嚐餐 天水圍

嚐餐 評價 相片

適逢其會，在嚐餐吃了一餐甫看餐牌，就有一種花多眼亂的感覺。

由普通的粉麵以至到炒粉麵飯，甜品飲品一應俱全，厲害處是天使麵、意大利扁麵也有供應！由於是日極欲食魚，故點了一個黑椒汁魚柳天使麵。

黑椒汁魚柳天使麵一端上來，我便立時嚇了一跳，份量竟然如此驚人！龍利柳有完整的兩大塊不止，天使麵之多更予人未吃先飽之感。

魚柳與黑椒汁皆不錯吃，魚柳軟硬適中，黑椒汁勉強不算多油，要挑剔的是香味不顯，辣味無影無縱。

至於天使麵則有一點失望，明顯的煮過頭了，烹調時似乎也未得其法，不曉得把天使麵邊旋轉邊煮，導致麵條纒作一團，我要大廢周章的分拆麵條，用飯時頗為狼狽。

熱奶茶這個則是普通貨色，茶味不顯，奶味不足，淳厚度亦與高水準差一大截，繼續努力！總括來說，嚐餐的水準以一間茶餐廳來說還是不俗的，優點是選擇多，伙計勤快，樓面清潔，值得鼓勵。

是次飯菜雖不甚理想，但亦見下了一番功夫，希望下次能夠有所驚喜。

在濕地公園遊玩了半天, 大顆兒又餓又累,由天秀站來到天恆站, 朋友介紹此茶餐廳.下午茶$1820, 選擇多樣,我選了煎蛋煙肉通粉+即磨咖啡.雖然是普通的下午茶, 不過通粉多又彈牙, 湯底好味~不像其他茶餐廳求其湯底+煮得太軟身的通粉.朋友選了西多士,加$2可配涼粉.行到身水身汗, 食返個涼粉都不錯,只是涼粉太甜.唯一一彈, 冷氣太凍.如果下次入天水圍, 都會黎幫襯呀, 絕對抵食之選

大約半個月前遊''濕地公園'',一落車勁肚餓,但在下車地點又一路望冇餐廳..剛好碰著一位太太,就叫我直行來到''這餐廳''冇唸過咁屎遠茶餐廰有豬骨湯底酸辣米線,食完才知真係有豬骨在碗底）好味..仲要配個即磨咖啡,都係 $21.對於我呢個城市人,我絕對係十個讚!

師傅踏入假期嘅倒數階段, 心情開始回歸平靜, 於是趁住仲有少少時間同埋有少少心情, 就四處出去搵下野食! 坦白講喺呢一區其實選擇真的不多, 不過師傅亦嘗試四圍貢下, 希望有新發現之餘亦有高質食店! 於是師傅逆流而上, 黎到呢一邊師傅發現有好多間食店, 但同時間亦花多眼亂, 所以兜左一陣, 最後就揀左呢間食店作為師傅嘅午餐!入到去店舖, 舖面絕對唔算大, 其實算得上細, 不過望埋去亦算清潔乾淨, 坐底後伙計就放低餐牌, 師傅望左一陣覺得是日午餐亦算不錯, 就揀左E餐作為午餐, 而餐飲就當然係師傅嘅至愛凍檸檬茶!等左一陣, 凍檸茶率先登場, 凍檸茶茶味唔夠濃, 而且帶少少澀口, 檸檬又唔係好香, 味道一般, 飲完杯凍檸檬茶後, 師傅心裡寒左一大半, 莫非又入左黑店? 真係非常驚, 不過都要試埋個主菜先知掂唔掂! E餐係西炒飯, 一樣非常簡單但唔易炒得好嘅炒飯, 先講下個賣相, 西炒飯賣相非常之靚仔, 大大碟之餘仲色澤光鮮, 甚為討好; 再睇下d配料, 有火腿, 腸仔, 蕃茄同蝦仁, 火腿同腸仔唔需多講, 因為冇咩特別, 但至少唔會過咸; 而蕃茄新鮮甜美, 好味; 值得一提係蝦仁, 皆因蝦仁十分之大隻, 而且入口非常爽口, 味道不錯, 加上份量極多, 據師傅非正式統計至少食左十五隻蝦仁, 作為一碟西炒飯有咁多蝦仁, 同埋蝦仁水準之高確實係師傅頭一次遇見, 加上炒飯炒得頗乾身, 味道亦唔會過酸或過咸, 真係令師傅有少少喜出望外!總括黎講凍檸茶失色但西炒飯出色, 為是次挽回不少分數, 而服務態度友善, 價錢相宜, 廿六蚊個午餐仲要包埋凍飲, 絕對配得上 『抵食』二字! 呢間食店對師傅黎講算得上幾遠, 但師傅覺得行遠少少有間咁好味嘅食店係絕對值得; 呢間食店比師傅第一個印象係絕對甚佳, 多蝦西炒飯絕對配得上一個笑臉, 而且一定會有下次, 皆因師傅要試下其他食物!

嚐餐餐單提供港式, 咖喱, 茶餐廳, 冰室等推介美食位於天水圍區，餐廳座位數30人均消費約$50以下，結賬可以用現金。

您對於天水圍餐廳「嚐餐」有何 comment？

嚐餐餐廳詳細資料：

• 嚐餐地址:
  天水圍俊宏軒俊宏廣場L08,L11號舖
  Taste Restaurant, Shop L08, L11, Grandeur Terrace Shopping Centre, Tin Shui Wai
• 嚐餐電話:  
• 嚐餐價錢: $50以下
• 分類: 港式, 咖喱, 茶餐廳, 冰室
• 座位: 30
• 付款: 現金
• FB專頁: 嚐餐 Facebook

更多嚐餐相關資料:

• 嚐餐分店
• Youtube
• Facebook
• Twitter
• Google