龍翔酒家 天水圍

龍翔酒家 評價 相片

我記得我每次做天水圍區的食評.都說在呢個地方找好東西吃有難度.不過隨時間的過去.這區食店的確有明顯的進步.雖則環境末算十分好.但仍可以不撘枱,有自己的空間.服務不算太差.店員有問必答,只是加茶的效率有點慢.只係同我媽媽同一位姨姨輕食的一餐.食物不算點太多.而且是位姨姨請.價錢方面我只知是大約40元一位...燒肉飯:食左一半先開始影.飯夠熱.軟硬度適中.而燒肉皮之後一層肥.一層瘦.數落都有五層,入口甘香.而皮也越咬越脆.相當好食..呢間酒樓是推點心車的..但蝦餃同流沙飽是要填紙...蝦餃:雖則有幾摺.不會一夾即穿,但皮相當厚,蝦肉少得可憐,入面8成肥膏,差....流沙飽:不流沙.估不到饀很少.不過不會太甜.而且上手熱辣辣.都可以收貨胡椒豬肚湯:胡椒味有但不重.豬肚林而乾淨.咸菜也不算咸,湯試左2啖也清甜...3個人120元也合理

同媽媽落樓下飲茶...........蝦腸係我"飛佛",必叫既~呢度d蝦都幾大隻架~~~d豉油夠甜好好味~~~下午茶有一隻叫三色燒賣,我就以為係黃色個d燒賣咁點知佢係好似牛肉球咁既物體,三隻都唔同,咁就叫三色燒賣~我覺得呢度有點兒好似呃人咁.........字面上~而且唔好味!!!!!!!仲有食韮菜鮮蝦餃~呢個亦都好好味呀!!!!入面有d汁咁,正!!!!!!!!呢一間我都幾滿意,相比起3/F個間,我鍾意呢間多D!!!不過服務員態度可以改善下,不過呢度太忙喇,唔怪得既~

Finally "A Restaurant that can be trusted"I travel with wheelchair, sometime it is very hard for me to travel inside a busy restaurant, but in LongView the space between the table are very spacious.It was very easy to travel around inside the restaurant.Also the service was very good, as soon I enter the Restaurant there are greeting from Left to Right from the workers. Food are beyond my expectation!!!!!GOOD Price too !!! Lovin it !!!

呢間野d 服務態度真係第一流咁差，我開左openrice 個account 已經好幾年，但平時都好懶上黎寫食評，但今日真係頂唔順，一定要上黎寫下，宣洩下今日既不快！一向以黎我同屋企人係星期日返完教會之後都會去天澤飲茶，有時會去三樓既富澤，有時又會去下龍翔。

今日就揀左去龍翔。

我地拎左張10人檯，張檯個位對到正風口，我地幾個一坐低係度等齊人既時候已經俾d 風兜口兜臉咁吹左10分鐘，終於都頂唔順叫待應阿姐幫幫手較細d冷氣，較細完一陣唔知點解又大番，先後三次同阿姐反映過。

後尾我見到有個身形較肥既經理，叫左佢過黎同佢好聲好氣咁問冷氣係咪唔可以再較細d, 都未講到第二句佢就已經開始反駁我（係唔俾機會我講果種），話佢地酒樓d 冷氣係咁，係天澤商場中央架喎，壞左呀，無得較細架。

（不過之前D待應阿姐又話幫我地較細左，有得較細，咁即係唔係中央啦，究竟邊個講緊真話，真係天曉得了）“小姐你知唔知呀，我較細左你呢邊（講講下又無中央冷氣了），人地隔離檯又話熱架喇，我顧得邊個先得架？” 我問：“咁有無其他方法呀？我地真係覺得好凍”肥經理：“無架喇，邊有方法呀？一係同你調檯囉好無？”　我話：“好丫咁你幫我調，幾耐度會有呀？”肥經理：“調囉調囉，即刻調，果邊有吉檯呀，4位既，你o岩唔o岩丫?” 我話：”呀經理，請問我地10個人點坐落去4人檯?我要一張10人檯”我地覺得呢個肥經理根本就唔係想為顧客解決問題，分明只係想窒番我囉。

