鉅龍酒家 太子

鉅龍酒家 評價 相片

聽聞上環那間鉅龍執左笠，於是嚟太子呢間試下！整體餸菜味道偏濃，好幾道菜，如蝦醬爆豬肉青、龍𧄌扣煲，都一定要餸白飯先得。

海鮮方面，叫左大瀨尿蝦，唔新鮮，肉好散，失望！好在蒸象拔蚌夠鮮甜，又爽口，挽回點分數！最後就叫左石頭魚滾湯＆蛋白蒸兩食，湯芫茜味重左D，遮蓋了魚味。

蛋白蒸石頭魚肉賣相精緻，但唔知係唔係因為其他餸太濃味，搞到呢味菜淡而無味⋯ 好似浪費左條魚咁。

總結係上次在上環食好食D，呢餐算係不過不失吧！

朋友介紹這間龍躉專門店，就在太子地鐵站C2岀口，非常易找。

一到酒家感覺乾淨，服務態度好。

 餐牌有不同龍躉部位的不同煮法，選擇非常多。

其中揀了幾款，都好好食。

食完更有糖水送(杏仁茶/綠豆沙)賣單更有免加一和9折優惠，非常抵食👍🏿

之前去過鉅龍食飯覺得好食所以今天再去回味下.一行二人去左鉅龍食魬......點知.......唉!!!!!!只可以用四個字來形容,,不知所為！第一道小食,椒鹽龍躉皮,,一的都吾脆,,淋到不得了.第二道小食,椒監龍躉肝.又淋又喊,想點,第三道菜翡翠龍躉球,198蚊要我食的大排檔出品,蜜豆無味同炒球一起炒.得的欠包住.好似鼻涕咁,睇見都反胃.再來一個西施龍肉泡飯,我有無睇花>.< 攞個燉湯盅上枱??? 點解吾系煲上????放D炸米落去,D炸米系特色嘅！有料,完全無炸一聲嘅米香~~仲要一路食一跑畢走碗內D鑊屎~~~~D湯仲要清而無味！最後食紅豆沙一碗杏仁茶一碗,好啦明知出品好差都要試一口！oh ~~ No~~~ 這個是紅豆水嗎??? ,你呃我吾到嘅！又黑又苦,系咪放太多果皮呢?最後蛋白杏仁茶,我真系忍吾到了,杏仁無杏仁味.蛋白,在那裏??吾滑都吾想講,仲有(孩口)到不得了.杏仁水也可以咁(孩口)！我輸了......我一定吾會再光顧,,,,,,實在另我太十分失望~~~~

