豚王 (元宮閣) 太古

豚王 (元宮閣) 評價 相片

真係唔記得有幾多年冇食過豚王拉麵😆佢可以話係香港日本拉麵嘅元祖，仲記得好多年前銅鑼灣舖頭啱啱開張，大熱天時排隊排左成個鐘先食到🥵 由於太熱太辛苦，影響咗個味覺🤣所以一直對豚王冇乜特別好感🙃呢日經過，完全唔需要排隊，就入去回味下啦😆 食完竟然覺得幾好食喎😋🌟黑王墨魚汁湯底，好濃郁好香，可以選擇腩肉或者肩肉，個人鍾意肩肉多啲因為冇咁肥，呢個黑王推薦👍👍👍🌟赤王赤王相比黑王就冇咁特別，辣度可以自由選擇，呢個味道就不過不失啦 🙃

尋日夜晚去咗太古豚王拉麵，呢間係太古東隅酒店對面，好近地鐵站，地鐵D1出口一出過馬路就到了，我同朋友夜晚7:00去到食，冇咩人，其實餐廳都唔算大，肉眼見到大概有四五張兩人座位嘅枱，然後有兩張長嘅自修室枱既位，我諗都可以坐到六至八個人。

兩個人我哋叫咗兩碗拉麵。

第一碗係豚王，價錢$89第二碗係限定王，價錢大概$95 唔係好記得。

揀叉燒方面，可以揀腩肉同肩肉。

其實兩款肉我都麻麻哋，腩肉真係好肥， 叉燒方面我真心覺得x蘭 好食好多🤣然後我哋加咗:肩肉$182隻糖心蛋$17 @1 隻 值得叫💛餃子🥟 $38呢個好好食⭐️

食過好多次豚王，但係一直都冇打食評，今次咁岩嚟到太古城中心呢邊行街有啲肚餓又諗唔到食咩就決定再食一次啦～之前都有試過佢唔同味道嘅拉麵同湯底，今次就食赤王，其實都係辣湯底嘅意思，職員會比一張紙俾你剔自己個人嘅口味選擇可以選擇秘製醬汁嘅濃度或者係蒜蓉嘅多少叉燒方面我就揀咗要肩肉，口感比較厚實唔算太多肥膏，菜方面我就揀咗要椰菜唔要葱，辣度就揀咗5辛，辣辣地真係好開胃，又唔算好辣辣到好辛苦嗰種，另外加左一粒$17糖心日本雞蛋，同埋叫咗個$22綠茶可樂，自己個人就覺得唔係太飲到綠茶嘅味道，但係係甜甜哋咁樣嘅汽水味枱面會有一個白色樽裝住嘅芽菜係免費自己鍾意加幾多就加幾多，呢方面其實我自己覺得幾加分嘅，因為本身我係好鍾意食芽菜😆😆芽菜浸落湯底加埋拉麵一齊食真係好正，拉麵方面呢我今次就叫咗要幼面，但都係覺得粗麵比較有口感，同埋彈牙，因為幼面實在太過幼變左無乜口感

好耐冇食個拉麵，今日自己一個人，就貪方便就喺屋企附近食。

都好耐冇嚟過豚王，平時我都係鍾意食佢嘅黑王，嗰個肉球我覺得好正，但係今日見到佢個限定王係蕃茄湯底，就即刻試吓，因為我都好鍾意食蕃茄湯。

限定王淨係需要揀面嘅硬度，同埋肉，我鍾意硬面，配腩肉。

碗麵一上枱，已經聞到好香，好多蕃茄係湯，撈勻之後對我來講係有少少偏酸。

湯底感覺上冇以前咁動，腩肉依舊係有三片，蔥同洋蔥都足夠。

但係對我來講，我都係鍾意黑黃多啲。

可能因為生意嘅關係，而家個面嘅份量細個以前好多，我以前食完一碗麵，係會超級飽。

但係今日食完晒成個面，再飲埋啲湯，都唔係好夠。

之後我再去買咗一個魚柳包食😅

食拉麵對我來講最緊要係麵質，麵質好自然會掛湯。

好耐冇食過豚王，無意中經過趕住食晏，所以入去食咗一碗。

豚王嘅拉麵係我鍾意食嘅白身幼麵，麵質軟硬適中有口感，拉麵掛湯狀態良好。

叉燒亦都恰到好處，唔會太乾身口感唔錯。

好嘅拉麵店我通常都會追加替玉，追加替玉可以確保麵質嘅軟硬度。

我下次嚟食一定唔會追加，今日太趕時間所以冇加到。

最後覺得湯底味道都唔錯，可能我個人喜歡較味嘅湯底，所以下次會試吓其他湯底。

食之前唔記得影相，補返張食完嘅相。

豚王 (元宮閣)餐單提供日本菜, 拉麵, 咪嘥嘢食店等推介美食位於太古區，餐廳座位數未知人均消費約$51-100，結賬可以用AlipayHK,支付寶,現金,微信支付,EPS，Booking訂位可以電話致電 31891200 查詢。

您對於太古餐廳「豚王 (元宮閣)」有何 comment？

豚王 (元宮閣)餐廳詳細資料：

• 豚王 (元宮閣)地址:
  太古太古城太古城道20號元宮閣地下G404號舖
  Butao Ramen (Yuan Kung Mansion), Shop G404, G/ F, Yuan Kung Mansion,20 Taikoo Shing Road, Taikoo Shing, Tai Koo
• 豚王 (元宮閣)電話: 31891200
• 豚王 (元宮閣)價錢: $51-100
• 分類: 日本菜, 拉麵, 咪嘥嘢食店
• 座位: 未知
• 付款: AlipayHK,支付寶,現金,微信支付,EPS
• FB專頁: 豚王 (元宮閣) Facebook

更多豚王 (元宮閣)相關資料:

• 豚王 (元宮閣)分店
• Youtube
• Facebook
• Twitter
• Google