正宗豬肚雞 太子

正宗豬肚雞 評價 相片

上次一個月前黎食過小菜覺得吾差,今次叫多幾個fd又再試下佢既豬肚雞湯底火窩,咁橋有特價398一條橡拔蚌有３斤重,五個人食應該食得到,大家都覺得很鮮味,仲有手打丸都有特式、叫左個黃金鮮蝦丸,裡面係有咸蛋架!幾好味,胡椒豬肚雞湯底好好味,朋友覺得吾夠胡椒但我就剛剛好用黎做湯底連d配料都覺得好味d,但我覺得冬天好Ｄ、仲有好多特色小食如口水翡翠螺,佢用左佢地既口水汁做,吾係好辣最適合我呢種想食辣但又食吾到太辣既人!食物同服務都好滿意但茶錢13元有Ｄ貴,下次會再來食小菜

同朋友行過呢間鋪頭，見到個鋪面幾靚，就入去試下啦。

嗌左個冷盤貴花紅柿。

賣相已經好靚，係個蓄茄上面淋上既應該係桂花製成既醬　食落去好清新，酸酸地甜甜地好開胃食完之後變左呢個樣之後係招牌胡椒豬肚雞湯好正！胡椒味好夠又唔會太辣隻雞好嫩滑，個豬肚都好夠味！間鋪頭環境又靚，食物又正，老闆又熱情同好人，第日有咩飯聚都會建議黎呢到

星期日剛剛係大陸返香港, 專誠出去太子試試豬肚雞煲, 曾經係順德食過念念不忘.....去到大概7:30, 居然有枱不需等位.... 先叫左碟台式涼拌皮蛋豆腐, 有小小豬肉鬆係豆腐面,味道辣辣地,豆腐好滑, 好好味好過隱.. 胡椒濃湯沈絲瓜, 絲瓜份量小得驚人, 但味道都可以...主角終於出場, 招牌鮮胡椒豬肚雞盅$128, 好失望呀!!!!! 個湯原全冇胡椒味, 一點都不辣,淡而冇味, 我即時反應, 那人應該是老細,佢個話係咁, 胡椒味係唔濃, 味道淡係正常, 佢話比碟黑胡椒我加落湯度.黑胡椒到時女待應話, 加落去要煲滾先有胡椒味....唉!!!!點做老細,個阿姐都醒過你, 招牌菜都人失色!!!!(原來order: 原隻鮮胡椒豬肚雞喎$248, 要預先打電話訂)最後啫啫雞煲到, 上枱時香噴噴, 個煲煮得很乾身, 好惹味雞好滑.....白飯兩碗.總括: 小菜味道唔錯, 價錢略貴, 茶錢每位數13, 仲要加一.......真係唔會幫襯下次.......

早幾日男友同班伙記去警察会做完運動，見呢間未試過入去醫下肚，約等3分鐘都好快有位。

坐低見隔離枱食緊樣野點wasabi,又唔係魚生好奇問侍應係乜，係青瓜脆生腸，當頭盤幾過癮又真係幾好食$48抵食跟住叫左過避風塘鮮尤球送下啤酒$78都唔錯好大碟，加左個焦糖菠籮牛柳$88,幾特別酸甜適中，勤力待應推介左個金蒜蒸龍躉背翅針，話好重骨膠，我女仕聽到緊係超like啦，加上我地加埋六個人一人一舊唔駛爭$238貨真价實，我都見到幾多食客叫呢個餸，有信心保證最超值係原來逢一至四食小菜加$138就有上湯龍蝦伊面，我地五男一女全部食到捧住個肚走，男友囗痕朋友仲話今餐食完體重反彈因做完運動仲吸收,不過成班男人都覺得果晚d野好食就算反彈都抵番哂嘅

今晚六點鐘去食飯🍚，冧住早 d食完行花巿.我地三個大人一個小孩，叫左一盅楜椒豬肚雞湯 $128 ~ d 湯唔夠楜椒，一碟薑汁芥蘭 $78 ~ 普通啦！一個乳鴿飯 $138~ 約有四碗，但太油及味太濃、冇咩乳鴿肉，一個黑酷肉排 $88 ~ d 肉好似煲湯骨、大舊又唔入味，再加多一碗白飯$10 呢間嘢出餸好慢、已經唔係人多 總共食左$510, 其中每位茶錢$8,不旦只、還要加一，冇咩服務，又唔係好好環境所以，只此一次。

。

正宗豬肚雞餐單提供粵菜, 廣東, 火鍋, 海鮮, 中菜館等推介美食位於太子區，餐廳座位數未知人均消費約$51-100，結賬可以用現金。

您對於太子餐廳「正宗豬肚雞」有何 comment？

正宗豬肚雞餐廳詳細資料：

• 正宗豬肚雞地址:
  太子花園街211號地下
  正宗豬肚雞, G/ F,211 Fa Yuen Street, Prince Edward
• 正宗豬肚雞電話:  
• 正宗豬肚雞價錢: $51-100
• 分類: 粵菜, 廣東, 火鍋, 海鮮, 中菜館
• 座位: 未知
• 付款: 現金
• FB專頁: 正宗豬肚雞 Facebook

更多正宗豬肚雞相關資料:

• 正宗豬肚雞分店
• Youtube
• Facebook
• Twitter
• Google