薄餅店 太和

薄餅店 評價 相片

是日紅日~我地3個波友~篤完波~~去食野!!!PS:我輸波要講食野!!!諗下諗下想食PIZZA~~大埔個FD就話食E間野~入到去就我發板,叫左E D野~百里香燒排骨肉有陣味,而且好多肥肉,食落去完全冇口感炸雞:呢個就經典la..因為我最炸雞~d炸粉多到嚇親人,最緊要係件雞好似營養不良,咬落去冇咩肉...環遊世界 pizza:個pizza都係差,一拎上手好肥,成手都係油,其次,個底唔夠脆,好似放左多耐禁,味道又唔夠濃,食左件就已經想放手脆薯:呢個係唯一可以接受既野,夠熱,夠脆,份量亦ok!食完E餐~我地有同一感覺~~下次篤完波...都係去飲茶!

食過多問pizza外賣速遞，相信是最差的一間。

下次不會再幫襯1. pizza算咁多樣嘢嚟講比較好，但只有芝士，沒有其他餸料，又話係至尊批。

2.香蒜肉絲意粉勁乾勁硬，又冇料。

3.忌廉湯很稀好似水咁。

4.炸雞好多油，第二間外賣速遞人哋送嚟後都不會食到成口油，連我個仔冇乜要求都話晤好食。

只係叫左細既夏威夷pizza（唔要汽水）, 個批好多料同芝士，勁正！可能是堂食既關係，個底仲好脆，唔似外賣pizza變林晒，所以特別好味！~~堂食仲要冇加一，好抵食！28蚊一個人食，飽飽。

我可以講呢間野d食物是好食的,而且價錢上都算便宜當然個餐單同芝脆雞基本上冇分別而食物質素而言,也許沒有什麼可以比較單講食物及價錢是值得食完再食只係,員工質素則差到,我可以用成班未訓醒來形容這是他們的態度我用幾次光顧的例子去說明我所指的員工是指除了一位男人,他應該是店長,送外賣的不評價樓面d女性全部好唔掂,指工作方面1.一次我想叫自取,諗住打電話落order,但佢o個d什麼大胃a,輕便b o個d名詞,我幫襯個一次又點記得咁清楚d名堂電話也是在orenrice搵,我形容比條女聽,我上次要個餐有個6吋pizza,一個飯,3件雞,同飲品,我講左起碼5次係6吋,價錢8折後是76元佢電話中就不斷問個男人,即疑似店長,呢個咩餐,之後就幫我落左,話8折後10x元,我心諗會唔會咁快貴左成三十幾蚊呀,原來佢寫o個個係9吋pizza餐講左幾次係要6吋,之後佢問左個男人幾次,個男人都忍唔住搶電話聽,之後唔洗半分鐘就幫我落到order,條女就5分鐘都未搞掂認真o個句,其實你做得呢個位,日對夜對d人叫餐,個餐單係咪應該要一早背好晒呢?何況只係背的餐,只是不足十個我諗一個人食過幾次都識背lor2.承上點,等20分鐘都唔算耐何況仲會打比你,呢點值得加分唔check野就走係我錯番到屋企發覺少左個飯咪打去同佢講又係o個條女聽,佢掩住個電話問個男人(掩住但仲係比我聽到o個隻)"係咪叫佢落黎拎過"我心諗你夠膽咁問我一定省到你成面屁當然,都係o個句個男人d經驗應該係老練的,故他只答一句,就係送番上黎所以我想講,大家外賣o個陣check下野先好走,唔洗麻煩大家3.近期再去有時就會體諒d食飯時間會忙到踢晒腳當我行到去準備叫野食o個陣,我準備開聲時,有電話,佢竟然走去聽其實,你唔係應該先照顧你面前的客先咩?電話o個d老老實實,需要的遲d都會再打黎la.....點可以要面前的客等待?4.在等外賣過程,聽到好多堂食客話收錯錢,起碼3個(老實而言,是多得離譜,間野又細,何況進食時間又長,我等個餐的時間見到成3個客話收多左錢我覺得係極多)個疑似店長就不斷say sorry同退錢....5.平時等就大約20分鐘,今日等左超過40分鐘,冇人覺得有問題,只係個疑似店長見我等左好耐就睇我張單,主動話幫我跟跟這便是服務態度lor,等都冇咁燥6.最後,在等待過程,其實聽到附近好多進食中的客,也說呢間野的職員好唔掂,成班發緊夢咁總結,食物是值得去食的至於員工質素真的冇一間野可以及得上咁差,當然送外賣我未試過,他們不包括,疑似店長服務態度也好,不包括但對樓面那班女員工,大家真的要有極大的包容力,否則進食只求開心o者,如果怕比佢地激親我會建議你去其他地進食

