客家好廚 天水圍

客家好廚 評價 相片

今日放假落去飲茶。

叫左八样野食，雖然好快黎到，但係d食物凍既。

第一碟既叉燒蘇，又硬又凍，好似未煮熟咁。

之後黎既五柳炸雲吞，样子唔錯，食落口又幾好味。

之後再叫左個炒河粉，好碎好多油。

最後既鳳爪，一般啦，可以接受既。

6月14日晚9點到達,與家人特登去到天慈幫稱佢哋.當時僅有四五張枱坐咗人.個場勁冷清.坐低先知,此店以父親節為由.收起晒所有平時D菜牌.show出嚟果D全部以父親節為由,樣樣收貴幾廿蚊.貴唔緊要,D質素差咗好多. 叫個涼瓜豆腐煲.涼瓜僅僅有四件.豆腐三件,面頭全部係咸菜.仲有3分之一都係湯.石斑鹽雞孖寶$238 都叫幾好.埋單$606即時O咗咀. 兩個大人,一個細路6歲,一個10歲,4人茶位與加一已佔$100.勁唔抵食囉!亦唔會再幫稱. 

在 operice 找了一間居然有咁好評既屋村酒樓，那就要試試看訂了台 19:00 到，我大概 19:20 才到，原先分配左比我張台已經比左人 ~ 但酒樓又唔打比我，算吧喇屋村酒樓可能被人放 plane 多....去到叫普x茶, 嘩黑過墨汁，叫阿姐比多壺水我，侍應姐姐見我台上已有四壺八怪之下問我因由，我指普x大過黑喇，阿姐聽了後同我講「下次叫開淡普嘛」，跟住就走去開水 唔錯唔錯，不過後來走親過來都同我講一次 好入正題..........我們叫你1) 半隻 鹽焗雞2) 梅菜扣肉3) 豉汁蒸黃立倉4) 啫啫吊桶5) 腐乳炒通菜6)四個砵飯+兩個正常白飯多謝 $491「半隻鹽焗雞」 有雞味、肉爽、不是豆腐肉般，雞已經夠味不用點沙彊也夠鹹呢「梅菜扣肉」 超好食，堅扒，肉跟肥膏軟硬剛好，梅菜送飯一流無沙。

「豉汁蒸黃立倉」 豆豉蓉布滿在條魚上，那豉油魚汁又是送飯的一大功臣「啫啫吊桶」 或許吊桶貴，這個啫啫的配料多個主菜呢「腐乳炒通菜」 送上枱時侍應跟我們說不好意思廚房炒錯左, 問我們 蝦醬通菜 有冇問題，我們說也可以......但是食了幾條之後, 我頂............ 幹嗎有一 pat 腐乳 ?? 唔通廚房想報獲?? 結果呢碟就變左「蝦醬腐乳炒通菜」「四個砵飯」 跟豬油、豉油來，豬油比大榮華好，但豉油就不似頭抽，不好都好食過大榮華，最特色就是他們的飯面放了兩條銀魚仔，蒸上來也好香的 ~雖然上面我有些 : ，不過整體OK，好食呢.....

各位見本少爺好像經常大魚大肉，但平日我與家人吃飯倒是非常清淡。

是日與抱危疾在身的老豆飲茶，光臨「客家好廚」。

眼見牆身貼滿蔡瀾的推介，應有不少好吃的菜餚吧。

由於家父現在要吃得非常清淡，母親又是吃素之人，是日的選擇都清淡得很。

雞包仔 老豆至愛蒸素餃 媽咪至愛鮮蝦菜苗餃 本少爺至愛齋腸粉 完全沒有要求醬料

啱啱嗰個星期六有舊朋友約埋一齊晚飯，即上Open Rice 吓有乜好嘢，見到「客家好廚」D食評好似幾吸引，就去討試吓啦。

我依足推介點菜，嘩！果然真係唔錯除咗梅菜扣肉喊咗少少之外，其餘全部都好野味 例湯夠火爐又感覺唔到有味精，一字記之『好』 不過我自己試點咗個咕嚕肉就唔香趣吃啦，希望佢哋可以改善吓呢嗰菜啦！仲有服務都唔錯，一定要再去

客家好廚餐單提供客家菜, 酒樓等推介美食位於天水圍區，餐廳座位數未知人均消費約$101-200，結賬可以用Visa,Master,現金。

您對於天水圍餐廳「客家好廚」有何 comment？

客家好廚餐廳詳細資料：

• 客家好廚地址:
  天水圍天慈邨天慈商場102號舖
  Hakka Delicious, Shop102, Tin Tsz Shopping Centre, Tin Tsz Estate,, Tin Shui Wai
• 客家好廚電話:  
• 客家好廚價錢: $101-200
• 分類: 客家菜, 酒樓
• 座位: 未知
• 付款: Visa,Master,現金
• FB專頁: 客家好廚 Facebook

更多客家好廚相關資料:

• 客家好廚分店
• Youtube
• Facebook
• Twitter
• Google