一碗, 其實都煲得幾好, 杏仁真係生磨同埋真係有蛋白花, 好飲過出面飲到的味精杏仁茶好多, 不過都係比個Dislike!!!Honey成晚笑話去咗麥兜茶餐廳, 上菜阿姐10碟問佢9碟, 碟碟都話係, 碟碟都話啱... 雞即係魚, 魚即係雞, 無色無相, 四大皆空!!!從現實世界返回虛擬世界後, 先知道原來間餐廳好出名!!!9月果時有位仁兄, 救了極度瀕危玳瑁一命, 原來正是餐廳老闆!!! 發現新大陸的我, 即時同Honey講, 點知佢話餐廳門口貼晒出來啦, 你睇唔到咩?!! Arrr... 我當時做緊苦力, 抬緊姪女睇加菲蟹吖嘛...又原來, 街坊廚神食四方都有訪問過, 我真係唔知囉...再原來, 幾個月前好多份報紙雜誌都有報導過龍躉宴, 真係寫住鎮店天九翅係炆龍躉翅!!! Arrr... 其實多日來我一路都以為係騙案, 點知原來人地一早報導晒, 只係我地無做Research就走咗去食...坐巴士返屋企時, 都有驚過會中雪茄毒, 好彩隔咗幾日都無事... 跟手又諗到龍躉瀕危, 罪疚感BaBa聲湧出來... 龍躉宴, 一生人食一次就夠!!!
鉅龍酒家餐單提供粵菜, 廣東, 海鮮, 中菜館等推介美食位於太子區，餐廳座位數未知人均消費約$201-400，結賬可以用Master,現金。
您對於太子餐廳「鉅龍酒家」有何 comment？
鉅龍酒家餐廳詳細資料：
- 鉅龍酒家地址: 太子荔枝角道127-133號地下D&E舖 Royal Dragon Seafood Cuisine, Shop D& E,127-133 Lai Chi Kok Road, Prince Edward
- 鉅龍酒家電話:
- 鉅龍酒家價錢: $201-400
- 分類: 粵菜, 廣東, 海鮮, 中菜館
- 座位: 未知
- 付款: Master,現金
- FB專頁: 鉅龍酒家 Facebook
更多鉅龍酒家相關資料:
香港餐廳2026推介8月