太太坐完月了, 她家人終於放行, 兩口子好耐沒有逛過街同一齊出街正正式式食一餐啦. 是日, 擺低阿B俾阿姨. 我們行一行大埔中心. 晚餐, 就回來太和呢一頭, 來試試吒一間飲食男女介紹過的小小Pizza 店. 食雞, 食批. 我本來想回味Pizza Hut的, 不過, 按太太意思, 而且坐完月之後應該冇乜機會係呢一頭外出搵食. 咁, 就來試試吧. 一路都以為呢一間係好似Pizza Box咁, 只做外賣的小店. 行到去, 原來係一間有檯有櫈既Pizza 店. 外國式Pizza店既經營法, 先俾錢, 後等批. 汽水, 餐具, 醬料, help yourself. 最快搞拈俾我的, 是炸雞一件. 外皮脆脆的, 一般美式的炸雞. 不過, 始終是KFC的好食. 這個雞, 感覺粉太厚了, 雖能鎖得住肉汁, 但粉唔夠味, 又厚. 雞肉滑又如何. 食炸雞, 最重要係食佢層皮嘛.蘑菇雜菜焗飯, 淡淡地, 純素. 芝士夠多, 不過香味咸味未夠. 淡口, 啱哂齋妹口胃, 我總是喜歡帶點味道同香口的食物. 呢個焗飯, 從我角度來說, 唔好食, 但從齋好角度來說, 好好味.主角出場, 當然是這先的Pizza. 我們叫了一個Regular的Pizza, 名叫 50/50. 每樣一半. 一半是肉的, 香草烤雞, 一半是素的, 世外桃園. 世外桃園的一半, 用上千島醬, 有蘑菇, 金菇, 粟米. 菠蘿同蜜桃, 帶出一種特別的甜味. 芝士加陪的多, 可能是Benefit from 我的一半. 因為我的半份香草烤雞說明是加陪芝士. 香草烤雞, 有雞肉, 雞蛋, 不過咁樣焗過的雞蛋, 質感怪怪的, 綿綿的. 我喜歡加點辣椒粒再食. 加點spicy,芝士又夠香. 餅底如麵包般, 鬆軟非常. 飲食男女介紹得冇錯, 呢間的確係有水準的連鎖PIzza店. 好食的地方, 多來不怕.太耐沒有兩個人撐檯腳, 談天說地了, 一路食, 一路傾......嘩...9點多了..........要趕回外婆家.....始終呢, 小朋友太細, 都係唔係幾放心.PS. 為何topic叫雞同批講, 記得當年的老片, 雞同鴨講嗎? 附近剛好又有燒臘店茶餐廳. 情景相似, 而且又係係大埔. 實在有少少巧合.

薄餅店餐單提供意大利菜, 薄餅, 西餐廳等推介美食位於太和區，餐廳座位數40人均消費約$50以下，結賬可以用現金。

您對於太和餐廳「薄餅店」有何 comment？

薄餅店餐廳詳細資料：

• 薄餅店地址:
  太和太和翠怡花園C座14A地下
  Pizza and Chicken, G/ F,14 A, Block C, Greenery Plaza, Tai Wo
• 薄餅店電話:  
• 薄餅店價錢: $50以下
• 分類: 意大利菜, 薄餅, 西餐廳
• 座位: 40
• 付款: 現金
• FB專頁: 薄餅店 Facebook

更多薄餅店相關資料:

• 薄餅店分店
• Youtube
• Facebook
• Twitter
• Google