新友興茶餐廳 太子

新友興茶餐廳 評價 相片

見到矩甘抵35蚊牛腩河，就order左啦！叫埋飲品都係38！味道利講，我比四粒星🌟🌟🌟🌟，首先，個牛腩係同出面食既唔同，口感偏硬少少，有別於平時食個d，不過，呢種我當矩係個人特色，因為間間炆牛腩都會有少少唔同，唔洗要做到一模一樣先好食既！不過矩仲有好多野可以選擇既，茶餐價錢都係平既，好抵食！岩哂反工要食外賣既人，落order到送到利，等候既時間都唔太耐，今次我叫既係河粉，都一d都冇漲。

總括利講，性價比都好高，以香港既物價利講，矩都仲做到呢個價錢，真心抵食！

今日路過一間較為傳統既茶餐廳餐廳本身唔算太大，不過枱既距離都唔錯，唔算太逼兩點開始下午茶，坐坐下都開始滿座，人流好多呀，餐牌好多選擇，而且價錢好抵添我地就嗌左「吉列魚柳加蔥花滑蛋奶醬多」「炸雞脾」同「芝士魚柳焗意粉」吉列魚柳加蔥花滑蛋奶醬多，有兩塊魚柳炸粉唔會好厚但扣分既係其中一塊魚柳有陣咖哩味既蔥花炒蛋唔錯蔥味好重味而且蛋都幾有蛋味，加埋煙肉，總體不錯👍多士既煉奶好多，有爆醬既感覺，多士都幾脆，係唔錯既「炸雞脾」都大隻既，炸得唔錯，唯一美中不足係雞肉太咸，雞味被蓋過左「芝士魚柳焗意粉」芝士份量都唔錯，有拉絲既，魚柳就太厚粉，不過係啖啖肉飲品有凍熱奶茶各一杯同熱檸水，凍奶茶太重奶味，雖然食物質數唔係突出，不過佢既價錢係贏左既

喺太子番工的我經常都會來新友興食飯。

貪佢大件夾抵食。

入面就真係好屈質，枱放到好埋，肥少少都過唔到。

無計啦香港地租貴，唔放多幾張枱做生意，都驚間茶記做唔住呀。

幫襯的客人都係男人多，食物同客人同我一樣咁麻甩。

我呢個麻甩女車手嗌左個蒸鯇魚飯。

我最中意用啲魚汁來撈飯。

舊魚都算大舊，鯇魚當然係多骨，都預左的，食的時候小心啲～朋友的蒸雞飯都好香，個汁又係撈飯無得輸。

雞蒸得岩岩好，好滑～之前我地嗌過午餐以外的餸，即叫即整，仲要唔貴。

午餐食個花膠鵝掌煲勁大煲都係60令蚊仲有一樣野要讚的係，如果我地多人來食，店員姐姐會幫我地執過位，等我地有得入來坐，都算好幫得手呀！

新友興黑面樓面歡迎你樓面D姐姐 黑口黑臉好似你欠佢錢咁 雖然都知道數面辛苦 但揾食邊行5辛苦先？一係5好做囉服務行業咁既態度 個價錢再平都5會再去啦！！！！！！55蚊都係錢黎！！！！做咩買難受？！！！！！！！！！！！返工俾老細黑臉5夠皮可以來新友興 好好享受下！！！！而且茶记大把！！！！！差5多60蚊！！！！！大把選擇！！！！！！個味又極之~~~咁麻麻~~~~~5知係重手左倒左成袋盐定5新鲜拉？？？食完個口乾到咩咁如果有朋友仔想挑戰自己的腎功能新友興黑面樓面歡迎你

啱啱搬來呢頭，朝早落街唔知食咩好，行行吓見到呢間餐廳入面好似幾多人甘就入去試吓個早餐，坐低睇個餐牌，選擇都算多，早餐竟然有肥牛，甘我叫左肥牛米線配紅長煎蛋多士，個多士仲可以揀奶油，奶丈，果占，讚！個餐都算大份凍奶茶都幾好飲個湯食得出無味精，下次會再幫趁

新友興茶餐廳餐單提供港式, 茶餐廳, 冰室等推介美食位於太子區，餐廳座位數52人均消費約$50以下，結賬可以用AlipayHK,支付寶,現金，Booking訂位可以電話致電 23808970 查詢。

您對於太子餐廳「新友興茶餐廳」有何 comment？

新友興茶餐廳餐廳詳細資料：

• 新友興茶餐廳地址:
  太子荔枝角道72號建煌樓地下
  新友興茶餐廳, G/ F, Kin Wong House,72 Lai Chi Kok Road, Prince Edward
• 新友興茶餐廳電話: 23808970
• 新友興茶餐廳價錢: $50以下
• 分類: 港式, 茶餐廳, 冰室
• 座位: 52
• 付款: AlipayHK,支付寶,現金
• FB專頁: 新友興茶餐廳 Facebook

更多新友興茶餐廳相關資料:

• 新友興茶餐廳分店
• Youtube
• Facebook
• Twitter
• Google