客家好棧 天水圍

客家好棧 評價 相片

印象中好似係第二次食客家好棧兩次都係飲早茶🍚今次叫左個魚肉茄子🍆有少少咸😂 應該落得太多鼓油 哈哈魚肉都好足料 幾有咬口個茄子都煮得冧 整體黎講算係唔錯個涼拌就麻麻地個花生醬好似無開稀到漿住係個口到 痴住曬咁 所以花生味好特出好似食緊花生醬既感覺感覺好奇怪 鮑汁雞腳就可以一試啦因為好入味 而且煲到好冧幾好食 一咬就甩er...er...er...佢個皮就炸得太脆啦同埋有種翻炸既感覺 食落口好乾而且好油蝦腸就正常發揮

諗住去食個下午茶，要乜冇乜，本身都冇乜客, 都仲要等大半個鐘先有嘢食到，叫咗六樣嘢，得五樣到。

BTW壺鐵觀音茶葉碎到啖啖都飲到🙄七味炸豆腐 脆嘅， 有味嘅，唔差。

蝦餃 口感ok但有怪味炸雲吞 脆係脆呀但油到一路滴燒鴨瀨 正常鮮蝦腸 落完單先話冇做腸粉魚鬆炒米粉 一粒魚鬆都見唔到，啲西芹仲要全部霉曬黑曬，又油又咸到抽筋。

算喇嗱嗱林飲多幾啖水食D走人, 點知個收銀拎錯單收錯錢又唔認聲大夾惡，搞咗勁耐先退錢，真心一肚火，冇咩唔會再去!

早市芝麻糊只需$6.8，又勁好食，連我唔鐘意食芝麻糊既都一試愛上香芋酥盒又好好食，芋頭控必食，$12.8，有三片，如果係熱上時無得輸盅飯新鮮熱辣辣，味道夠濃，非常入味，淨返晒白飯都係次次全清。

服務一般，因為樓面姐姐太少，有時候落單都需要自己親身交紙比佢地，否則舉到手都軟宵夜星期一到五九點後有半價都抵食，但選擇唔多。

係嘉湖海逸酒店上面，但好似次次去遊客都唔多，係街坊、公公婆婆多，所以整體環境都可接受。

端午節當日一早就去到天水圍去探長輩，陪佢哋去客家好棧飲個早茶，聽佢哋短話長說，repeat又repeat再repeat，一坐就坐咗三個幾鐘。

我哋食嘢唔多，隨意點了幾個點心和一個超級抵食的燒腩飯，便捱過中午，期間沒有人來趕，成餐茶三百幾，咩都抵番晒。

普洱茶味道唔錯，飲得下。

煎薄餅，味道淡咗少少。

馬拉糕蒸到出來是熱辣辣的，非常鬆軟，幾好味的。

干蒸牛肉水準一般。

湯餃細細粒，但啲皮超厚，下次記住唔好叫。

叫隻糯米雞大家食，當係食咗糭應咗節。

菠蘿叉燒包就係最好食。

至於最抵食的當然係燒腩飯，係長輩特別推介的，三十幾蚊超大碟，佢話平時來這裡，兩個人一碟飯加多一個點心，就飽晒。

母親節唔自己煮 都係俾佢地賺架啦咁耐無食原來佢地用Gulu system拎飛係屋企拎飛等 唔洗排到2046發牛豆.今次叫左兩個套餐上湯龍蝦伊麵配沙薑雞龍蝦伊麵幾入味 龍蝦啖啖肉又夠爽 新鮮野雖獨是個軒汁太杰 有d粉 中左一般酒樓既閉病沙薑雞就老左d 過左火喉唔好食 點住d沙薑汁勉勉強強啦龍躉兩食皮夠厚 肉夠韌夠實 厚度啱啱好口感豐富班球炒翠玉瓜就食晒先上菜 有d耐 節日飲茶速度都真係要見諒既依家望返個價錢都覺得唔抵 埋單600幾 母親節大出血😭😭😭😭😭😭

客家好棧餐單提供客家菜, 中菜館等推介美食位於天水圍區，餐廳座位數未知人均消費約$101-200，結賬可以用Visa,Master,現金,八達通,AE,銀聯,Apple,Pay,Google,Pay。

您對於天水圍餐廳「客家好棧」有何 comment？

客家好棧餐廳詳細資料：

• 客家好棧地址:
  天水圍天恩路18號嘉湖海逸酒店第二座1樓
  Hak Ka Hut, 1/ F, Tower2, Harbour Plaza Resort City,18 Tin Yan Road, Tin Shui Wai
• 客家好棧電話:  
• 客家好棧價錢: $101-200
• 分類: 客家菜, 中菜館
• 座位: 未知
• 付款: Visa,Master,現金,八達通,AE,銀聯,Apple,Pay,Google,Pay
• FB專頁: 客家好棧 Facebook

更多客家好棧相關資料:

• 客家好棧分店
• Youtube
• Facebook
• Twitter
• Google