一行10人慶祝生日，訂左12位龍躉海鮮餐。

舊式酒樓裝修，位置唔大。

服務唔錯，估唔到舊式食肆會遇到咁好既服務態度。

上菜上得好快，食哂成餐飯都只係大概一個鐘。

 見到第一碟，份量好細，重以為送餐前小食，一問之下先知原來係第一道菜－川汁龍躉扣，即係龍躉胃。

幾爽口，帶點麻辣，好開胃既一道菜。

 椒鹽龍躉肝：炸得好香口，一D都唔油膩，都幾大舊肝，做到入口即融。

當然冇鵝肝咁香，而且略嫌炸完有點蓋過肝既鮮味，但反而令唔食內臟既朋友都食到，重覺得唔錯。

 翡翠炒龍躉球：叫龍躉塊會適合D。

魚塊好大，魚肉鮮甜，肉質好嫩。

一齊炒既甜豆都好爽脆。

味道比較清淡，如果可以冇咁油就好。

 野生天麻燉龍躉骨：個湯落足料，湯渣有好多雞腳同龍躉骨，D骨上面重痴住好多膠質，食落好香。

湯都幾鮮甜，不過碗湯有成層油。

 豉油皇煎大花竹蝦：個汁好有水準，D蝦幾大隻。

個頭唔食得既部份已經切走左，中間切開，食得好方便，唔使狼狽地剝殼。

豉油皇味一流，只係蝦肉好嚡。

 蒸頭腩：明明係珊瑚蟹蓋蒸頭腩，但冇蟹蓋既。

問侍應姐組咩黎，佢話陳皮蒸頭腩。

點解突然會變左⋯⋯ 都幾好食既，好大舊，好鮮甜既魚味。

 油鹽焗珊瑚蟹：研究左一陣咩黎，點睇都似炸蟹腳多D。

好結既汁冇乜味，蟹腳肉唔多。

個殻已經煮到好腍，而且中間切開左，又係可以乾淨利落地食到D肉。

蟹肉鮮嫩，味道較淡。

同蝦完全相反。

 瓦礃蔥油上樹雞：好大個瓦礃，其實唔係好多雞。

雞肉既嫩又入味，蔥油味同蒜味剛好，唔錯。

爸爸唔鍾意，覺得味道偏淡，我個人就覺得岩岩好。

 輕濤泊岸：好靚既名，實情係腐竹上湯豆苗，好清的一道菜，食完D油膩既食依個就岩啦。

腐竹好濃豆味，煮得剛好，軟身得黎唔太腍，有咬口，食左好多塊，比爽口既豆苗更出色。

 亞拉斯加蟹肉炒飯：飯炒得乾身，粒粒分明，味道一流，咸度適中，亦唔過油！不過蟹肉好少。

論用料槺概，始終都係龍景軒炒飯最出色，真係一分錢一分貨。

 龍袍脆麻花：一開始以為係用蛋漿炸個種甜品，原來係炸龍躉皮，再加芝蔴同淋蜜糖。

貌似好多，其實中間好大堆炸個D絲堆高左，不過大家已經好飽，所以都夠食。

炸得好脆好香口，冇平時既炸魚皮咁硬，加左蜜糖好好食。

問題係厚個D𡁻黎𡁻去都吞唔到，食得有點吃力。

 杏仁茶：出色。

新鮮杏仁磨，好香濃，好微既甜，加D蛋白，好好食。

稀稀地，冇杏仁糊咁結，做飯後甜品一流！我地10個人食個12人餐，開頭驚會食唔哂，最後份量剛好，清哂所有野。

年三十黎過一次食團年飯，質素麻麻。

上次食另一個餐，今次黎試龍躉都抱住試下就算既心態，估唔到又幾好食喎！

每年團年都外賣盆菜, 過往多年都係order得龍, 貪佢足料同有炸鱔. 唔係咁多盆菜有魚食嘛.今年朋友介紹訂炬龍, 有大大舊龍躉嘅廣告單張已經吸引到死.由於單張無說明有咩材料, 都有少少擔心氈底嘅係大堆籮蔔豬皮芋頭等等無謂野.年三十晏晝拎到番屋企, 番熱後, 開飯喇! 嘩!真係幾足料喎! 數吓先!盆面龍躉翅一大件. 側邊仲有十件八件炸龍躉球.鮑魚, 鵝掌, 瑤柱, 蝦, 花菇, 蠔豉伴邊.wow! 下面仲有半隻元蹄喎! 真係估佢唔到.氈底嘅係少量嘅旺菜,籮蔔,芋頭,支竹. 唔~ 無搵笨喎.更難得嘅係味道不太濃, 食得無咁罪惡感.龍躉皮好煙韌,好香魚油味, 我本來以為龍躉肉口感似石斑般彈牙, 原來係另一件事. D肉好嫩滑細膩, 似食銀雪魚. 我喜歡.不過我D家人就一路食一路話: 嘩!好肥呀! ....將D肥美嘅部份吐出來掉在枱上....哎呀, 你哋食其他啦, 龍躉等我KO勒! 哈!總括嚟講, $1000個六人盆菜, 用料不欺場, 味道又OK. 收晒貨!   

鉅龍酒家餐單提供港式, 海鮮, 酒樓等推介美食位於太子區，餐廳座位數未知人均消費約$201-400，結賬可以用現金。

您對於太子餐廳「鉅龍酒家」有何 comment？

鉅龍酒家餐廳詳細資料：

• 鉅龍酒家地址:
  太子荔枝角道62-64號
  Royal Dragon Seafood Cuisine, 62-64 Lai Chi Kok Road, Prince Edward
• 鉅龍酒家電話:  
• 鉅龍酒家價錢: $201-400
• 分類: 港式, 海鮮, 酒樓
• 座位: 未知
• 付款: 現金
• FB專頁: 鉅龍酒家 Facebook

更多鉅龍酒家相關資料:

• 鉅龍酒家分店
• Youtube
• Facebook
• Twitter
• Google