之後個肥經理同左一個待應講話 “有檯幫佢轉啦, 有檯先幫佢轉喎”之後十幾廿分鐘我地見到周圍既八人檯都有人入緊座。

後尾帶位姐姐帶左後尾黎既屋企人，見我地係度討論就問我地咩事，一問之下原來根本就無人同佢講我地要調檯呢個安排！即係個肥經理根本乜都無做過！奶奶走左過隔離張檯度睇果邊係咪會無咁凍，另一個睇黎似高級d 既經理問佢咩事，然後我就再同佢講呢件事，因為當時隔離檯已經差唔多食完，我就話，我等呢張檯得架喇，有檯你就安排我坐過黎啦”，佢竟然同我講“你唔好咁大聲先，會影響其他客人架（我心諗，你頭先你個同事咩態度咩語氣咩聲量呀，唔知邊個大聲先囉！）你係覺得呢張唔凍喇嘛，好丫，咁你企係度等”．．．我問佢我仲乜要企係度等，我返埋位等唔得咩？我之後淨係同佢講，總之我想轉檯，你乜都唔洗幫我搞，我淨係等呢張得架喇！無理佢就坐番埋位。

成間酒樓d 經理都係一樣咁無禮貎，亦無打算幫客人解決問題，果個位凍，你唔幫人轉檯，都其實可以俾件披肩個客摟下，就算無披肩都可以俾張檯布個客摟一摟。

好，我返埋位等既時候屋企人已經到齊。

之後果個好似高級ｄ既經理走黎同我地講，有檯啦，不過細小小喎，果度一定唔凍，就叫我地起身。

去到近門口既位置，俾左張得4張凳既圓檯仔俾我地！d 待應係咁拎d 圓凳仔黎！我地所有人都覺得呢個安排好奇怪，似係想敷衍了事咁。

跟住奶奶就話唔食啦唔食啦，走啦，就拎左張單去搵果個經理話我地唔飲啦就去左埋單。

　我走返轉頭問果個肥經理姓乜，佢問番我轉頭：“我姓譚既，你想投訴我呀？我地d 老板係哂度架喇（指向另外果個經理），你咪投訴囉”呢間野我地以後都唔會再幫襯！

見龍翔酒家開左張都成2個月未幫襯過,所以就同家人去食晚飯可能我地去到時間尚早, 得我地一檯人!~但當我地坐左一陣就愈黎愈多人仲有人等位!~可能係星期日既關係!~我地叫左咕嚕肉,xo醬炒西芹魚柳,苦瓜魚腩同椒絲腐乳通菜估唔到佢d小菜又幾好, 食得出係新鮮, 佢d咕嚕肉係即炸!~其他小菜又唔太咸幾好仲幾抵,加埋一都係$160!~

龍翔酒家餐單提供粵菜, 廣東, 點心, 酒樓等推介美食位於天水圍區，餐廳座位數未知人均消費約$0，結賬可以用現金。

您對於天水圍餐廳「龍翔酒家」有何 comment？

龍翔酒家餐廳詳細資料：

• 龍翔酒家地址:
  天水圍天澤商場2樓212-213號舖
  Long View Chinese Cuisine, Shop212-213,2/ F Tin Chak Shopping Centre, Tin Shui Wai
• 龍翔酒家電話:  
• 龍翔酒家價錢: $0
• 分類: 粵菜, 廣東, 點心, 酒樓
• 座位: 未知
• 付款: 現金
• FB專頁: 龍翔酒家 Facebook

更多龍翔酒家相關資料:

• 龍翔酒家分店
• Youtube
• Facebook
• Twitter
• Google