Polaris 太和

Polaris 評價 相片

上次食過夜晚好好食所以今次決定黎試吓食午市，午市好抵食 60幾蚊有個大蝦奶油闊條麵既set lunch啲蝦好大隻，蝦肉好彈牙新鮮個意粉好重奶油味，軟硬度啱啱好平時食唔晒一個意粉嘅我好味到今日成個食晒前菜有個蕃茄湯，好開胃不過我完全唔食得辣嘅湯入面嘅胡椒令我覺得有少少辣另外叫咗個凍奶茶咁啱坐喺水巴隔離見到佢用日本奶嚟沖 好滑好香不過見到餐廳好似未請夠人見佢哋好忙 樓面踢晒腳希望之後好啲啦下次會再嚟試其他意粉或者意大利飯

好鍾意食野但好懶嘅我第一次因為一間餐廳寫食評因為啲野食實在太出色首先要介紹下呢個set dinner嘅頭盆煙三文魚慕絲配Polaris脆片個慕絲有煙三文魚嘅咸香之餘，仲有少少酸忌廉嘅香味，配合個脆片黎食，香口之餘又開胃白酒忌廉汁煮活青口配麵包$88 嘅價錢有成8,9隻性價比十足。

而且第一次食到青口係咁creamy口感有啲似生蠔，鮮味十足麵包配個忌廉汁食都好好味好抵食！炭燒安格斯封門柳係set dinner入面嘅主菜通常封門柳都係用黎打邊爐第一次喺西餐食呢個部位我地揀左5成熟。

非常有驚喜！肉味香濃之餘仲可以烤到外脆內軟。

薯蓉打得好均勻而且好香奶油味，一食就知唔係薯蓉粉+滾水！食埋個炭燒翠肉瓜解膩，一流！最後呢個法式焦糖燉蛋好穩陣嘅甜品，焦糖香脆，燉蛋軟滑而且有雲呢嗱香味好食，但算係最無驚喜嘅一道餸整體而言呢一餐都食得好滿足。

唯一缺點就係出餐比較慢可能係因為新開張嘅關係，好多野未上軌道相信之後會越做越好希望可以保持食物質素！95分！

平時好少食西餐廳🎉，見有間新餐廳，🎊🍸🌿環境睇落都唔錯，見有文青feel，🌿🍁🎻就入來試吓，果然有驚喜。

一個字😋正，職員後生仔，後生女，服務都唔錯㗎，最緊要一樣嘢價錢唔貴。

🤗雖然喺太和，但係喺太和地鐵站只需要幾分鐘時間，若果平時星期六、日去或者放假去都係一個唔錯的選擇，起碼唔似市區咁迫咁多人，另外值得推介嘅嘢就係好美味鵝肝，好嫩滑牛扒，黑松露蘑菇湯都唔錯，仲有仲有佢polarities 飲品都唔錯，好多新鮮嘅水果🍅🍑🍒🍇🍉🍓🫐

新鋪開張第2日梗係要試試佢啦！小店西餐真係超水準！性價比極高！我絕對會再幫襯黑松露牛肝菌蘑菇濃湯非常足料！去過其他餐廳有啲會偏油。

Le個湯絕對冇咁嘅感覺！加$28轉le個湯係冇轉錯架！藍花蟹肉露荀意大利飯味道岩岩好！鐘意食Risotto嘅朋友真係要試！慢烤西班牙黑毛豬鞍·黑醋燒汁·青蘋果蓉我本人極度鐘意個黑毛豬配青蘋果蓉！個配搭好清新！加上個豬鞍好有豬味又唔會過熟，味道同口感一流！老闆請左我地食個蟹餅可以比下意見。

嘩！係好足料！味道又唔會好咸，好有蟹味！推介！我好鐘意個燉蛋🤤🤤🤤個蛋好有蛋味仲要creamy 🤤🤤  ——————————————————————大家真係不妨去試下新鋪開張老闆仲會不斷問下大家意見希望下次去會再有其他驚喜

Polaris餐單提供西式, All, Day, Breakfast, 咖啡店等推介美食位於太和區，餐廳座位數未知人均消費約$101-200，結賬可以用現金，Booking訂位可以電話致電 59988514 查詢。

您對於太和餐廳「Polaris」有何 comment？

Polaris餐廳詳細資料：

• Polaris地址:
  太和太和路15號太和中心9號舖
  Polaris, Shop9, Tai Wo Centre,15 Tai Wo Road, Tai Wo
• Polaris電話: 59988514
• Polaris價錢: $101-200
• 分類: 西式, All, Day, Breakfast, 咖啡店
• 座位: 未知
• 付款: 現金
• FB專頁: Polaris Facebook

更多Polaris相關資料:

• Polaris分店
• Youtube
• Facebook
• Twitter
• Google